স্পৰ্টছ ডেস্ক, 29 জুলাই : পেৰিছ অলিম্পিকত সোমবাৰে সামান্য ব্যৱধানত পদক বঞ্চিত হয় ভাৰতৰ যুৱ শ্বুটাৰ অৰ্জুন বাবুতা ৷ তেওঁৰ ইভেন্টত চতুৰ্থ স্থান দখল কৰে শ্বুটাৰগৰাকীয়ে ৷ চণ্ডীগড়ৰ এই 25 বছৰীয়া শ্বুটাৰগৰাকীয়ে সোমবাৰে পুৰুষৰ 10 মিটাৰ এয়াৰ ৰাইফলৰ ফাইনেলত 208.4 স্ক’ৰ সংগ্ৰহ কৰে ৷ ইয়াৰ পূৰ্বে 28 জুলাইত মনু ভাকৰে 10 মিটাৰ এয়াৰ পিষ্টলত ভাৰতৰ হৈ ব্ৰঞ্জৰ পদক লাভ কৰিছিল ৷
10m Air Rifle Men's Final
— SAI Media (@Media_SAI) July 29, 2024
Valiant effort from Arjun Babuta, who shot a 208.4 to finish 4th.
The shooter was in fine fettle as he pushed the medallists all the way at #ParisOlympics2024. pic.twitter.com/JLMlBmBTCe
বাবুতাই সমগ্ৰ ফাইনেলত পদক জয়ৰ দৌৰত তিষ্ঠি আছিল ৷ কিন্তু, তেওঁৰ দ্বিতীয়টো শেষ শ্বটত তেওঁ মাত্ৰ 10.1 পইণ্টহে লাভ কৰিবলৈ সক্ষম হয়, যাৰ বাবে তেওঁ তৃতীয় স্থানৰ পৰা চতুৰ্থ স্থানলৈ অৱনমিত হয় ৷ তেওঁৰ পদক লাভৰ সপোন ছিন্নভিন্ন হৈ পৰে যেতিয়া তেওঁ শেষৰটো শ্বটত মাত্ৰ 9.5 পইণ্টহে লাভ কৰে ৷
So close, yet so far 💔
— JioCinema (@JioCinema) July 29, 2024
Arjun Babuta finishes 4th in the final of the men's 10m Air Rifle event.
Keep watching the Olympics LIVE on #Sports18 & stream for FREE on #JioCinema 👈#OlympicsOnJioCinema #OlympicsOnSports18 #JioCinemaSports #Cheer4Bharat #Paris2024 pic.twitter.com/FU9MpguDKY
অৰ্জুন বাবুতা অলিম্পিকৰ ইতিহাসত চতুৰ্থ স্থান দখল কৰা তৃতীয়গৰাকী ভাৰতীয় শ্বুটাৰ ৷ তেওঁৰ পূৰ্বে জয়দীপ কৰ্মকাৰে লণ্ডন অলিম্পিকত (2012) চতুৰ্থ স্থান দখল কৰিছিল ৷ বেইজিং অলিম্পিকৰ স্বৰ্ণ পদক বিজয়ী অভিনৱ বিন্দ্ৰাই 2016 চনৰ ৰিঅ’ত চতুৰ্থ স্থান দখল কৰিছিল ৷ এয়া এনেকুৱা এক স্থান য’ত কোনো খেলুৱৈয়ে অৱস্থান কৰিবলৈ পছন্দ নকৰে ৷
লগতে পঢ়ক : মিক্সড ১০ মিটাৰ এয়াৰ পিষ্টলৰ ব্ৰঞ্জৰ পদক মেচত যোগ্যতা অৰ্জন মনু ভাকৰ-সৰবজোৎ সিঙৰ - Paris Olympics 2024
