স্প’ৰ্টছ ডেস্ক, ১০ জুলাই: ভাৰতীয় দলৰ প্ৰাক্তন প্ৰশিক্ষক ৰাহুল দ্ৰাবিড় ভাৰতীয় অনুৰাগীৰ হৃদয়ত থাকে । তেওঁৰ উদাৰতা আৰু ব্যক্তিত্ব আন মানুহৰ তুলনাত একেবাৰে পৃথক । ৰাহুলে শেহতীয়াকৈ গ্ৰহণ কৰা এটা সিদ্ধান্তই পুনৰ তেওঁৰ অনুৰাগীৰ মাজত চৰ্চিত হৈছে, অনুৰাগীৰ হৃদয়ত তেওঁৰ সন্মান আৰু বৃদ্ধি কৰিছে ।
RAHUL DRAVID REFUSED 5CR AND HAPPY WITH 2.5CR. 🥹❤️
— Mufaddal Vohra (@mufaddal_vohra) July 10, 2024
- Dravid has told the BCCI that he doesn't want prize money of 5cr instead he'll be taking prize money the same as the other coaching staff of 2.5cr. (Hindustan Times). pic.twitter.com/zEfkkFH9jZ
টি-২০ বিশ্বকাপ ২০২৪ৰ চেম্পিয়ন হোৱাৰ পাচত বি চি চি আয়ে ভাৰতীয় দলটোৰ বাবে পুৰস্কাৰৰ ধন ঘোষণা কৰিছিল । ১২৫ কোটি টকাৰ ধনৰাশি সকলো ভাৰতীয় খেলুৱৈৰ লগতে সকলো কৰ্মচাৰী, প্ৰশিক্ষক আৰু সহযোগী লোকৰ মাজত বিতৰণ কৰা হ’ব । এক প্ৰতিবেদন অনুসৰি সকলো ভাৰতীয় খেলুৱৈৰ লগতে মুখ্য প্ৰশিক্ষক ৰাহুল দ্ৰাবিড়কো ৫ কোটি আৰু অন্যান্য প্ৰশিক্ষকক ২.৫ কোটি টকা লাভ কৰিব । কিন্তু, ভাৰতীয় প্ৰশিক্ষক ৰাহুল দ্ৰাবিড়ে ২.৫ কোটি টকাৰ অতিৰিক্ত পুৰস্কাৰ ধন গ্ৰহণ কৰিবলৈ অস্বীকাৰ কৰে ।
সকলো প্ৰশিক্ষক-কৰ্মচাৰীৰ দৰে তেওঁ ২.৫ কোটি টকাৰ বোনাচ লয় আৰু ক্ৰিকেট অনুৰাগীয়ে ছ’চিয়েল মিডিয়াত তেওঁৰ এই কাৰ্যত প্ৰশংসা কৰে । বেটিং প্ৰশিক্ষক বিক্ৰম ৰাথোৰ, ফিল্ডিং প্ৰশিক্ষক টি দিলীপ আৰু বলিং প্ৰশিক্ষক পাৰস মহামব্ৰেকে ধৰি অন্যান্য সহায়ক-কৰ্মচাৰীয়ে ২.৫ কোটিকৈ নগদ ধন লাভ কৰিব লাগিছিল । ইফালে খেলুৱৈসকলৰ সমহাৰত মুখ্য প্ৰশিক্ষকক ৫ কোটি টকা দিয়াৰ পৰিকল্পনা আছিল, যিটো ৰাহুল দ্ৰাবিড়ে নাকচ কৰিছিল ।
বি চি চি আয়ে দিয়া ১২৫ কোটি টকাৰ ধন বাচনি সমিতিৰ পাঁচজন সদস্য - অধ্যক্ষ অজিত আগৰকাৰ, সলিল অংকোলা, সুব্ৰটো বেনাৰ্জী, শিৱ সুন্দৰ দাস আৰু এছ শৰথে ১ কোটি টকাকৈ লাভ কৰে । বঁটা ন্যায্য বিতৰণৰ বাবে দ্ৰাবিড়ে এই স্থিতি লোৱাটো প্ৰথম নহয় ।
২০১৮ চনত ১৯ বছৰ অনুৰ্ধ বিশ্বকাপৰ বিজয়ী দলটোৰ জয়ৰ পিচত দ্ৰাবিড়েও একেধৰণৰ সিদ্ধান্ত গ্ৰহণ কৰিছিল । মুখ্য প্ৰশিক্ষক হিচাপে থকা সময়ছোৱাত তেওঁ অতিৰিক্ত ধন ল’বলৈ অস্বীকাৰ কৰিছিল । প্ৰথম অৱস্থাত পৰিকল্পনা কৰা হৈছিল যে দ্ৰাবিড়ে ৫০ লাখ টকা পাব ৷ আনহাতে সহায়ক-কৰ্মচাৰীকে ধৰি আন সদস্যসকলে ২০ লাখ টকাকৈ পাব ।
