স্পৰ্টছ ডেস্ক, ১ আগষ্ট : পেৰিছ অলিম্পিকত পদকৰ তালিকাত আৰু এখোজ আগবাঢ়িল ভাৰত । ভাৰতৰ বাবে তৃতীয়টো পদক আঁজুৰি আনিলে তাৰকা শ্বুটাৰ স্বপ্নিল কুছালেয়ে । বৃহস্পতিবাৰে শ্বুটাৰ স্বপ্নিল কুছালেয়ে পুৰুষৰ ৫০ মিটাৰ ৰাইফল ৩ পজিছনৰ ফাইনেলত ব্ৰঞ্জৰ পদক দখল কৰে । তেওঁ ৪৫১.৪ পইণ্টৰ সৈতে তৃতীয় স্থানত আছিল । পেৰিছ অলিম্পিকৰ আজি ষষ্ঠ দিন আৰু ভাৰতে তেওঁৰ ওপৰত যথেষ্ট আশা কৰিছিল । অৱশ্যে সেই আশা পূৰণ কৰিলে স্বপ্নিলে ।
BRONZE MEDAL for Swapnil Kusale 🔥🔥🔥
— India_AllSports (@India_AllSports) August 1, 2024
Swapnil Kusale wins Bronze medal in 50m Rifle 3P (Shooting). #PARIS2024 #Paris2024withIAS pic.twitter.com/FuDpD44Rlj
পেৰিছ অলিম্পিকত ভাৰতৰ তৃতীয় পদক
স্বপ্নিলৰ আৰম্ভণি উন্নত নাছিল । তেওঁ ৯.৬ পইণ্টত প্ৰথম শ্বট কৰে । কিন্তু তাৰ পিচত তেওঁৰ প্ৰদৰ্শন উন্নত হয় নীলিং (আঁঠু কঢ়া) পজিছনত প্ৰথম শৃংখলাৰ বাকী প্ৰচেষ্টাত ১০ পইণ্টতকৈ অধিক শ্বট কৰে । তেওঁ দ্বিতীয় শৃংখলাটো ১০.১ পইণ্টাৰেৰে আৰম্ভ কৰে কিন্তু গতি অব্যাহত ৰাখিবলৈ ব্যৰ্থ হয় । পুনৰ এবাৰ ৯.৯ পইণ্টৰ শ্বটত বিফল হয় । অৱশ্যে তৃতীয় আৰু অন্তিম শৃংখলাত তেওঁক অধিক আকৰ্ষণীয় দেখা গৈছিল আৰু ১০ পইণ্টৰ ওপৰত সকলো শ্বট কৰিছিল । তেওঁ ১৫৩.৩ পইণ্টৰ সৈতে ষষ্ঠ স্থানত এই পৰ্যায়টো সমাপ্ত কৰে ।
OLYMPIC BRONZE MEDALIST SWAPNIL KUSALE. What an incredible performance. Consistent from start to end bringing us our 3rd Bronze Medal in shooting and at @paris2024. #JeetKaJashn #Cheer4Bharat #IndiaAtParis24 pic.twitter.com/57B0bYCyRb
— Team India (@WeAreTeamIndia) August 1, 2024
খেলখন আগবাঢ়ি যোৱাৰ লগে লগে তেওঁৰ শ্বটবোৰো উন্নত হয় । কোলহাপুৰৰ স্বপ্নিলে পৰৱৰ্তী ১৫ টা প্ৰচেষ্টাত একেৰাহে ১০ ৰো অধিক পইণ্টৰ শ্বট মাৰিবলৈ সক্ষম হয় । ৩১০.১ পইণ্টৰ সৈতে তেওঁ চতুৰ্থ স্থানলৈ উন্নীত হয় । তেওঁ প্ৰথম শৃংখলাত ৫২.৭ পইণ্ট, দ্বিতীয় শৃংখলাত ৫২.২ আৰু তৃতীয় শৃংখলাত ৫১.৯ পইণ্ট অৰ্জন কৰে । য'ত তেওঁৰ সৰ্বশ্ৰেষ্ঠ প্ৰচেষ্টা হৈছে ১০.৮ ।
স্বপ্নিলৰ ব্ৰঞ্জৰ পদক লাভ
🇮🇳🔥 𝗜𝗻𝗱𝗶𝗮'𝘀 𝗲𝗹𝗶𝘁𝗲 𝘀𝗵𝗼𝗼𝘁𝗲𝗿𝘀! A historic achievement for Swapnil Kusale as he wins India's first-ever medal in the 50m Rifle 3 Positions shooting event at the Olympics.
— India at Paris 2024 Olympics (@sportwalkmedia) August 1, 2024
🧐 Here's a look at India's shooting medallists in the Olympics over the years.
👉… pic.twitter.com/FHZbZqxzim
প্ৰোণ পজিছন খেলা পূৰ্বে ৫ মিনিটৰ বিৰতিৰ পিচত এনে অনুভৱ হৈছিল যেন তেওঁৰ গতি স্তব্ধ হৈছে । তেওঁ অন্তিম পৰ্যায়ৰ প্ৰথম প্ৰচেষ্টাত ৯.৯ পইণ্টাৰ শ্বট মাৰিছিল, কিন্তু তাৰ পিচত ১০.৭ পইণ্টৰ শ্বটৰ সৈতে এক সুন্দৰ প্ৰত্যাৱৰ্তন কৰে । তেওঁ প্ৰথম শৃংখলাৰ পৰা ৫১.১ পইণ্ট আৰু তাৰ পিচত দ্বিতীয় শৃংখলাৰ পৰা ৫০.৪ পইণ্ট অৰ্জন কৰে আৰু ৪১১.৬ পইণ্টৰ সৈতে তৃতীয় স্থানত থাকি এলিমিনেচন শৃংখলাত প্ৰৱেশ কৰে ।
তৃতীয় আৰু অন্তিম এলিমিনেচন ৰাউণ্ডত তেওঁ প্ৰথম শ্বটটো ১০.৫ত মাৰিছিল আৰু তৃতীয় স্থানত নিজৰ স্থিতি বজাই ৰাখিছিল । শেষত তেওঁ ৪৫১.৪ পইণ্টৰ স্ক'ৰৰ সৈতে খেল সমাপ্ত কৰে আৰু ব্ৰঞ্জৰ পদক দখল কৰে ।
