স্প’ৰ্টছ ডেস্ক, 11 ছেপ্টেম্বৰ: ক্ৰিকেট খেলপথাৰত খেলুৱৈয়ে বেটেৰে ছয়, চাৰি মাৰি বা বিধ্বংসী বলিঙৰ সহায়ত উইকেট দখলেৰে অভিলেখ গঢ়া আপুনি প্ৰায়েই দেখিছে ৷ কিন্তু কোনো ক্ৰিকেটাৰে দেশৰ প্ৰধানমন্ত্ৰী হৈ ৰাজনৈতিক খেলপথাৰত ডাঙৰ ডাঙৰ সিদ্ধান্ত লোৱা দেখিছেনে ? যদি নাই দেখা, তেন্তে আমি এনে পাঁচজন ক্ৰিকেটাৰৰ কথা ক’বলৈ ওলাইছো, যিসকল পিছলৈ নিজৰ দেশৰ প্ৰধানমন্ত্ৰী হৈছিল ।
প্ৰধানমন্ত্ৰীৰ আসনত বহা পাঁচজন ক্ৰিকেটাৰ
ইমৰাণ খান: পাকিস্তান ক্ৰিকেট দলৰ প্ৰাক্তন অধিনায়ক ইমৰাণ খান আছিল এজন উৎকৃষ্ট ক্ৰিকেটাৰ । খেলপথাৰত প্ৰতিপক্ষৰ বিৰুদ্ধে বেট আৰু বল দুয়োটাৰে আক্ৰমণ কৰাত পাকৈত আছিল ইমৰাণ খান । তেওঁৰ অধিনায়কত্বতেই পাকিস্তানে ১৯৯২ চনৰ এদিনীয়া বিশ্বকাপ জয় কৰিছিল । ইয়াৰ পিছত ২০১৮ চনত ইমৰাণ খান পাকিস্তানৰ প্ৰধানমন্ত্ৰী আৰু ২০২২ চনত তেওঁৰ চৰকাৰৰ পতন ঘটে । তেওঁৰ দল পাকিস্তান তেহৰিক-ই-ইনছাফ ।
কামিছেছে মাৰা: ৰাতু ছাৰ কামিছেছে মাৰা এই তালিকাত অন্তৰ্ভুক্ত । ফিজিৰ হৈ ক্ৰিকেট তেওঁ খেলিছিল, নিউজীলেণ্ড ভ্ৰমণত অটাগো আৰু কেণ্টাৰবেৰীৰ বিৰুদ্ধে প্ৰথম শ্ৰেণীৰ ক্ৰিকেটত দুখন মেচ খেলিছিল কামিছেছেই । তেওঁ দলটোৰ সহ-অধিনায়ক হিচাপেও আছিল । কেণ্টাৰবেৰীৰ বিৰুদ্ধে তেওঁ ৪৪ ৰানৰ অপৰাজিত ইনিংছ খেলিছিল । ইয়াৰ লগতে মধ্যমীয়া বেগী বলাৰ মাৰাই ৮ টা উইকেটো দখল কৰে । দুৰ্ভাগ্যবশতঃ তেওঁ সোঁহাতত আঘাত পায়, যাৰ বাবে তেওঁৰ ক্ৰিকেট কেৰিয়াৰ বেছি দিন টিকি থাকিব নোৱাৰিলে । ১৯৭০ চনৰ পৰা ১৯৯২ চনলৈ দেশৰ প্ৰধানমন্ত্ৰী হিচাপে কাৰ্যনিৰ্বাহ কৰি ১৯৯৩ চনৰ পৰা ২০০০ চনলৈ ৰাষ্ট্ৰপতি পদত অধিষ্ঠিত হৈছিল মাৰা ।
January 12, 1956 was one of the worst on-field days for West Indian cricket, at par with their 25 all out against Ireland.
— Abhishek Mukherjee (@ovshake42) January 12, 2021
A reasonably strong West Indian side lost to – Fiji.
The picture is of Ratu Kamisese Mara, who led Fiji on that day.
