পাৰ্থ টেষ্টৰ বাবে সাজু হৈছে টীম ইণ্ডিয়া: অভিষেক নায়াৰ

Ind vs Aus: 22 নৱেম্বৰৰ পৰা পাৰ্থত হ’বলগা প্ৰথম টেষ্টৰ বাবে সাজু টীম ইণ্ডিয়া ৷ টীম ইণ্ডিয়াৰ সহ প্ৰশিক্ষক অভিষেক নায়াৰে ক’লে এই কথা ৷

স্প’ৰ্টছ ডেস্ক: অষ্ট্ৰেলিয়াৰ বিৰুদ্ধে 22 নৱেম্বৰৰ পৰা পাৰ্থত আৰম্ভ হ’ব ব’ৰ্ডাৰ-গাভাস্কাৰ ট্ৰফীৰ প্ৰথমখন টেষ্ট ৷ তাৰ পূৰ্বে টীম ইণ্ডিয়াৰ সহ প্ৰশিক্ষক অভিষেক নায়াৰে কয় যে, দলটোৱে ডব্লিউ এ চি এ খেলপথাৰত 3 দিনীয়া চেণ্টাৰ-উইকেট খেলৰ পৰা তেওঁলোকে বিচৰা সকলোখিনি পাইছিল ।

ভাৰতে পাৰ্থৰ অপ্টাছ ষ্টেডিয়ামত এই টেষ্ট শৃংখলাৰ আৰম্ভণি কৰিব ৷ তাৰপিছত ক্ৰমে এডিলেইড, ব্ৰিছবেন, মেলব’ৰ্ণ আৰু ছিডনীত অনুষ্ঠিত হ'ব এই শৃংখলাৰ মেচসমূহ । ভাৰতে অষ্ট্ৰেলিয়াৰ বিৰুদ্ধে যোৱা দুখন টেষ্ট ভ্ৰমণত 2-1 ৰ ব্যৱধানত জয়লাভ কৰিছে ।

অষ্ট্ৰেলিয়াক প্ৰত্যাহ্বান জনাবলৈ সাজু টীম ইণ্ডিয়া

নায়াৰে এক্সত বি চি চি আইয়ে পোষ্ট কৰা এটা ভিডিঅ’ত কয় যে, "অষ্ট্ৰেলিয়ালৈ অহাৰ ঠিক পূৰ্বে গৌতি ভাই (মুখ্য প্ৰশিক্ষক গৌতম গম্ভীৰ), ৰোহিতে (শৰ্মা) এই 3 দিনত আমি কি বিচাৰো, সেই বিষয়ে আলোচনা কৰিছিল । ইয়াৰ উদ্দেশ্য আছিল যে, কেন্দ্ৰত থকা যুৱ, অভিজ্ঞ খেলুৱৈসকলক যথেষ্ট সময় প্ৰদান কৰা ৷ যাতে তেওঁলোকে পৰিস্থিতিবোৰ বুজি পায় আৰু তাত খাপ খাব পাৰে" ৷

💬💬 On track for the 22nd 🙌

Assistant Coach @abhisheknayar1 & Bowling Coach @mornemorkel65 wrap up #TeamIndia's Match Simulation in Perth 👌👌

WATCH 🎥🔽 #AUSvIND

— BCCI (@BCCI) November 18, 2024

বেটছমেনসকলৰ বাবে বিশেষ ৰণনীতি

নায়াৰে এই ভিডিঅ'টোত তেওঁৰ এটা বিশেষ ৰণনীতি প্ৰকাশ কৰিছিল । "আমি চাৰি বছৰৰ পিছত (অষ্ট্ৰেলিয়াত) টেষ্ট ক্ৰিকেট খেলি আছো । সেয়েহে আৰম্ভণিতে আমি খেলুৱৈসকলক মাতি এনে এখন খেল খেলিছিলো, য'ত খেলুৱৈসকল এবাৰ আউট হোৱাৰ পিছত খেলৰ পৰা বাহিৰ হ'ব । আমি অনুভৱ কৰিছিলো যে, দ্বিতীয়বাৰৰ বাবে খেলুৱৈসকলে ভালদৰে খাপ খাইছিল ৷ তেওঁলোকে পৰিস্থিতিবোৰ ভালদৰে বুজি পাইছিল আৰু আৰাম অনুভৱ কৰিছিল । আমি যি বিচাৰিছিলো, সেয়াই পাইছিলো" ৷

বলাৰসকলে 15-15 অভাৰ বলিং কৰিছিল

নায়াৰে এয়াও বৰ্ণনা কৰিছিল যে, কেনেকৈ ভাৰতীয় বলাৰসকলে খেলখনত বলিং কৰাৰ সুযোগ লাভ কৰিছিল ৷ তেওঁ কয় যে, "দ্বিতীয়দিনাও একে আছিল, আমি বাহিৰৰ সুবিধা ব্যৱহাৰ কৰি আছিলো ৷ নেটত অনুশীলন কৰি আছিলো" ৷

Indian team head coach Gautam gambhir and assistant coach Abhishek Nair during a practice session in perth...!!!🤝 pic.twitter.com/5j9rSWrdf8

— Gurlabh Singh (@Gurlabh91001251) November 16, 2024

সহকাৰী প্ৰশিক্ষকগৰাকীয়ে লগতে জনায় যে, প্ৰতিজন বলাৰে 15 অভাৰতকৈ অধিক বলিং কৰে ৷ লগতে কয়, "এইটো আমাৰ বলাৰসকলে অহা-যোৱা কৰা, দায়িত্ব লোৱা আৰু প্ৰতিটোক 15 অভাৰ বল কৰাৰ বিষয়েও আছিল । বুমে (যশপ্ৰীত বুমৰাহে) 18 (অভাৰ) বলিং কৰিছিল ৷ আন কেইগৰাকীমানে 18 (অভাৰ) বলিং কৰিছিল" ।

লগতে পঢ়ক: পাৰ্থ টেষ্টৰ পূৰ্বে ভাৰতৰ দুগৰাকীকৈ বেটছমেন আঘাতপ্ৰাপ্ত