স্প’ৰ্টছ ডেস্ক: নিউজিলেণ্ড আৰু ইংলেণ্ডৰ মাজত অনুষ্ঠিত তিনিখন খেলৰ টেষ্ট শৃংখলাৰ তৃতীয় তথা অন্তিমখন খেল হেমিল্টনৰ ছেডন পাৰ্কত অনুষ্ঠিত হৈছে ।
এই খেলখনত শতক অৰ্জন কৰাৰ পিছত নিউজিলেণ্ডৰ প্ৰাক্তন অধিনায়ক তথা তাৰকা বেটছমেন কেন উইলিয়ামছনে গঢ়িছে বৃহৎ অভিলেখ । উইলিয়ামছন হৈ পৰিছে বিশ্ব টেষ্ট চেম্পিয়নশ্বিপত সৰ্বাধিক শতক অৰ্জনকাৰী দ্বিতীয়গৰাকী বেটছমেন ৷
33 সংখ্যক টেষ্ট শতক অৰ্জন কেন উইলিয়ামছনৰ
কেন উইলিয়ামছনে এই খেলখনত নিউজিলেণ্ডৰ হৈ দ্বিতীয় ইনিংছত শতক অৰ্জন কৰে । খেলুৱৈগৰাকীয়ে 14 টা চাৰি আৰু 6 টা ছয়ৰে 137 টা বলত শতক সম্পূৰ্ণ কৰে । এয়া ক্ৰিকেটাৰগৰাকীৰ টেষ্ট কেৰিয়াৰৰ 33 তম শতক ।
Test century No.33 🙌
— ICC (@ICC) December 16, 2024
A Kane Williamson masterclass in Hamilton 👏#NZvENG 👉 https://t.co/rDDz3CQKeS#WTC25 pic.twitter.com/94wbwVbsO1
উইলিয়ামছনে জেকব বেথেলৰ 58 তম অভাৰৰ প্ৰথমটো বলতে এটা ছয় মাৰি শতক অৰ্জন কৰে । এয়া হেমিল্টনত ক্ৰিকেটাৰগৰাকীৰ সপ্তম আৰু ঘৰৰ মাটিত 20 তম শতক ৷ উইলিয়ামছনে 200 টা বলত 156 ৰাণ সংগ্ৰহ কৰি পেভিলিয়নলৈ ওভতে ৷
Most Hundreds in WTC History:
— Tanuj Singh (@ImTanujSingh) December 16, 2024
Joe Root - 18 (116 innings).
Kane Williamson - 11* (50).
Labuschagne - 11 (86).
Steve Smith - 10 (82).
- Kane has 11 Hundreds in just 50 innings is just Ridiculous..!!!! 🥶 pic.twitter.com/T0kUKXOQSj
এই শতকৰ সৈতে ডব্লিউ টি চি চেম্পিয়নশ্বিপত ক্ৰিকেটাৰগৰাকীৰ নামত আছে মুঠ 11 টা শতক ৷ তেওঁ এই প্ৰতিযোগিতাৰ ইতিহাসত সৰ্বাধিক শতক অৰ্জন কৰা বিশ্বৰ দ্বিতীয়জন বেটছমেনত পৰিণত হৈছে ৷ ইংলেণ্ডৰ বেটছমেন তথা প্ৰাক্তন অধিনায়ক জ’ ৰুট আছে এই তালিকাৰ শীৰ্ষত ৷ তালিকাত থকা আন একাংশ ক্ৰিকেটাৰ হৈছে মাৰ্নাছ লাবুচাগেন আৰু ষ্টিভ স্মিথ ৷
বিশ্ব টেষ্ট চেম্পিয়নশ্বিপৰ ইতিহাসত সৰ্বাধিক শতক
- জ’ ৰুট: 116 ইনিংছ - 18 টা শতক
- কেন উইলিয়ামছন: 50 ইনিংছ - 11 টা শতক
- মাৰ্নাছ লাবুচাগেন: 86 ইনিংছ - 11 টা শতক
- ষ্টিভ স্মিথ: 82 ইনিংছ - 12 শতক