+ pic.twitter.com/K3Eg1rkNTA
ছাৰ ফ্ৰান্সিছ বেল: নিউজীলেণ্ডৰ প্ৰথম প্ৰধানমন্ত্ৰী ছাৰ ফ্ৰান্সিছ বেলেও ক্ৰিকেট খেলপথাৰৰ অভিজ্ঞতা বুটলিছিল । ডেকাকালত তেওঁ আছিল এজন বিশিষ্ট ক্ৰিকেটাৰ । ৱেলিংটনৰ হৈ ২ খন প্ৰথম শ্ৰেণীৰ মেচো খেলিছিল । ইয়াৰ পিছত তেওঁ ক্ৰিকেটৰ ক্ষেত্ৰত সফলতা লাভ কৰিব নোৱাৰিলে, সেয়েহে তেওঁ ক্ৰিকেট এৰি ৰাজনীতিত নিজৰ কেৰিয়াৰ আৰম্ভ কৰিলে । ১৯২৫ চনৰ ১০ মে’ৰ পৰা ৩০ মে’লৈ কেইদিনমানৰ বাবে তেওঁ প্ৰধানমন্ত্ৰী হয় । মাত্ৰ ১৬ দিন প্ৰধানমন্ত্ৰী হৈ আছিল বেল ।
" oh god, if there be cricket in heaven, let there also be rain."
— Mark W. (@DurhamWASP) October 9, 2021
sir alec douglas-home [2nd july 1903 – 9th october 1995] british prime minister for 363 days pic.twitter.com/N1sXknGv65
ছাৰ এলেক ডগলাছ হোম: ৰাজনীতিলৈ অহাৰ পূৰ্বে ক্ৰিকেট খেলপথাৰতো দেখা গৈছিল ছাৰ এলেক ডগলাছ হোমক । উজ্জ্বল প্ৰদৰ্শন কৰি ব্ৰিটিছ প্ৰধানমন্ত্ৰী হিচাপে পৰিগণিত হোৱা ক্ৰিকেটাৰ আছিল হোম । ১৯৬৩ চনৰ পৰা ১৯৬৪ চনলৈ তেওঁ প্ৰধানমন্ত্ৰী হিচাপে কাৰ্যনিৰ্বাহ কৰিছিল । তেওঁ ডেকাকালত মিডলছেক্স আৰু অক্সফৰ্ড বিশ্ববিদ্যালয়ৰ হৈ ক্ৰিকেট খেলিছিল । ১৯২৪ চনৰ পৰা ১৯২৭ চনৰ ভিতৰত তেওঁ ১০ খন প্ৰথম শ্ৰেণীৰ মেচ খেলিছিল । মিডলছেক্সৰ হৈ খেলি থকাৰ সময়ত তেওঁ ১৪৭ ৰান সংগ্ৰহ কৰে । লগতে তেওঁৰ নামত ১২ টা উইকেট আছে । আৰ্জেণ্টিনাৰ বিৰুদ্ধে প্ৰথম শ্ৰেণীৰ তিনিখন খেলত তেওঁ অংশগ্ৰহণ কৰিছিল ।
নৱাজ শ্বৰীফ: পাকিস্তানৰ প্ৰাক্তন প্ৰধানমন্ত্ৰী নৱাজ শ্বৰীফকো এই তালিকাত অন্তৰ্ভুক্ত কৰা হৈছে । নৱাজ সৰুকালত ক্ৰিকেটাৰ আছিল আৰু ক্লাব ক্ৰিকেটৰ এজন উৎকৃষ্ট খেলুৱৈও আছিল । পাকিস্তানৰ হৈ প্ৰথম শ্ৰেণীৰ এখন খেলো খেলিছিল । এই মেচখনত তেওঁ প্ৰথম বলত শূন্য স্ক’ৰত আউট হৈছিল । পাকিস্তান মুছলিম লীগ পাৰ্টীৰ হৈ তিনিবাৰকৈ দেশৰ প্ৰধানমন্ত্ৰী হিচাপে কাৰ্যনিৰ্বাহ কৰি আহিছে নৱাজে ।
