স্প’ৰ্টছ ডেস্ক, 19 ছেপ্টেম্বৰ: শ্ৰীলংকাৰ প্ৰাক্তন ক্ৰিকেটাৰ দুলীপ সমৰাৱীৰাক 20 বছৰৰ বাবে নিষিদ্ধ ঘোষণা কৰা হৈছে ৷ এতিয়াৰে পৰা সমৰাৱীৰাই অষ্ট্ৰেলিয়াৰ ক্ৰিকেট ব’ৰ্ডৰ অধীনত কোনো পদত ন্যস্ত থাকিব নোৱাৰিব ৷
1993 চনৰ পৰা 1995 চনলৈকে শ্ৰীলংকাৰ হৈ 7 খন টেষ্ট আৰু 5 খন এদিনীয়া খেলা সমৰাৱীৰাৰ বিৰুদ্ধে এগৰাকী মহিলা খেলুৱৈয়ে উত্থাপন কৰিছিল নিৰ্যাতনৰ অভিযোগ ৷ তেতিয়াৰে পৰা তদন্তৰ আওতাত আছিল প্ৰাক্তন ক্ৰিকেটাৰগৰাকী ।
Dulip Samaraweera has been banned from holding any position in Cricket Australia or a State or Territory Association (including any W/BBL Team) for 20 years. pic.twitter.com/rRSQ8S1TYf
— Cricbuzz (@cricbuzz) September 19, 2024
প্ৰথমতে 2008 চনত ভিক্টোৰিয়া ক্ৰিকেট দলত বিশেষজ্ঞ বেটিং প্ৰশিক্ষক হিচাপে যোগদান কৰাৰ পিছত যোৱা বছৰৰ নৱেম্বৰ মাহত মহিলা দলৰ অন্তৱৰ্তীকালীন মুখ্য প্ৰশিক্ষক হিচাপে নিযুক্তি লাভ কৰিছিল দুলীপ সমৰাৱীৰাই ।
আচৰণ আয়োগে সমৰাৱীৰাই অনুচিত আচৰণ কৰা বুলি ধৰা পেলাইছে ৷ সমৰাৱীৰাই ভিক্টোৰিয়া ক্ৰিকেট (চি ভি) দলৰ সৈতে কাম কৰি থকাৰ সময়তে এই অভিযোগ উত্থাপিত হৈছিল ৷
ক্ৰিকেট অষ্ট্ৰেলিয়াই (চি এ) বৃহস্পতিবাৰে এক বিবৃতিত কয়, "চি এ আৰু চি ভি সকলো খেলুৱৈ আৰু কৰ্মচাৰীৰ বাবে এক সুৰক্ষিত পৰিৱেশ প্ৰদান কৰিবলৈ প্ৰতিশ্ৰুতিবদ্ধ আৰু উৎপীড়নৰ ভুক্তভোগীসকলৰ কল্যাণৰ ক্ষেত্ৰত সৰ্বাধিক মান্যতাপ্ৰাপ্ত ৷ আমি অনুপযুক্ত আচৰণৰ প্ৰতিবেদন দিয়াত দৃঢ়ভাৱে উদগনি দিওঁ, যিটো চি এ ইণ্টিগ্ৰিটি ইউনিট বা মূল অখণ্ডতা হটলাইনৰ জৰিয়তে পোনপটীয়াকৈ কৰিব পাৰি" ৷
সংবিধানৰ 2.23 ধাৰাত এনে আচৰণক বুজোৱা হৈছে যিবোৰ-
(ক) ক্ৰিকেটৰ মনোভাৱৰ বিপৰীত
(খ) কোনো প্ৰতিনিধি বা বিষয়াৰ বাবে অনুপযুক্ত
(গ) ক্ৰিকেটৰ স্বাৰ্থৰ বাবে ক্ষতিকাৰক বা ক্ষতিকাৰক হোৱাৰ সম্ভাৱনা আছে অথবা,
(ঘ) ক্ৰিকেট খেলখনক বদনামলৈ আনে বা আনিব পাৰে
Former Sri Lanka international Dulip Samaraweera has received a 20-year ban from Cricket Australia for conduct that has been described as " utterly reprehensible". he will not be allowed to hold any position within ca, the state associations, bbl or wbbl clubs during that time… pic.twitter.com/QDTTgbaagy
— ESPNcricinfo (@ESPNcricinfo) September 19, 2024
চলিত বৰ্ষৰ মে’ মাহত শ্ৰীলংকাৰ হৈ কনিষ্ঠ ভাতৃ থিলানে 81 খন টেষ্ট আৰু 53 খন এদিনীয়া খেলা সমৰাৱীৰাক দুবছৰৰ চুক্তিত পূৰ্ণকালীন ভিত্তিত এই পদত নিযুক্তি দিছিল যদিও দুসপ্তাহ নৌহওঁতেই পদত্যাগ কৰে ৷ তেওঁৰ ঠাইত মেলব’ৰ্ণ ৰেনেগেডছৰ ডব্লিউ বি বি এলৰ সহকাৰী প্ৰশিক্ষক এণ্ড্ৰু ক্ৰীষ্টিক নিযুক্তি দিয়া হয় ।
52 বছৰীয়া সমৰাৱীৰা চলিত বৰ্ষৰ আগষ্ট মাহত ইণ্ডিয়া এ-ৰ বিৰুদ্ধে মাল্টি ফৰ্মেট ছিৰিজৰ বাবে অষ্ট্ৰেলিয়া এ মহিলা দলৰ সৈতে প্ৰশিক্ষকৰ ভূমিকা গ্ৰহণ কৰিছিল যদিও তেওঁৰ বিৰুদ্ধে উত্থাপিত অভিযোগৰ পিছত পদৰ পৰা আঁতৰোৱা হয় ৷
লগতে পঢ়ক: পৰীক্ষাত নহ’লেও ক্ৰিকেটৰ পথাৰত শূন্যৰে লজ্জাজনক অভিলেখ শুভমন গিলৰ - SHUBMAN GILL RECORD