ডব্লিউ টি চি চেম্পিয়নশ্বিপত সৰ্বাধিক শতক অৰ্জন কৰা বেটছমেনসকলৰ ভিতৰত ভাৰতৰ বিৰাট কোহলী আৰু ৰোহিত শৰ্মাৰ দৰে বেটছমেনেও স্থান লাভ কৰা নাই । বিৰাট আৰু ৰোহিতে যি কৰিব নোৱাৰিলে, প্ৰকৃতাৰ্থত কেন উইলিয়ামছনে সেয়া কৰি দেখুৱালে ৷
আন্তঃৰাষ্ট্ৰীয় খেলত সৰ্বাধিক শতক
কেন উইলিয়ামছন হৈছে আন্তঃৰাষ্ট্ৰীয় মেচত সৰ্বাধিক শতক অৰ্জনকাৰী চতুৰ্থগৰাকী খেলুৱৈ ৷ এই তালিকাত ভাৰতীয় ক্ৰিকেটাৰ বিৰাট কোহলী আৰু ৰোহিত শৰ্মাৰ নামো অন্তৰ্ভুক্ত আছে । কোহলীয়ে 81 টা আন্তঃৰাষ্ট্ৰীয় শতকৰ সৈতে তালিকাৰ শীৰ্ষস্থান দখল কৰিছে ৷ আনহাতে, জ’ ৰুট আছে এই তালিকাৰ দ্বিতীয় স্থানত ৷
Most International Hundreds by active players:
— Tanuj Singh (@ImTanujSingh) December 16, 2024
Virat Kohli - 81
Joe Root - 52
Rohit Sharma - 48
Kane Williamson - 46*
Steve Smith - 45 pic.twitter.com/LCKIvCqfgw
আন্তঃৰাষ্ট্ৰীয় খেলত সৰ্বাধিক শতক অৰ্জন কৰা সক্ৰিয় খেলুৱৈ
- বিৰাট কোহলী - 81
- জ’ ৰুট - 52
- ৰোহিত শৰ্মা - 48
- কেন উইলিয়ামছন - 46*
- ষ্টিভ স্মিথ - 45
এই অভিলেখৰ সৈতে উইলিয়ামছন টেষ্ট ক্ৰিকেটৰ এখন খেলপথাৰত একেৰাহে 5 টা টেষ্ট শতক অৰ্জন কৰা বিশ্বৰ প্ৰথমজন বেটছমেনত পৰিণত হয় । তেওঁ হেমিল্টনত একেৰাহে 5 টা শতক অৰ্জন কৰিছে ৷
HISTORY BY KANE WILLIAMSON. 🙇♂️
— Mufaddal Vohra (@mufaddal_vohra) December 16, 2024
- Williamson becomes the first batter in history to score 5 consecutive Test centuries at a single venue. 🤯 pic.twitter.com/8KF4k242BZ
এই মেচখনত নিউজিলেণ্ডে প্ৰথম ইনিংছত সংগ্ৰহ কৰিছিল 347 ৰাণ । প্ৰত্যুত্তৰত ইংলেণ্ডৰ দলটোৱে 143 ৰাণ সংগ্ৰহ কৰে । আনহাতে, দ্বিতীয় ইনিংছত নিউজিলেণ্ডে এতিয়ালৈকে 5 টা উইকেট হেৰুৱাই 345 ৰাণ সংগ্ৰহ কৰিছে । তৃতীয় দিনৰ খেলৰ শেষলৈ নিউজিলেণ্ডৰ অগ্ৰগতি হৈছে 545 ৰাণ ।
Kane Williamson and New Zealand press on in Hamilton 🏏#NZvENG 👉 https://t.co/rDDz3CQKeS#WTC25 pic.twitter.com/WSCIvVBtsp
— ICC (@ICC) December 16, 2024
লগতে পঢ়ক: গাব্বা হৈ ৰ’ল সাক্ষী; মাইলৰ খুঁটি অৰ্জন বিৰাট কোহলীৰ
