স্প’ৰ্টছ ডেস্ক: আই পি এল 2025 ৰ মেগা নিলামৰ দ্বিতীয় দিনৰ কাৰ্যসূচী অব্যাহত আছে । সোমবাৰে ইংলেণ্ডৰ তাৰকা অলৰাউণ্ডাৰ ছেম কৰণে 2 কোটি আধাৰ মূল্যৰ সৈতে নিলামত প্ৰৱেশ কৰে । চেন্নাই চুপাৰ কিংছ আৰু লক্ষ্ণৌ চুপাৰ জায়েণ্টছে ছেম কৰণৰ বাবে বিড কৰা দেখা যায় ৷
চেন্নাই চুপাৰ কিংছৰ সৈতে চুক্তিবদ্ধ ছেম কৰণ
পৰৱৰ্তী সময়ত পঞ্জাৱক ৰাইট টু মেচ কাৰ্ড ব্যৱহাৰ কৰিবলৈ কোৱা হৈছিল । অৱশ্যে পঞ্জাৱ কিংছে ইয়াৰ বাবে কিছু সময় বিচাৰে আৰু দীঘলীয়া আলোচনাৰ অন্তত ছেম কৰণৰ বাবদ আৰ টি এম কাৰ্ড ব্যৱহাৰ কৰিবলৈ অনিচ্ছা প্ৰকাশ কৰে ৷ তাৰপিছতে চেন্নাই চুপাৰ কিংছে ছেম কৰণক 2.40 কোটি টকাত দলটোত চুক্তিবদ্ধ কৰে ৷
Our Chutty Singam is all grown up! 🦁
— Chennai Super Kings (@ChennaiIPL) November 25, 2024
Orey the emotions! 🥹💛#SuperAuction #UngalAnbuden pic.twitter.com/kakCZBWGVX
লোকচানৰ সন্মুখীন ছেম কৰণ
ইংলেণ্ডৰ এই তাৰকা ফাষ্ট বলিং অলৰাউণ্ডাৰ ছেম কৰণক পঞ্জাৱ কিংছে আই পি এল 2023 ৰ নিলামত 18.50 কোটি টকাত ক্ৰয় কৰিছিল । সেই সময়ত কৰণ আই পি এল ইতিহাসৰ সৰ্বাধিক ব্যয়বহুল খেলুৱৈসকলৰ ভিতৰৰ এজনত পৰিণত হৈছিল । কিন্তু বৰ্তমান সময়ত খেলুৱৈগৰাকীয়ে মাথো এটা দলকহে ক্ৰেতা হিচাপে লাভ কৰে ৷
এইবাৰ তেওঁক চেন্নাই চুপাৰ কিংছে ক্ৰয় কৰে যদিও খেলুৱৈগৰাকী 16.10 কোটি টকাৰ বৃহৎ লোকচানৰ সন্মুখীন হয় । কৰণে বিগত ছিজনত শিখৰ ধৱনৰ অনুপস্থিতিত পঞ্জাৱৰ হৈ দলটোৰ অধিনায়কৰ দায়িত্বও বহন কৰিছিল ।
Sam Curran is SOLD to @ChennaiIPL for INR 2.4 Crore 🔥#TATAIPLAuction | #TATAIPL
— IndianPremierLeague (@IPL) November 25, 2024
আই পি এল 2025 ৰ মেগা নিলামৰ দ্বিতীয় দিনৰ কাৰ্যসূচী সম্প্ৰতি অব্যাহত আছে ৷ সোমবাৰে অৰ্থাৎ 25 নৱেম্বৰত চৌদি আৰৱৰ জেদ্দাত চলি থকা নিলামত ফ্ৰেঞ্চাইজিসকলে মুঠ 204 টা খালী স্থান পূৰণ কৰিব । বিদেশী খেলুৱৈসকলৰ বাবে আছে 70 টা স্থান ৷
উল্লেখ্য যে, ইণ্ডিয়ান প্ৰিমিয়াৰ লীগ 2025 ৰ মেগা নিলামৰ বাবে 1,577 গৰাকী খেলুৱৈয়ে পঞ্জীয়ন কৰিছিল যদিও 577 গৰাকী খেলুৱৈৰ নামহে চূড়ান্ত তালিকাত আহে । য’ত আছে 367 গৰাকী ভাৰতীয় আৰু 210 গৰাকী বিদেশী খেলুৱৈ ।
লগতে পঢ়ক: কেনেদৰে পাৰ হ’ল আই পি এলৰ মেগা নিলামৰ প্ৰথমটো দিন ? জানেনে কিমান স্লট আৰু ধন বাকী আছে?