বাবুতা পঞ্জাৱৰ জালালাবাদ অঞ্চলৰ এটা মধ্যবিত্ত পৰিয়ালৰ পৰা আহিছে ৷ এয়া ভাৰত-পাকিস্তান সীমান্তৰ ওচৰৰ এখন সৰু গাঁও ৷ তেওঁ জন্ম গাঁৱতে প্ৰাথমিক শিক্ষা সমাপ্ত কৰে আৰু পিচলৈ পৰিয়ালৰ সৈতে চণ্ডীগড়লৈ গুচি যায় ৷ তেওঁৰ পিতৃ ভাৰতীয় ৰে’লৱেত কৰ্মৰত ৷ অৰ্জুনে চণ্ডীগড়ৰ ডি এ ভি কলেজৰ পৰা বি এ অনাৰ্ছ অধ্যয়ন কৰিছিল ৷
কোৰিয়াৰ এছিয়ান চেম্পিয়নশ্বিপত (2023) 10 মিটাৰ এয়াৰ ৰাইফল ব্যক্তিগত ইভেণ্টত ৰূপৰ পদক লাভ কৰি অৰ্জুনে দেশৰ বাবে 2024 চনৰ অলিম্পিকৰ কোটা নিশ্চিত কৰিছিল ৷ কায়ৰোৰ বিশ্ব চেম্পিয়নশ্বিপত (2022) 10 মিটাৰ এয়াৰ ৰাইফল দলীয় ইভেণ্টত অৰ্জুনে স্বৰ্ণ পদক লাভ কৰিছিল ৷ আই এছ এছ এফ বিশ্বকাপ, চাংৱন (2022)ত তেওঁ ব্যক্তিগত আৰু পুৰুষৰ দলীয় ইভেণ্টত 2 টা সোণৰ পদক লাভ কৰে ৷ ইয়াৰ উপৰিও তেওঁ ৱৰ্ল্ড ইউনিভাৰ্চিটি গেমছত 10 মিটাৰ এয়াৰ ৰাইফল ব্যক্তিগত প্ৰতিযোগিতাত স্বৰ্ণ পদক লাভ কৰিছিল ৷
সামান্য ব্যৱধানত পদক হেৰুৱালে বাবুতাই :
মনু ভাকৰে ভাৰতৰ হৈ ব্ৰঞ্জৰ পদক লাভ কৰাৰ এদিন পাচত চলি থকা পেৰিছ অলিম্পিক গেমছৰ শ্বুটিং ইভেণ্টত সোমবাৰে ভাৰতৰ হৈ পদক লাভ কৰাৰ সুযোগ লাভ কৰে শ্বুটাৰ অৰ্জুন বাবুতাই ৷ কিন্তু অৰ্জুনে সামান্য ব্যৱধানত পদক হেৰুৱাই 10 মিটাৰ এয়াৰ ৰাইফলৰ ব্যক্তিগত ফাইনেলত চতুৰ্থ স্থান দখল কৰে ৷
Arjun Babuta finishes 4th. Was very close to a medal finish, but a great effort nonetheless! 👏🏽👏🏽#JeetKiAur | #Cheer4Bharat pic.twitter.com/DmQjyw5WSO
— Team India (@WeAreTeamIndia) July 29, 2024
17 নং শ্বটটোৱে আশা ভংগ কৰিলে :
প্ৰথম 16 টা শ্বটৰ সময়ত অৰ্জুনে দ্বিতীয় স্থান অক্ষুণ্ণ ৰাখি ৰূপৰ পদক লাভ কৰাৰ আশাত আছিল ৷ কিন্তু 17 সংখ্যক চেষ্টাত 10.1 ৰ সামান্য দুৰ্বল শ্বটত তেওঁ চতুৰ্থ স্থানলৈ নামি আহিল ৷
20 সংখ্যক প্ৰচেষ্টাত ক্ৰ’ৱেচিয়াৰ মাৰিচিক মিৰানৰ সমান স্ক’ৰ কৰিবলৈ অৰ্জুনক 10.9 ৰ নিখুঁত ষ্ট্ৰাইকৰ প্ৰয়োজন হৈছিল যদিও ভাৰতীয় খেলুৱৈগৰাকীয়ে 9.5 পইন্টহে সংগ্ৰহ কৰিবলৈ সক্ষম হয়, যি ইভেণ্টত তেওঁৰ শেষ শ্বট হিচাপে প্ৰমাণিত হয় ৷ অৰ্জুনে মুঠ 208.4 পইণ্ট লাভ কৰাৰ বিপৰীতে তৃতীয় স্থানৰ ক্ৰ’ৱেচিয়ানগৰাকীয়ে 209.8 পইণ্ট লাভ কৰি পদকৰ দৌৰত 1.4 পইণ্ট পিছ পৰি থাকে ৷
লগতে পঢ়ক : পেৰিছ অলিম্পিক : কোৱাৰ্টাৰ ফাইনেলত পৰাস্ত হৈ ভাৰতীয় পুৰুষৰ আৰ্চাৰী দলৰ অভিযান সমাপ্ত - Paris Olympics 2024
