স্প’ৰ্টছ ডেস্ক: সুদীৰ্ঘ এবছৰৰো অধিক সময় আঘাতৰ বাবে খেলপথাৰৰ পৰা আঁতৰত আছিল ভাৰতীয় বলাৰ মহম্মদ ছামী ৷ সম্প্ৰতি সম্পূৰ্ণৰূপে সুস্থ খেলুৱৈগৰাকীয়ে ৰঞ্জী ট্ৰফীৰ জৰিয়তে ক্ৰিকেটলৈ প্ৰত্যাৱৰ্তন কৰিছে ৷
সুদীৰ্ঘ সময়ৰ মূৰত খেলপথাৰত নামিয়েই নিজৰ বলিং ধুমুহাৰে ছামীয়ে দিশহাৰা কৰি তুলিছে বিপক্ষৰ ক্ৰিকেটাৰক ৷ মধ্যপ্ৰদেশৰ বিৰুদ্ধে ৰঞ্জী ট্ৰফী গ্ৰুপ চি-ৰ এখন খেলত বংগৰ হৈ প্ৰথম ইনিংছত তাৰকা ভাৰতীয় পেচাৰগৰাকীয়ে সুন্দৰ বলিং কৰে ৷ ছামীৰ বলিং বিক্ৰমৰ সহায়ত বংগই মধ্যপ্ৰদেশক সহজে পৰাভূত কৰিবলৈ কৰে ৷
মহম্মদ ছামীৰ দুৰ্দান্ত প্ৰত্যাৱৰ্তন
মধ্যপ্ৰদেশৰ অধিনায়ক শুভম শৰ্মা, ল’ৱাৰ অৰ্ডাৰ বেটছমেন সাৰাংশ জৈন আৰু কুমাৰ কাৰ্তিকেয়াৰ ৰূপত তিনিটাকৈ গুৰুত্বপূৰ্ণ উইকেট দখল কৰে ছামীয়ে ৷
Waiting for Mohammed Shami to return ASAP. He looks great in Ranji Trophy.
— Mufa Kohli (@MufaKohli) November 14, 2024
pic.twitter.com/HGtxxjRbr6
মেচখনৰ প্ৰথম ইনিংছত বংগই আটাইকেইটা উইকেটৰ বিনিময়ত সংগ্ৰহ কৰিছিল 228 ৰাণ ৷ পিছে দলটোৰ বলাৰসকলৰ সুন্দৰ প্ৰদৰ্শনৰ বাবেই তেওঁলোকে মধ্যপ্ৰদেশক 167 ৰাণত ধৰি ৰাখিবলৈ সক্ষম হয় ৷ এনেদৰে দ্বিতীয় দিনা দিনৰ আহাৰ বিৰতিৰ সময়লৈকে বেংগলে প্ৰথম ইনিংছত 61 ৰাণৰ অগ্ৰগতি অৰ্জন কৰে ।
এদিনীয়া বিশ্বকাপ 2024 আছিল ছামীৰ অন্তিমখন আন্তঃৰাষ্ট্ৰীয় মেচ
34 বছৰীয়া ছামীয়ে যোৱা বছৰ কেৰিয়াৰৰ অন্তিমখন আন্তঃৰাষ্ট্ৰীয় মেচ খেলিছিল ৷ 2023 চনৰ এদিনীয়া বিশ্বকাপৰ ফাইনেল মেচখনেই আছিল ছামীয়ে আঘাতৰ পূৰ্বে খেলা শেষৰখন মেচ ৷ তাৰপিছতে ছামীয়ে গোৰোহাত আঘাত পাইছিল আৰু চলিত বৰ্ষৰ ফেব্ৰুৱাৰীত সম্পন্ন কৰিছিল অস্ত্ৰোপচাৰ ৷ তেতিয়াৰে পৰা তেওঁ বেংগালুৰুৰ ৰাষ্ট্ৰীয় ক্ৰিকেট একাডেমীত আছিল ।
Mohammed Shami impresses on return 👏🤩
— Cricbuzz (@cricbuzz) November 14, 2024
19 overs | 4 maidens | 54 runs | 4 wickets#RanjiTrophy pic.twitter.com/z5LN6plnRN
অষ্ট্ৰেলিয়াৰ বিৰুদ্ধে শৃংখলাত নাপালে স্থান
অক্টোবৰত নিউজিলেণ্ডৰ বিৰুদ্ধে অনুষ্ঠিত হোৱা টেষ্ট শৃংখলাৰ জৰিয়তে মহম্মদ ছামী খেলপথাৰলৈ ওভতাৰ আশা প্ৰকাশ কৰিছিল অনুৰাগীয়ে ৷ অৱশ্যে তাৰপিছতে ছামীৰ আঁঠু ফুলি গৈছিল, যাৰ বাবে খেলুৱৈগৰাকী বাদ পৰিছিল ব’ৰ্ডাৰ-গাভাস্কাৰ ট্ৰফীৰ পৰা ৷
🚨 MOHAMMAD SHAMI PICKED 4/54 UPON HIS RETURN TO CRICKET AFTER 360 DAYS...!!! 🚨 pic.twitter.com/PRB3lBHhVs
— Mufaddal Vohra (@mufaddal_vohra) November 14, 2024
পৰৱৰ্তী সময়ত সোঁহতীয়া পেচাৰগৰাকীয়ে প্ৰতিযোগিতাখনত কৰ্ণাটকৰ বিৰুদ্ধে খেলাৰ আশা প্ৰকাশ কৰা হৈছিল ৷ কিন্তু আঘাতৰ বাবেই খেলৰ পৰা বাহিৰ হৈছিল ছামী । যাৰ বাবে ব’ৰ্ডাৰ-গাভাস্কাৰ ট্ৰফীত ছামীৰ অংশগ্ৰহণৰ সম্ভাৱনা অনিশ্চয়তাৰ মাজত আছে ৷
ব’ৰ্ডাৰ-গাভাস্কাৰ ট্ৰফীত স্থান পাব পাৰে ছামীয়ে
একাংশ সংবাদ মাধ্যমৰ প্ৰতিবেদন অনুসৰি, ভাৰতীয় ক্ৰিকেট নিয়ন্ত্ৰণ ব'ৰ্ডে (বি চি চি আই) এতিয়াও ছামীৰ শাৰীৰিক অৱস্থা নিৰীক্ষণত ৰাখিছে ৷ যাতে পৰৱৰ্তী সময়ত তেওঁলোকে অষ্ট্ৰেলিয়াৰ বিৰুদ্ধে অনুষ্ঠিত হ’বলগা টেষ্ট শৃংখলাত খেলুৱৈগৰাকীক দলত অন্তৰ্ভুক্ত কৰিব পাৰে ।
লগতে পঢ়ক: ধোনী, কোহলী, ৰোহিত আৰু দ্ৰাবিড়ে মোৰ পুত্ৰৰ 10 বছৰ সময় নষ্ট কৰিছে: সঞ্জু চেমছনৰ পিতৃ
