পেৰিছত তীব্ৰ গৰমে দহিছে ভাৰতীয় খেলুৱৈক, ক্ৰীড়া মন্ত্ৰালয়ে ল’লে বিশেষ পদক্ষেপ - Paris Olympics 2024

Paris Olympics 2024 : অলিম্পিক গেমছত অংশ ল’বলৈ পেৰিছত উপস্থিত থকা ভাৰতীয় খেলুৱৈসকলক দহিছে তীব্ৰ গৰমে। ইয়াৰ পৰিপ্ৰেক্ষিতত ভাৰত চৰকাৰে বিশেষ পদক্ষেপ গ্ৰহণ কৰে । যাৰ বাবে সকলো খেলুৱৈৰ মুখ উজলি উঠিছিল। পঢ়ক সম্পূৰ্ণ খবৰ...

স্পৰ্টছ ডেস্ক, 3 আগষ্ট : অলিম্পিক গেমছ ভিলেজৰ অসহ্য গৰমৰ পৰা হাত সাৰিবলৈ এটা পৰ্টেবল এ চিৰ প্ৰয়োজন ৷ অৱশ্যে এয়া প্ৰয়োজন কেৱল ভাৰতীয় খেলুৱৈৰ শিবিৰত৷ ক্ৰীড়া মন্ত্ৰালয়ে সকলো ব্যৱস্থা কৰিছে ৷ বৰ্তমান ফ্ৰান্সৰ পেৰিছত অলিম্পিক চলি আছে ৷ পেৰিছত গৰমৰ প্ৰকোপ অব্যাহত আছে ৷ গৰম ইমানেই অসহ্যকৰ যে খেলুৱৈসকল জুৰুলা হৈ পৰিছে ৷ যদি গৰমক এৰাই চলা নহয় তেন্তে অলিম্পিকৰ দৰে ইভেণ্টত খেলুৱৈসকলৰ বাবে প’ডিয়ামত উপনীত হোৱাটো ইমান সহজ নহ’ব ৷

Finally our Indian athletes got AC in games Village at the Paris Olympics, the authorities didn't provide AC there and they have to face tough conditions in the humid weather there, so Sport's Ministry of India installed 40 AC there on their own expense @IndiaSports @Olympics pic.twitter.com/oBcmVzAbyc

— vipul kashyap (@kashyapvipul) August 2, 2024

ক্ৰীড়া মন্ত্ৰালয়ে পেৰিছত প্ৰদান কৰে 40 টা এ চি :

ক্ৰীড়া মন্ত্ৰালয়ৰ তথ্য অনুসৰি পেৰিছত হঠাৎ উষ্ণতা বৃদ্ধিৰ বাবে অলিম্পিক গেমছ ভিলেজত খেলুৱৈসকলে সন্মুখীন হোৱা সমস্যাৰ কথা মনত ৰাখি শুকুৰবাৰে পুৱা (11 বজাত) ক্ৰীড়া মন্ত্ৰালয়, এছ এ আই, আই অ’ এ আৰু ফ্ৰান্সৰ ভাৰতীয় দূতাবাসৰ মাজত এখন সমন্বয় বৈঠক অনুষ্ঠিত হয় ৷

এই বৈঠকত সিদ্ধান্ত লোৱা হয় যে ফ্ৰান্সত থকা ভাৰতীয় দূতাবাসে পেৰিছত 40 টা এ চি ক্ৰয় কৰি ভাৰতীয় খেলুৱৈসকলে থকা গেম ভিলেজৰ কোঠাত উপলব্ধ কৰিব ৷ এই সিদ্ধান্তৰ ফলস্বৰূপে ফ্ৰান্সত থকা ভাৰতীয় দূতাবাসে ইতিমধ্যে এ চি ক্ৰয় কৰিছে, যিবোৰ গেমছ ভিলেজলৈ পঠোৱাৰ ব্যৱস্থা কৰা হৈছে ৷

pic.twitter.com/9HFabSRRLf

— vipul kashyap (@kashyapvipul) August 2, 2024

লগতে পঢ়ক : হেট্ৰিক অৰ্জনত ব্যৰ্থ মনু ভাকৰ: মহিলাৰ ২৫ মিটাৰ পিষ্টল ইভেণ্টত চতুৰ্থ স্থান - Paris Olympics 2024

গৰমৰ পৰা সকাহ পালে ভাৰতীয় খেলুৱৈসকলে :

খেলুৱৈসকলে ইতিমধ্যে এ চি ব্যৱহাৰ কৰিবলৈ আৰম্ভ কৰিছে ৷ আশা কৰা হৈছে যে ইয়াৰ ফলত তেওঁলোকে অধিক আৰামদায়ক অৱস্থান আৰু উন্নত জিৰণি লাভ কৰিব যিটো ভাল প্ৰদৰ্শনৰ বাবে অতি গুৰুত্বপূৰ্ণ ৷ সকলো এ চিৰ খৰচ ক্ৰীড়া মন্ত্ৰালয়ে বহন কৰিছে ৷

পেৰিছ অলিম্পিকত ভাৰত :

উল্লেখ্য যে ভাৰতে এতিয়ালৈকে পেৰিছ অলিম্পিক 2024 ত শ্বুটিঙত 3 টা ব্ৰঞ্জৰ পদক লাভ কৰিছে ৷ মনু ভাকেৰে 10 মিটাৰ এয়াৰ পিষ্টল ব্যক্তিগত ইভেণ্টত ব্ৰঞ্জৰ পদক আৰু 10 মিটাৰ এয়াৰ পিষ্টল মিক্সড টিম ইভেণ্টত সৰবজোৎ সিঙৰ সৈতে ব্ৰঞ্জৰ পদক লাভ কৰে ৷ আনহাতে, স্বপ্নিল কুছালে 50 মিটাৰ ৰাইফলত ব্ৰঞ্জৰ পদক লাভ কৰে ৷

লগতে পঢ়ক : পেৰিছ অলিম্পিকৰ হকী কোৱাৰ্টাৰ ফাইনেল : কেতিয়া আৰু কাৰ মুখামুখি হ’ব ভাৰত ? - Paris Olympics 2024