স্পৰ্টছ ডেস্ক, 9 আগষ্ট : ভাৰতৰ তাৰকা জেভেলিন থ্ৰ’ৱাৰ নীৰজ চোপ্ৰাই পেৰিছ অলিম্পিক 2024ত উজ্জ্বল প্ৰদৰ্শন কৰি ভাৰতৰ হৈ ৰূপৰ পদক লাভ কৰে ৷ ডিফেণ্ডিং অলিম্পিক চেম্পিয়ন নীৰজে নিজৰ স্বৰ্ণ পদক ৰক্ষা কৰিব নোৱাৰিলে ৷ পাকিস্তানৰ আৰ্ছাদ নাদীমে 92.97 মিটাৰ অলিম্পিক অভিলেখ সৃষ্টি কৰি স্বৰ্ণ পদক লাভ কৰে ৷ উল্লেখ্য যে 2020 চনৰ টকিঅ’ অলিম্পিকত নীৰজে স্বৰ্ণ পদক লাভ কৰিছিল ৷ আজি আমি আপোনালোকক ক'বলৈ ওলাইছো নীৰজে ৰূপৰ পদক লাভ কৰাৰ পিছত কি ক'লে ৷
Neeraj Chopra defied injury to seize 🥈for India at the #Paris2024! 🙌🏻
— JioCinema (@JioCinema) August 9, 2024
Don’t forget to watch his medal Ceremony from 10 PM, LIVE on #Sports18 & stream for FREE on #JioCinema 👈#OlympicsonJioCinema #OlympicsonSports18 #Olympics #JioCinemaSports #Cheer4Bharat #NeerajChopra pic.twitter.com/RwhkzksbD3
নীৰজৰ আঘাতেই হৈ পৰিল স্বৰ্ণৰ পৰা বঞ্চিত হোৱাৰ কাৰণ :
নীৰজে কয়, ‘যি ফলাফল আশা কৰা হৈছিল, সেয়া নাহিল ৷ আঘাতৰ বাবে বহুত সমস্যাৰ সন্মুখীন হৈছো, মই কৰিব বিচৰা প্ৰশিক্ষণটো কৰিব পৰা নাই ৷ এতিয়াও মই যিবোৰ থ্ৰ’ কৰি আছো সেইবোৰ বলপূৰ্বক ৷ আনকি এটা ৰাণো সঠিকভাৱে নাহিল যিটো প্ৰতিযোগিতাত আটাইতকৈ গুৰুত্বপূৰ্ণ ৷ আঘাতৰ বাবে মই বেছি প্ৰশিক্ষণ ল’ব পৰা নাই ৷ মই জানো কি কাম কৰিব লাগিব, প্ৰথমে মোৰ আঘাতৰ ওপৰত কাম কৰিম, বহুদিনৰ পৰা আঘাতৰ মাজেৰেই পাৰ কৰিছো ৷'
Neeraj Chopra wished nothing but the best for fellow athlete Arshad Nadeem after his big win at #Paris2024! 🙌
— JioCinema (@JioCinema) August 9, 2024
Catch the medal ceremony LIVE from 10 PM on #Sports18 & stream for FREE on #JioCinema 👈#OlympicsonJioCinema #OlympicsonSports18 #Olympics #Athletics #NeerajChopra… pic.twitter.com/8hZiYggyoX
নীৰজে আৰ্ছাদক স্বৰ্ণ জয় কৰাৰ বাবে অভিনন্দন জনায় :
আৰ্ছাদে স্বৰ্ণ জয় কৰা সন্দৰ্ভত নীৰজে কয়, ‘আৰ্ছাদে বহুত ভাল থ্ৰ’ কৰিছে ৷ পাকিস্তান আৰু তেওঁলোকক অভিনন্দন ৷ আমাৰ মাজত সদায় ভাল প্ৰতিযোগিতা থাকে ৷ তেওঁ প্ৰথমবাৰৰ বাবে সোণৰ পদক লাভ কৰিছে, কঠোৰ পৰিশ্ৰম কৰা খেলুৱৈজন ইয়াৰ যোগ্য ৷'
আন এটা ভিডিঅ’ত আৰ্ছাদৰ 9.2.9 মিটাৰৰ অভিলেখ থ্ৰ’ৰ কথা উল্লেখ কৰি নীৰজে কয়, ‘আৰ্ছাদে যেতিয়া থ্ৰ’ কৰিছিল, তেতিয়া মোৰ মনত সেইটোৱেই আছিল ৷ আজিলৈকে 90 মিটাৰ নিক্ষেপ নকৰিলেও মোৰ মনত আছিল যে কেতিয়াও নিক্ষেপ নকৰিলেও আজি কৰিম ৷ আজি প্ৰতিযোগিতাখন কঠোৰ প্ৰত্যাহ্বান আছিল যদিও দেশৰ বাবে পদক লাভ কৰি সুখী ৷ মই বহুত ভাবিছিলো যে আজি নহ'লে তেতিয়া, আজি যেতিয়া প্ৰয়োজন হ'ল সেয়া কৰিব পৰা নগ’ল ৷ মুক্তভাৱে নিক্ষেপ কৰিব পৰা নাছিলো, পৰিৱেশ মোৰ পক্ষত নাছিল ৷'
লগতে পঢ়ক : স্বৰ্ণ নহয় : পেৰিছ অলিম্পিকত ৰূপৰ পদক জয় নীৰজ চোপ্ৰাৰ - PARIS OLYMPICS 2024
পাকিস্তানৰ হাতত হাৰি নাযাব, এই প্ৰশ্নক লৈ কয় নীৰজ চোপ্ৰাই :
প্ৰায়ে আমি কওঁ যে আপুনি যিকোনো ব্যক্তিৰ হাতত পৰাস্ত হ’ব পাৰে কিন্তু পাকিস্তানৰ হাতত পৰাস্ত নহ’ব ৷ এই প্ৰশ্নত নীৰজে ক’লে, ‘মই বহুদিনৰ পৰা আৰ্ছাদৰ সৈতে খেলি আছো, আজি তেওঁ প্ৰথমবাৰৰ বাবে জয়ী হৈছে, আজি তেওঁৰ দিন আছিল আৰু আমি এয়া মানি ল’ব লাগিব ৷ এইখিনিয়ে মোক খেলত শিকোৱা হৈছিল ৷ আগলৈ আমি দুয়ো আৰু খেলিম ৷ মই বহু ভাবিছিলো যে আজি নহ'লে তেতিয়া, আজি যেতিয়া প্ৰয়োজন হ'ল সেয়া কৰিব পৰা নগ’ল ৷ মুক্তভাৱে নিক্ষেপ কৰিব পৰা নাছিলো, পৰিৱেশ মোৰ পক্ষত নাছিল ৷'
লগতে পঢ়ক : পেৰিছ অলিম্পিকৰ জেভলিনত পদক বিজয়ীয়ে কিমান পৰিমাণে লাভ কৰিলে নগদ ধন - PARIS OLYMPICS 2024
