স্পৰ্টছ ডেস্ক, ৩০ জুলাই : পেৰিছ অলিম্পিকত ১০ মিটাৰ এয়াৰ পিষ্টল ইভেণ্টত মনু ভাকৰে ভাৰতৰ বাবে পদক অৰ্জন কৰিছে । মনুৰ টকিঅ' অলিম্পিক অভিযান হতাশাজনক আছিল যদিও পেৰিছত গুৰুত্বপূৰ্ণ প্ৰত্যাৱৰ্তন কৰি ইতিহাস ৰচিবলৈ সক্ষম হয় । এতিয়া ভাৰতে পেৰিছ অলিম্পিকত তাৰকা বক্সাৰ লাভলীনা বৰগোহাঁইৰ পৰাও একেধৰণৰ ফলাফল আশা কৰিছে ।
টকিঅ'ত ব্ৰঞ্জৰ পদক লাভ কৰি বীজেন্দ্ৰ সিং আৰু মেৰী কমৰ পিচত লাভলীনা অলিম্পিকত পদক অৰ্জন কৰা তৃতীয় ভাৰতীয় বক্সাৰ হিচাপে পৰিগণিত হৈছিল । এতিয়া সকলোৱে আশা কৰিছে, যাতে অলিম্পিকত দুটা পদক অৰ্জন কৰা প্ৰথম ভাৰতীয় বক্সাৰৰ কৃতিত্ব তেওঁ অৰ্জন কৰিবলৈ সক্ষম হয় ।
🇮🇳 𝗟𝗼𝘃𝗹𝗶𝗻𝗮 𝗕𝗼𝗿𝗴𝗼𝗵𝗮𝗶𝗻'𝘀 𝗽𝗮𝘁𝗵 𝘁𝗼 𝗴𝗹𝗼𝗿𝘆! Here's a look at Lovlina's probable opponents in the women's 75kg boxing event at #Paris2024. Can she go all the way and secure a medal for India?
— India at Paris 2024 Olympics (@sportwalkmedia) July 26, 2024
🥊 A tough draw has been handed out to Lovlina Borgohain as she… pic.twitter.com/a420cqszcO
৭৫ কিলোগ্ৰামত লাভলীনাৰ সফলতা :
অসমৰ লাভলীনাই পেৰিছ অলিম্পিকত ৭৫ কিলোগ্ৰাম শাখাত প্ৰতিদ্বন্দ্বিতা আগবঢ়াব । ৭৫ কিলোগ্ৰাম শাখাত অভিযান আৰম্ভ কৰাৰ পিচত লাভলীনাই ২০২২ চনত এছিয়ান চেম্পিয়ন আৰু ২০২৩ চনত বিশ্ব চেম্পিয়নৰ খিতাপ লাভ কৰিছিল । লগতে ২০২৩ এছিয়ান গেমছত ভাৰতীয় বক্সাৰগৰাকীয়ে ৰূপৰ পদক লাভ কৰিছিল । পূৰ্বৰ এনে প্ৰদৰ্শনৰ পৰা এইটো স্পষ্ট যে পেৰিছ অলিম্পিকৰ বাবে লাভলীনা সম্পূৰ্ণৰূপে প্ৰস্তুত ।
লাভলীনাৰ সন্মুখত প্ৰত্যাহ্বান :
অৱশ্যে লাভলীনাৰ বাবে আটাইতকৈ ডাঙৰ প্ৰত্যাহ্বান হ'ব পাৰে দুবাৰৰ অলিম্পিক পদক বিজয়ী চীনা বক্সাৰ লি কিয়ান, যি কোৱাৰ্টাৰ ফাইনেলত লাভলীনাৰ মুখামুখি হোৱাৰ সম্ভাৱনা আছে । লাভলীনাই মহিলাৰ ৭৫ কিলোগ্ৰাম শাখাত অষ্টম স্থান লাভ কৰিছে, যাৰ ফলত কোৱাৰ্টাৰ ফাইনেলত শীৰ্ষ স্থানপ্ৰাপ্ত লি কিয়ানৰ মুখামুখি হোৱাৰ সম্ভাৱনা বৃদ্ধি পাইছে ।
India's Boxing squad for Paris Olympics is final: 6 Indian boxers (4W | 2M) will be there:
— India_AllSports (@India_AllSports) June 2, 2024
Quota winners:
Women: Nikhat Zareen (50kg) | Preeti Pawar (54kg) | Jaismine Lamboriya (57kg) | Lovlina Borgohain (75kg)
Men: Amit Panghal (51kg) | Nishant Dev (71kg)
PS: At Tokyo… pic.twitter.com/EhOcvuipYV
বিশ্বৰ শীৰ্ষ বক্সাৰসকল যাতে আৰম্ভণি ৰাউণ্ডত মুখামুখি নহয় তাৰ বাবে পেৰিছ বক্সিং ইউনিটে এই ৰেংকিং অৰ্ডাৰ নিৰ্ধাৰণ কৰিছে । লাভলীনা হৈছে এই ড্ৰ'ত স্থান লাভ কৰা একমাত্ৰ ভাৰতীয় বক্সাৰ ।
লাভলীনা আৰু লি কিয়ানৰ মাজত কেইবাবাৰো খেল অনুষ্ঠিত হৈছে । বিশেষকৈ ২০২৩ চনৰ এছিয়ান গেমছৰ ফাইনেলত চীনা বক্সাৰৰ হাতত পৰাজয়ৰ প্ৰতিশোধ লোৱাৰ আকাংক্ষা নিশ্চিতভাৱে লাভলীনাৰ মনত থাকিব । অৱশ্যে, দিল্লীত অনুষ্ঠিত ২০২৩ চনৰ আইবিএ মহিলা বিশ্ব বক্সিং চেম্পিয়নশ্বিপৰ ছেমি ফাইনেলত লাভলীনাই লি কিয়ানক ৪-১ ব্যৱধানত পৰাস্ত কৰি এক ৰোমাঞ্চকৰ বিজয় পঞ্জীয়ন কৰিছিল । সেয়া সম্ভৱতঃ এতিয়ালৈকে লাভলীনাৰ শ্ৰেষ্ঠ বিজয়সমূহৰ ভিতৰত অন্যতম আছিল ।
এনে পৰিস্থিতিত কোৱাৰ্টাৰ ফাইনেলত লিৰ সৈতে খেলখন লাভলীনাৰ বাবে অলিম্পিকত দ্বিতীয়টো পদক জয়ৰ সপোন বাস্তৱায়িত কৰাৰ পথ মুকলি কৰিব পাৰে বুলি ক'লেও ভুল নহ'ব । যদি লাভলীনাই এই প্ৰত্যাহ্বান অতিক্ৰম কৰে, তেন্তে তেওঁৰ পদক নিশ্চিত বুলি গণ্য কৰিব পাৰি ।
