বেংগালুৰু: ভাৰত বনাম নিউজীলেণ্ডৰ প্ৰথমখন টেষ্ট মেচত এতিয়ালৈকে বহু উত্থান-পতন দেখা গৈছে । আজি চতুৰ্থ দিনাৰ খেলৰ অন্ত পৰাৰ পাছত দেওবাৰে শেষৰ খেলখনত জয়ী হ’বলৈ কিৱি দলটোক ১০৭ ৰাণৰ প্ৰয়োজন আৰু বৰ্তমানলৈ নিউজীলেণ্ডৰ এটাও উইকেট পতন ঘটনা নাই ।
চতুৰ্থ দিনা সৰফৰাজ খান আৰু ঋষভ পন্তৰ উজ্জ্বল বেটিং দেখি এটা সময়ত এনে লাগিছিল যেন ভাৰতে নিউজীলেণ্ডৰ ৩৫৬ ৰাণৰ অগ্ৰগতি সম্পূৰ্ণ কৰি কিৱি দলটোক এক ডাঙৰ লক্ষ্য দিব । কিন্তু, সৰফৰাজ খানৰ উইকেট পতনৰ পাছত ঋষভ পন্তেও এটা শতক হেৰুৱাই ৯৯ ৰাণৰ স্ক’ৰত পেভেলিয়নমুখী হয় ।
🚨 Update 🚨
— BCCI (@BCCI) October 19, 2024
Play on Day 4 has been called off due to rain.
The action will resume on Day 5 at 9:15 AM IST
Scorecard - https://t.co/FS97Llv5uq#TeamIndia | #INDvNZ | @IDFCFIRSTBank pic.twitter.com/CpmVXZvvzn
সৰফৰাজ খান আউট হোৱাৰ সময়লৈকে ভাৰতে ৬০ ৰাণৰ অগ্ৰগতি লাভ কৰিছিল যদিও তাৰ পিছত দলটোৱে মাত্ৰ ৩৭ ৰাণহে কৰিব পাৰিছিল । দ্বিতীয় ইনিংছত যেতিয়া ভাৰতীয় দলটো বলিং কৰিবলৈ আহিছিল তেতিয়া চতুৰ্থ বলত এটা সুযোগ সৃষ্টি হৈছিল আৰু তাৰ পিছত বেয়া বতৰ আৰু কম পোহৰৰ বাবে তাতেই খেলখন শেষ হৈছিল ।
অৱশ্যে আম্পায়াৰৰ সিদ্ধান্তৰ বিৰুদ্ধে ৰোহিত শৰ্মা আৰু বিৰাট কোহলীক প্ৰতিবাদ কৰা দেখা গৈছিল যদিও কিছু সময়ৰ পিছতে বৰষুণ হয় । টীম ইণ্ডিয়াই আৰু কেইটামান অভাৰত বলিং কৰি এটা বা দুটা উইকেট ল’ব বিচাৰিছিল । কিন্তু বতৰৰ বাবে টীম ইণ্ডিয়াৰ এই পৰিকল্পনা সফল নহ’ল ।
বৰষুণৰ ওপৰতে ভৰসা ভাৰতৰ
ভাৰতীয় দলে এই মেচত জয়ী হ’বলৈ সম্পূৰ্ণ ১০ উইকেট ল’ব লাগিব। টীম ইণ্ডিয়াৰ স্ক’ৰ বেছি নহয়, গতিকে হয় টীম ইণ্ডিয়াৰ বলিঙত যাদু দেখুৱাব লাগিব য’ত ১০০ ৰাণৰ ভিতৰত আউট কৰিব পাৰে নহ’লে মেচখনত পৰাস্ত নহ’বলৈ ড্ৰ’ কৰিব লাগিব ৷ ইপিনে কাইলৈ যদি গোটেই দিনটো বৰষুণ হয় তেন্তে খেলৰ শেষ দিনটো পিছুৱাই দিব লাগিব আৰু ড্ৰ’ হ’ব একমাত্ৰ আশ্ৰয় ।
বেংগালুৰুৰ বতৰ কেনেকুৱা হ’ব?
২০ অক্টোবৰলৈকে বেংগালুৰুত বৰষুণ অব্যাহত থাকিব । একুৱেদাৰৰ তথ্য অনুসৰি কাইলৈ ৪৮ শতাংশ ধুমুহা আৰু বতাহ অহাৰ সম্ভাৱনা আছে আৰু গোটেই দিনটো ডাৱৰীয়া হৈ থাকিব । একুৱেদাৰৰ মতে, দিনটোত ৩ ঘণ্টা প্ৰচণ্ড বৰষুণ হোৱাৰ সম্ভাৱনা আছে ।
লগতে পঢ়ক: বেংগালুৰু টেষ্টত ছৰফৰাজ খানৰ প্ৰথমটো টেষ্ট শতক অৰ্জন, নিউজীলেণ্ডৰ বিৰুদ্ধে ভাৰতৰ সংগ্ৰাম অব্যাহত
