স্প’ৰ্টছ ডেস্ক, 22 আগষ্ট: একেৰাহে 3 বছৰ ধৰি কাউণ্টি ক্ৰিকেটত সফলতাৰ অংশ হৈ থকা চেতেশ্বৰ পূজাৰাক অহা বছৰত এই খেলত অংশগ্ৰহণ কৰা দেখা নাযাব । ক্লাবটোৱে 2025 চনৰ কাউণ্টি চেম্পিয়নশ্বিপৰ বাবে অষ্ট্ৰেলিয়াৰ বেটছমেন ডেনিয়েল হিউজেছ আৰু কেৰিবিয়ান ফাষ্ট বলাৰ জাইডেন চিলেছক দুজন বিদেশী খেলুৱৈ হিচাপে অন্তৰ্ভুক্ত কৰিছে ।
হিউজেছ এই বছৰ চাচেক্সৰ অংশ আছিল আৰু দলটোৰ চেম্পিয়নশ্বিপ মেচৰ লগতে টি-20 ত বিস্ফোৰক ইনিংছ খেলা দেখা গৈছিল । আটাইতকৈ ডাঙৰ কথাটো হ'ল যে, সমগ্ৰ ছিজনৰ বাবে উপলব্ধ হ’ব খেলুৱৈগৰাকী । একে সময়তে চিলেছ কাউণ্টি চেম্পিয়নশ্বিপৰ প্ৰথম ৰাউণ্ডৰ বাবে উপলব্ধ হ'ব ।
Sussex 💙
— Cheteshwar Pujara (@cheteshwar1) May 25, 2023
📸: @ThatsSoVillage pic.twitter.com/uwrtKTjHol
হিউজে এই বছৰ টি-20 ত বিস্ফোৰক ইনিংছেৰে চাচেক্সৰ হৈ সংগ্ৰহ কৰে 560 ৰাণ ৷ খেলুৱৈগৰাকীয়ে এই সময়ছোৱাত 5 টা অৰ্ধশতকৰ সহায়ত এই ৰাণ সংগ্ৰহ কৰিবলৈ সক্ষম হয়, য’ত তেওঁৰ গড় আছিল 43.07 । তেওঁ এই ছিজনত দলটোৰ অন্তিম পাঁচখন কাউণ্টি মেচৰ বাবেও উপলব্ধ হ’ব, য’ত তেওঁৰ দলে দ্বিতীয় শ্ৰেণীৰ পৰা প্ৰথম শ্ৰেণীলৈ উন্নীত হ’বলৈ সংগ্ৰাম অব্যাহত ৰাখিছে ।
চাচেক্সৰ মুখ্য প্ৰশিক্ষক পল ফাৰ্ব্ৰেচে কয়, "এইটো এটা কঠিন সিদ্ধান্ত আছিল, কিন্তু ডেন(হিউজেছ) আমাৰ সমীকৰণৰ সৈতে নিখুঁতভাৱে খাপ খায় ৷ আটাইতকৈ ডাঙৰ কথাটো হ'ল যে তেওঁ সমগ্ৰ ছিজনৰ বাবে উপলব্ধ হ'ব । তেওঁ তেওঁৰ অভিজ্ঞতা ড্ৰেছিং ৰুমলৈ আনিছে আৰু ইয়ে যুৱ বেটছমেনসকলক তেওঁলোকৰ খেল উন্নত কৰাত সহায় কৰিব" ।
পূজাৰাই এই বছৰ চাচেক্সৰ হৈ প্ৰথম সাতখন চেম্পিয়নশ্বিপ মেচ খেলিছিল । তাৰপিছত হিউজক তেওঁৰ স্থানত স্থলাভিষিক্ত কৰা হয় ৷
