স্প’ৰ্টছ ডেস্ক: দুবাৰকৈ টি-20 বিশ্বকাপ জয় কৰা ৱেষ্ট ইণ্ডিজৰ প্ৰাক্তন অধিনায়ক ডেৰেন ছেমিক সকলো ফৰ্মেটতে ৱেষ্ট ইণ্ডিজ ক্ৰিকেট দলৰ মুখ্য প্ৰশিক্ষক হিচাপে নিযুক্তি দিয়া হৈছে ।
ক্ৰিকেট ৱেষ্ট ইণ্ডিজে (চি ডব্লিউ আই) ছেইণ্ট ভিনচেণ্টত ত্ৰিমাসিক সংবাদমেল সম্বোধন কৰি এই কথা আনুষ্ঠানিকভাৱে ঘোষণা কৰে ৷ ৱেষ্ট ইণ্ডিজৰ প্ৰাক্তন অধিনায়কগৰাকীয়ে 2025 চনৰ 1 এপ্ৰিলৰ পৰা টেষ্ট দলৰ লগতে সীমিত অভাৰৰ দলসমূহৰ প্ৰশিক্ষকৰূপে কাৰ্যনিৰ্বাহ কৰিব ৷
ডেৰেন ছেমিক ৱেষ্ট ইণ্ডিজৰ প্ৰশিক্ষকৰূপে নিযুক্তি
ছেমিয়ে আন্দ্ৰে কলীৰ স্থানত টেষ্ট দলৰ মুখ্য প্ৰশিক্ষক হিচাপে কাৰ্যনিৰ্বাহ কৰিব ৷ 40 বছৰীয়া ছেমিয়ে 2023 চনত এই ভূমিকা গ্ৰহণ কৰাৰ পিছত বগা বলৰ দল গঠনৰ প্ৰচেষ্টাৰ বাবে যথেষ্ট প্ৰশংসা লাভ কৰিছে । তেওঁৰ প্ৰশিক্ষণে সীমিত অভাৰৰ ক্ৰিকেটত আশাব্যঞ্জক ফলাফলৰ সৈতে দলটোলৈ নতুন শক্তি আনিছিল ।
🚨Corporate News🚨
— Windies Cricket (@windiescricket) December 16, 2024
Daren Sammy to lead West Indies Senior Men in all formats as Head Coach.
Details to follow.#CWIQuarterlyUpdates pic.twitter.com/m4e2TNvSDs
ক্ৰিকেট ৱেষ্ট ইণ্ডিজে (চি ডব্লিউ আই) নিজৰ 'এক্স' হেণ্ডেলত এনেদৰে টুইট কৰিছে, "ডেৰেন ছেমি 1 এপ্ৰিল 2025 ৰ পৰা সকলো জ্যেষ্ঠ পুৰুষ দলৰ মুখ্য প্ৰশিক্ষক হ'ব । অলপ আগতে ক্ৰিকেট ৱেষ্ট ইণ্ডিজৰ সঞ্চালক মাইলছ বাচকম্বে ছেইণ্ট ভিনচেণ্টত তিনিমহীয়া সংবাদমেলখনত এই কথা ঘোষণা কৰে"।
DAREN SAMMY FROM APRIL 2025:
— Tanuj Singh (@ImTanujSingh) December 16, 2024
- Head Coach of West Indies in Tests.
- Head Coach of West Indies in ODIs.
- Head Coach of West Indies in T20I.
- Sammy Will be the Head Coach of West Indies in all three formats..!!!! pic.twitter.com/urXtjoQpVg
ৱেষ্ট ইণ্ডিজে দুখন টি-20 বিশ্বকাপত কৰিছে জয়লাভ
ছেমিৱে ক্ৰিকেট খেলি থকা অৱস্থাত ৱেষ্ট ইণ্ডিজ ক্ৰিকেটলৈ আগবঢ়াইছিল গুৰুত্বপূৰ্ণ অৱদান ৷ দলটোক 2012 আৰু 2016 চনত টি-20 বিশ্বকাপ জয়ৰ দিশে নিয়াত ছেমিৰ ভূমিকা আছিল গুৰুত্বপূৰ্ণ । এতিয়া এই নতুন দায়িত্ব লাভ কৰাৰ পিছত টেষ্ট ক্ৰিকেটত কেৰিবিয়ান দলটো পুনৰুজ্জীৱিত হোৱাৰ আশা ৰাখিব টীম মেনেজমেণ্টে ৷
🚨 DARREN SAMMY - HEAD COACH OF WEST INDIES IN ALL FORMATS. 🚨 pic.twitter.com/rpA5g4t73T
— Mufaddal Vohra (@mufaddal_vohra) December 16, 2024
ৱেষ্ট ইণ্ডিজ বনাম বাংলাদেশৰ শৃংখলা
ৱেষ্ট ইণ্ডিজে বৰ্তমান বাংলাদেশৰ বিৰুদ্ধে কেইবাটাও ফৰ্মেটৰ এক শৃংখলাত ব্যস্ত হৈ আছে ৷ ইতিমধ্যে দলটোৱে এদিনীয়া শৃংখলাত জয়লাভ কৰিছে যদিও টেষ্ট শৃংখলাতো অমীমাংসিতভাৱে সামৰণি পৰে ৷ আনহাতে, বাংলাদেশে 3 খন মেচৰ টি-20 শৃংখলাত 1-0 ৰ অগ্ৰগতি লাভ কৰিছে ৷
The 1️⃣st T20I goes down to the wire! 🏏🎄#WIvBAN | #WIHomeForChristmas pic.twitter.com/XiUMCThcCB
— Windies Cricket (@windiescricket) December 16, 2024
লগতে পঢ়ক: ঘৰৰ মাটিত টি-20 ক্ৰিকেটত প্ৰথমবাৰৰ বাবে পৰাস্ত ৱেষ্ট ইণ্ডিজ
