স্প’ৰ্টছ ডেস্ক, 20 আগষ্ট: ভাৰতীয় ক্ৰিকেট দলৰ প্ৰাক্তন দ্ৰুত বলাৰ জাহিৰ খানৰ সন্দৰ্ভত এক ডাঙৰ খবৰ ৷ ক্ৰিকবাজৰ প্ৰতিবেদন অনুসৰি, দ্ৰুত বলাৰ জাহিৰ শীঘ্ৰেই পৰামৰ্শদাতাৰ ভূমিকাত নিযুক্তি লাভ কৰাৰ সম্ভাৱনা আছে ৷
যদি এই খবৰ সঁচা প্ৰমাণিত হয়, তেন্তে খানে ইণ্ডিয়ান প্ৰিমিয়াৰ লীগৰ অংশগ্ৰহণকাৰী দল লক্ষ্ণৌ চুপাৰ জায়েণ্টছত পৰামৰ্শদাতা হিচাপে যোগদান কৰিব ৷ তেওঁ দলটোত গৌতম গম্ভীৰৰ খালী ঠাই পূৰণ কৰাৰ সম্ভাৱনা প্ৰবল ।
লক্ষ্ণৌ চুপাৰ জায়েণ্টছত জাহিৰ খানৰ যোগদানৰ সম্ভাৱনা:
প্ৰকৃততে গৌতম গম্ভীৰ লক্ষ্ণৌ চুপাৰ জায়েণ্টছৰ পূৰ্বৰ দুটাকৈ চিজনৰ পৰামৰ্শদাতা আছিল । ইয়াৰ পিছত আই পি এল 2024 ত গম্ভীৰে দলটো এৰি তেওঁৰ পুৰণি দল কলকাতা নাইট ৰাইডাৰ্ছত যোগদান কৰে । গম্ভীৰে দলটোৰ এজন পৰামৰ্শদাতা হিচাপে কাম কৰি আই পি এল 2024 ৰ চূড়ান্ত খিতাপ অৰ্জনত দলটোক সক্ষম কৰি তোলে ৷
ZAHEER KHAN SET TO REPLACE GAUTAM GAMBHIR IN LSG.
— Mufaddal Vohra (@mufaddal_vohra) August 19, 2024
- LSG and Zaheer in talks for the role of mentor in the IPL. (Cricbuzz). pic.twitter.com/yjeU8oITCG
কিন্তু ভাৰতীয় ক্ৰিকেট দলৰ মুখ্য প্ৰশিক্ষক হিচাপে ৰাহুল দ্ৰাবিড়ৰ কাৰ্যকাল শেষ হোৱাত গম্ভীৰক উক্ত স্থানত নিযুক্তি দিয়া হয় ৷ যাৰ ফলত দলটোৰ পৰামৰ্শদাতাৰ স্থানটো খালী হৈ পৰে ৷
কিন্তু এতিয়া জাহিৰ খানে সেই খালী ঠাই পূৰণ কৰিব পাৰে । জাহিৰে এল এছ চি-ৰ পৰামৰ্শদাতা হিচাপে কাৰ্যনিৰ্বাহ কৰাৰ সন্দৰ্ভত অব্যাহত আছে আলোচনা ৷ যদি সকলো ঠিকে থাকে, তেন্তে জাহিৰ খানক আই পি এল 2025 ত লক্ষ্ণৌ চুপাৰ জায়েণ্টছত পৰামৰ্শদাতা হিচাপে যোগদান কৰা পৰিলক্ষিত হ’ব ।
ভাৰতৰ বলিং প্ৰশিক্ষক হিচাপে নিযুক্তিত ব্যৰ্থ জাহিৰ খান
জাহিৰ খান ভাৰতৰ 2011 চনৰ এদিনীয়া বিশ্বকাপ বিজয়ী দলৰ সদস্য । জাহিৰ খান লক্ষ্ণৌ চুপাৰ জায়েণ্টছৰ পৰামৰ্শদাতা হিচাপে নিযুক্তি লাভৰ পিছত, দলটোৰ বলাৰসকলৰ বাবে যথেষ্ট সহায়ক হ’ব ৷ কিয়নো জাহিৰ ভাৰতৰ এজন বিখ্যাত বলাৰ আছিল ।
উল্লেখ্য যে, গৌতম গম্ভীৰৰ পৰামৰ্শৰ পিছত দক্ষিণ আফ্ৰিকাৰ দ্ৰুত বলাৰ মৰ্নে মৰ্কেলক ভাৰতীয় ক্ৰিকেট দলৰ বলিং বিভাগৰ প্ৰশিক্ষক হিচাপে নিযুক্তি প্ৰদান কৰা হৈছে ৷ মৰ্নেক নিযুক্তিৰ পূৰ্বে জাহিৰ খানৰ নাম এইক্ষেত্ৰত চৰ্চাত আছিল ৷
লক্ষ্ণৌ চুপাৰ জায়েণ্টছৰ প্ৰশিক্ষণ দলত অন্তৰ্ভুক্ত আছে এডাম ভগেছ, লেন্স ক্লুজনাৰ, জণ্টি ৰ'ডছ, শ্ৰীধৰণ শ্ৰীৰাম আৰু প্ৰবীণ তাম্বেৰ নাম ৷ তদুপৰি দলটোৰ মুখ্য প্ৰশিক্ষকৰ দায়িত্বত আছে জাষ্টিন লেংগাৰ । জাহিৰ খানে সঞ্জীৱ গোয়েংকাৰ মালিকানাধীন ফ্ৰেঞ্চাইজিত যোগদান কৰিব বুলি বৰ্তমান আশা কৰা হৈছে । কিন্তু এই মুহূৰ্তত এই সন্দৰ্ভত কোনো আনুষ্ঠানিক নিশ্চিতি দিব পৰা নাযায় ।
লগতে পঢ়ক: বিচিচিআইৰ সচিব জয় শ্বাহৰ ওপৰত খড়্গহস্ত প্ৰাক্তন ক্ৰিকেটাৰ সুনীল গাভাস্কাৰ - DULEEP TROPHY 2024
