স্পৰ্টছ ডেস্ক,৪ ফেব্ৰুৱাৰী : ক্ৰীড়া মন্ত্ৰালয়ে দীপা মালিকৰ নেতৃত্বৰ ভাৰতীয় পেৰালিম্পিক সমিতিক নিলম্বিত কৰিছে । কাৰ্যকৰী সমিতিৰ নিৰ্বাচন বিলম্বিত কৰাৰ বাবে এই সিদ্ধান্ত লৈছে ক্ৰীড়া মন্ত্ৰালয়ে । দীপা মালিকৰ নেতৃত্বৰ ভাৰতীয় পেৰালিম্পিক সমিতিৰ বিৰুদ্ধে নিৰ্বাচনত ইচ্ছাকৃতভাৱে পলম কৰাৰ অভিযোগ উঠিছে ।
যোৱা পিচিআই নিৰ্বাচন ২০১৯ চনৰ ছেপ্টেম্বৰত অনুষ্ঠিত হৈছিল । কিন্তু দিল্লী উচ্চ ন্যায়ালয়ে ডব্লিউ.পি. ১০৬৪৭/২০১৯ত প্ৰদান কৰা নিৰ্দেশৰ বাবে ২০১৯ চনৰ ৩ ছেপ্তেম্বৰৰ নিৰ্বাচনৰ অধিসূচনা স্থগিত ৰখা হৈছিল আৰু ৰিটাৰ্ণিং বিষয়াকো নিৰ্বাচনৰ ফলাফল ঘোষণা কৰাত বাধা দিয়া হৈছিল । এনে পৰিস্থিতিত, নিৰ্বাচনৰ ফলাফল ঘোষণা কৰা হোৱা নাছিল ।
দিল্লী উচ্চ ন্যায়ালয়ে ২০২০ চনৰ ২৭ জানুৱাৰীৰ নিৰ্দেশ অনুসৰি উক্ত আবেদনত পৰৱৰ্তী আদেশ প্ৰদান সাপেক্ষে ২০১৯ চনৰ জাননী দিয়া নিৰ্বাচনৰ ফলাফল ঘোষণাৰ অনুমতি দিছিল । দিল্লী উচ্চ ন্যায়ালয়ৰ ওপৰোক্ত আদেশ অনুসৰণ কৰি, ৰিটাৰ্ণিং বিষয়াই ২০২০ চনৰ ৩১ জানুৱাৰীত নিৰ্বাচনৰ ফলাফল ঘোষণা কৰে । সেয়েহে, পিচিআইৰ কাৰ্যবাহী সমিতিৰ ৪ বছৰীয়া কাৰ্যকাল চলিত বৰ্ষৰ ৩১ জানুৱাৰীত সমাপ্ত হৈছে ।
পূৰ্বৱৰ্তী কাৰ্যকৰী সমিতিৰ ম্যাদ উকলি যোৱাৰ পূৰ্বে নতুন কাৰ্যকৰী সমিতি বাছনিৰ বাবে নিৰ্বাচন অনুষ্ঠিত হ'ব লাগিছিল । অৱশ্যে, ২২ জানুৱাৰীৰ পিচিআই জাননীখনে ঘোষণা কৰিছে যে অহা ২৮ মাৰ্চতহে বেংগালুৰুত নিৰ্বাচন অনুষ্ঠিত হ'ব । অৰ্থাৎ পূৰ্বৱৰ্তী কাৰ্যবাহী সমিতিৰ কাৰ্যকাল উকলি যোৱাৰ প্ৰায় দুমাহৰো বেছি সময়ৰ পিচত নিৰ্বাচন অনুষ্ঠিত হ'ব ।
