স্প’ৰ্টছ ডেস্ক, 16 ছেপ্টেম্বৰ: শনিবাৰে মাজনিশা অনুষ্ঠিত হোৱা ডায়মণ্ড লীগ 2024 ৰ ফাইনেলত ভাৰতৰ তাৰকা জেভলিন থ্ৰ’য়াৰ নীৰজ চোপ্ৰাই মাত্ৰ এক ছেণ্টিমিটাৰ দূৰত্বৰ বাবে খিতাপ জয়ৰ পৰা বঞ্চিত হয় । ফাইনেলত ভাৰতৰ শীৰ্ষস্থানৰ জেভলিন থ্ৰ’য়াৰ নীৰজ চোপ্ৰাই 87.86 মিটাৰ শ্ৰেষ্ঠ থ্ৰ’ৰ সৈতে লাভ কৰে দ্বিতীয় স্থান ৷ বিপৰীতে এণ্ডাৰছন পিটাৰ্ছৰ 87.87 ৰ শ্ৰেষ্ঠ থ্ৰ’ৰ অৰ্জন কৰে ডায়মণ্ড লীগৰ খিতাপ ৷
The most heartbreaking result. 💔
— Mufaddal Vohra (@mufaddal_vohra) September 14, 2024
- Neeraj Chopra misses the Diamond League title because of just 1 centimetre. 🥲 pic.twitter.com/G9CYNk5WZa
ভঙা হাতেৰে ডায়মণ্ড লীগত অংশগ্ৰহণ
ডায়মণ্ড লীগৰ ফাইনেলত দ্বিতীয় স্থান দখল কৰাৰ পিছত নীৰজ চোপ্ৰাই 2024 বৰ্ষৰ অভিযান সন্দৰ্ভত সামাজিক মাধ্যমত প্ৰকাশ কৰে কিছু কথা ৷ ভাৰতৰ শীৰ্ষস্থানৰ অন্যতম 26 বছৰীয়া খেলুৱৈগৰাকীয়ে ভঙা বাওঁহাতেৰেই লীগত অংশগ্ৰহণ কৰাৰ কথা প্ৰকাশ কৰে ৷ খেলুৱৈগৰাকীৰ চতুৰ্থ মেটাকাৰ্পল হাড়ডাল ডায়মণ্ড লীগৰ সময়ত ভগ্ন অৱস্থাত আছিল ৷
As the 2024 season ends, I look back on everything I’ve learned through the year - about improvement, setbacks, mentality and more.
— Neeraj Chopra (@Neeraj_chopra1) September 15, 2024
On Monday, I injured myself in practice and x-rays showed that I had fractured the fourth metacarpal in my left hand. It was another painful… pic.twitter.com/H8nRkUkaNM
চোপ্ৰাই নিজৰ পোষ্টত লিখিছে, "2024 চনৰ ছিজনৰ অন্ত পৰাৰ লগে লগে মই গোটেই বছৰটোত শিকি অহা উন্নতি, বিফলতাৰ পৰা আৰম্ভ কৰি মানসিকতা আৰু বহুতো কথালৈ উভতি চাওঁ" ৷
তেওঁ আৰু লিখিছে, "সোমবাৰে অনুশীলন কৰি থাকোঁতে আঘাতপ্ৰাপ্ত হৈছিলো আৰু এক্স-ৰেত দেখা গৈছিল যে, মোৰ বাওঁহাতৰ চতুৰ্থ মেটাকাৰ্পল ডাল ভাঙি গৈছে । মোৰ বাবে এয়া আছিল আন এক বেদনাদায়ক প্ৰত্যাহ্বান । কিন্তু মোৰ দলৰ সহায়ত মই ব্ৰাছেলছ’ত অংশগ্ৰহণ কৰিবলৈ সক্ষম হৈছিলো" ।
2024 চনটো এটা পাহৰিব পৰা ছিজন
ব্ৰাছেলছত অনুষ্ঠিত হোৱা ডায়মণ্ড লীগৰ ফাইনেল নীৰজ চোপ্ৰাৰ বাবে বিফলভাৱে সামৰণি পৰে ৷ তুলনামূলকভাৱে সমগ্ৰ ছিজনটো আছিল খেলুৱৈগৰাকীৰ বাবে এটা হতাশাজনক বৰ্ষ ৷ ডায়মণ্ড লীগৰ উপৰিও বৰ্তমানৰ বিশ্ব চেম্পিয়নগৰাকীয়ে এই ছিজনৰ আৰম্ভণিতে পেৰিছ অলিম্পিক, ডোহা ডায়মণ্ড লীগ আৰু ল’জান ডায়মণ্ড লীগতো লাভ কৰিছিল দ্বিতীয় স্থান ।
Neeraj Chopra fractured his left hand on Monday while practicing.
— Mufaddal Vohra (@mufaddal_vohra) September 15, 2024
- Neeraj participated in the Diamond League Final with a lot of pain. 👌🫡 pic.twitter.com/fO0ufOKnQP
আশা কৰা মতে লক্ষ্যত উপনীত হোৱাত ব্যৰ্থ: নীৰজ
2024 চনত বহুবাৰ খিতাপ দখলৰ যুঁডত অৱতীৰ্ণ হৈও বিফল হোৱা নীৰজ চোপ্ৰাই সামাজিক মাধ্যমত শ্বেয়াৰ কৰা পোষ্টটোত এনেদৰে লিখিছিল, "এইটো বছৰটোৰ অন্তিম প্ৰতিযোগিতা আছিল ৷ মই মোৰ ছিজনটো খিতাপ দখলৰে সমাপ্ত কৰিবলৈ বিচাৰিছিলো । যদিও মই আশা পূৰণ কৰিব নোৱাৰিলো, তথাপিও মই ভাবো যে এইটো এটা এনে ছিজন আছিল, য’ত মই বহুত শিকিলো । মই সম্পূৰ্ণ ফিট আৰু খেলিবলৈ সাজু হৈ প্ৰত্যাৱৰ্তন কৰিবলৈ দৃঢ়প্ৰতিজ্ঞ । আপোনালোক সকলোৱে উৎসাহ দিয়াৰ বাবে ধন্যবাদ জনাইছো । 2024 চনে মোক এগৰাকী ভাল খেলুৱৈ আৰু ব্যক্তিত পৰিণত কৰি তুলিছে । 2025 চনত লগ পাম" ।
লগতে পঢ়ক: পুনৰ অনুৰাগীক নিৰাশ নীৰজ চোপ্ৰাৰ, মাত্ৰ এক ছেণ্টিমিটাৰৰ বাবে হেৰুৱালে খিতাপ - DIAMOND LEAGUE 2024
