স্প’ৰ্টছ ডেস্ক: টকিঅ’ অলিম্পিকৰ পদক বিজয়ী বজৰং পুনিয়াই ৰাষ্ট্ৰীয় এণ্টি ডপিং এজেন্সীয়ে তেওঁৰ ওপৰত জাৰি কৰা চাৰি বছৰৰ নিষেধাজ্ঞাক ‘ৰাজনৈতিক ষড়যন্ত্ৰ’ বুলি উত্থাপন কৰিছে অভিযোগ ৷ লগতে ৰাষ্ট্ৰীয় ডপিং সংস্থাটোৱে চৰকাৰৰ হেঁচাত কাম কৰাৰ অভিযোগ উত্থাপন কৰে ভাৰতীয় মল্লযোদ্ধাগৰাকীয়ে ।
2024 চনৰ মাৰ্চ মাহত ড’প টেষ্টৰ বাবে প্ৰস্ৰাৱৰ নমুনা দিবলৈ অস্বীকাৰ কৰাৰ অপৰাধত ভাৰতীয় মল্লযুঁজাৰুগৰাকীক নিলম্বন কৰা হৈছে । ইউনাইটেড ৱৰ্ল্ড ৰেছলিঙেও 2024 চনৰ 31 ডিচেম্বৰলৈকে খেলুৱৈগৰাকীক নিলম্বন কৰিছে ।
নিষেধাজ্ঞা আৰোপৰ পিছত বজৰং পুনিয়াৰ গুৰুতৰ অভিযোগ
"এই 4 বছৰৰ নিষেধাজ্ঞা মোৰ বিৰুদ্ধে ব্যক্তিগত হিংসা আৰু ৰাজনৈতিক ষড়যন্ত্ৰৰ ফল । মহিলা মল্লযোদ্ধাসকলৰ সমৰ্থনত আমি আৰম্ভ কৰা আন্দোলনৰ প্ৰতিশোধ ল'বলৈ মোৰ বিৰুদ্ধে এই পদক্ষেপ লোৱা হৈছে । সেই আন্দোলনত আমি অন্যায় আৰু শোষণৰ বিৰুদ্ধে মাত মাতিছিলো" বুলি অভিযোগ উত্থাপন কৰে পুনিয়াই ।
यह चार साल का प्रतिबंध मेरे खिलाफ व्यक्तिगत द्वेष और राजनीतिक साजिश का परिणाम है। मेरे खिलाफ यह कार्रवाई उस आंदोलन का बदला लेने के लिए की गई है, जो हमने महिला पहलवानों के समर्थन में चलाया था। उस आंदोलन में हमने अन्याय और शोषण के खिलाफ अपनी आवाज़ बुलंद की थी।
— Bajrang Punia 🇮🇳 (@BajrangPunia) November 27, 2024
मैं यह स्पष्ट करना…
খেলুৱৈগৰাকীয়ে লগতে কয়, "মই এয়া স্পষ্ট কৰি দিব বিচাৰো যে মই কেতিয়াও ড'পিং পৰীক্ষা কৰিবলৈ অস্বীকাৰ কৰা নাই । যেতিয়া নাডাৰ দলটো পৰীক্ষাৰ বাবে মোৰ ওচৰলৈ আহিছিল, তেওঁলোকৰ ড’প কিটৰ ম্যাদ উকলি গৈছিল । এয়া এক গুৰুতৰ অৱহেলা আছিল ৷ মই কেৱল পৰীক্ষাটো এটা বৈধ কিটৰ সৈতে কৰাতহে হেঁচা দিছিলো । মোৰ স্বাস্থ্য আৰু কেৰিয়াৰ সুৰক্ষিত কৰাটোও প্ৰয়োজনীয় আছিল । কিন্তু ইয়াক ইচ্ছাকৃতভাৱে মোৰ বিৰুদ্ধে অস্ত্ৰ হিচাপে ব্যৱহাৰ কৰা হৈছিল" ৷
"বিজেপি চৰকাৰ আৰু ফেডাৰেছনে মোক ফান্দত পেলাবলৈ আৰু মোৰ কেৰিয়াৰ সমাপ্ত কৰিবলৈ এই কৌশল প্ৰয়োগ কৰিছে । এই সিদ্ধান্তটো উচিত নহয়, কিন্তু মোক আৰু মোৰ দৰে আন খেলুৱৈসকলক ধ্বংস কৰাৰ এটা প্ৰয়াস । নাডাৰ এই কাৰ্যই প্ৰমাণ কৰিছে যে তেওঁলোকৰ নিৰপেক্ষতাৰ সৈতে কোনো সম্পৰ্ক নাই । চৰকাৰৰ নিৰ্দেশত এনে সকলো প্ৰতিষ্ঠান চলি আছে । এই নিষেধাজ্ঞাৰ আঁৰৰ প্ৰকৃত উদ্দেশ্য হৈছে মোক ধ্বংস কৰা আৰু মোক অন্যায়ৰ বিৰুদ্ধে মাত মতাত বাধা দিয়া" ৷
মই অন্যায়ৰ বিৰুদ্ধে মাত মাতিবলৈ বন্ধ নকৰো: বজৰং পুনিয়া
"মই স্পষ্ট কৰি দিওঁ যে মোক আজীৱন নিলম্বিত কৰিলেও মই অন্যায়ৰ বিৰুদ্ধে মাত মাতিবলৈ বন্ধ নকৰো । এই যুঁজ কেৱল মোৰ নহয়, ই প্ৰতিজন খেলুৱৈৰে যুঁজ, যাক প্ৰণালীটোৱে ধ্বংস কৰিবলৈ চেষ্টা কৰিছে । মই এই সিদ্ধান্তৰ বিৰুদ্ধে আপীল কৰিম আৰু শেষলৈকে মোৰ অধিকাৰৰ বাবে যুঁজ অব্যাহত ৰাখিম" বুলি ভাৰতীয় মল্লযোদ্ধাগৰাকীয়ে দৃঢ়তাৰে কয় ।
বিশ্ব চেম্পিয়নশ্বিপ, এছিয়ান গেমছ, কমনৱেলথ গেমছ, এছিয়ান চেম্পিয়নশ্বিপ আৰু কমনৱেলথ চেম্পিয়নশ্বিপৰ দৰে শীৰ্ষ প্ৰতিযোগিতাত একাধিক পদক লাভ কৰা বজৰং পুনিয়া হৈছে দেশৰ শীৰ্ষ মল্লযোদ্ধাসকলৰ মাজৰ এজন ৷ তেওঁক 2015 চনত অৰ্জুন বঁটা, 2019 চনত খেলৰত্ন আৰু পদ্মশ্ৰী বঁটা প্ৰদান কৰা হৈছে । 30 বছৰীয়া বজৰঙে চলিত বৰ্ষৰ ছেপ্টেম্বৰত সতীৰ্থ ভাৰতীয় মল্লযোদ্ধা বিনেশ ফোগাটৰ সৈতে ভাৰতীয় জাতীয় কংগ্ৰেছত যোগদান কৰিছিল ।
লগতে পঢ়ক: অৰ্জুন বঁটা, খেলৰত্ন, পদ্মশ্ৰীৰে সন্মানিত খেলুৱৈক চাৰিবছৰৰ বাবে নিষিদ্ধ ঘোষণা