পিচিআইয়ে ভালদৰে অৱগত আছিল যে কাৰ্যবাহী সমিতিৰ কাৰ্যকাল ৩১ জানুৱাৰীলৈ আছিল । কিন্তু ২৮ মাৰ্চত নিৰ্বাচন অনুষ্ঠিত কৰাৰ সিদ্ধান্ত ইচ্ছাকৃত আৰু কোনো বৈধ কাৰণ অবিহনে এই সিদ্ধান্ত লোৱা হৈছে বুলি অভিযোগ কৰা হৈছে । এনে বিফলতাই ভাৰতৰ ৰাষ্ট্ৰীয় ক্ৰীড়া উন্নয়ন সংহিতা আৰু সুশাসনৰ নীতিৰ অধীনত নিৰ্ধাৰিত গণতান্ত্ৰিক প্ৰক্ৰিয়াক দুৰ্বল কৰে । অন্যান্য ক্ৰীড়াৰ দৰে আইনীভাৱে সঠিক পৰিকাঠামোৰ ভিতৰত ভাৰতীয় ক্ৰীড়াত স্বচ্ছ আৰু গণতান্ত্ৰিক শাসন নিশ্চিত কৰাৰ বাবে ক্ৰীড়া সংহিতা অনুসৰণ কৰাটো বাধ্যতামূলক ।
সমগ্ৰ দেশৰ ক্ৰীড়া ফেডাৰেচনসমূহত সুশাসন আৰু দায়বদ্ধতাৰ মানদণ্ড বজাই ৰখাৰ অপৰিহাৰ্যতা আৰু সকলো এনএছএফ, এনঅ'চিৰ প্ৰয়োজনীয়তাৰ প্ৰতি লক্ষ্য ৰাখি, নতুন কাৰ্যকৰী সমিতি নিৰ্বাচন অনুষ্ঠিত কৰাত পিচিআইয়ে ইচ্ছাকৃতভাৱে বিলম্ব কৰিলে, এনপিচিয়ে ক্ৰীড়া বিধি কঠোৰভাৱে মানি চলিব লাগিব, যাৰ ফলত পৰৱৰ্তী নিৰ্দেশ নোপোৱালৈকে তাৎক্ষণিকভাৱে পিচিআইৰ স্বীকৃতি স্থগিত ৰখাৰ বাহিৰে কোনো বিকল্প নাথাকিব বুলি ক্ৰীড়া মন্ত্ৰালয়ে উল্লেখ কৰিছে ।
মন্ত্ৰালয়ে ভাৰতীয় পেৰা-এথলীট আৰু পেৰা-ক্ৰীড়া শাখাৰ স্বাৰ্থ সুৰক্ষিত কৰাৰ বাবে পিচিআইৰ দ্বাৰা সম্পাদন কৰিবলগা এই অনুষ্ঠানবোৰ হাতত লোৱাৰ বাবে বিশিষ্ট প্ৰশাসক আৰু খেলুৱৈসকলক লৈ এখন এড-হক সমিতি গঠন কৰিবলৈ আন্তৰ্জাতিক পেৰা অলিম্পিক সমিতিৰ (এছএআই) সৈতে সমন্বয় স্থাপন কৰিবলৈ ভাৰতীয় ক্ৰীড়া প্ৰাধিকৰণক (এছএআই) নিৰ্দেশ দিছে । যি পিচিআইৰ কাৰ্যকলাপ তদাৰক কৰিব আৰু পিচিআই সংবিধানৰ লগতে ক্ৰীড়া বিধিৰ অধীনত বিদ্যমান নিৰ্দেশনা অনুসৰি মুক্ত, নিৰপেক্ষ আৰু স্বচ্ছ নিৰ্বাচন অনুষ্ঠিত কৰিব ।
ক্ৰীড়া মন্ত্ৰালয়ৰ মতে, ভাৰতীয় অলিম্পিক সংস্থা আৰু এন.এছ.এফ-ত নতুন সমিতি বাছনিৰ বাবে নিৰ্বাচন কাৰ্যকাল সমাপ্ত হোৱাৰ কমেও এমাহ পূৰ্বে অনুষ্ঠিত হ'ব লাগে ।
লগতে পঢ়ক :ধ্বংসাত্মক য়ৰ্কাৰৰ বাবে পুনৰ চৰ্চাত বুমৰাহ
