স্প’ৰ্টছ ডেস্ক, 30 আগষ্ট: ভাৰতৰ চিৰবৈৰী দেশ পাকিস্তানত ভয়ংকৰ বিত্তীয় সংকট ৷ মুদ্ৰাস্ফীতিৰ ফলত পাকিস্তানৰ জনসাধাৰণে ভূগিবলগীয়া হৈছে তীব্ৰ আৰ্থিক সংকটত ৷ চৰকাৰখনো লাখ লাখ টকাৰ ঋণত ডুব গৈছে ৷ যাৰ প্ৰভাৱ পৰিছে দেশখনৰ ক্ৰীড়াৰ ক্ষেত্ৰতো ৷
Team Pakistan for Asian champions trophy China 2024
— Ammadbutt (@AmmadButt96) August 24, 2024
🇵🇰🏑✈️✌️ @Hannan_shahid09 @MoinShakeel1 @FIH_Hockey pic.twitter.com/lgEllNx4R2
শেহতীয়াকৈ পাকিস্তানৰ পৰা চীন অভিমুখে যাত্ৰা কৰা হকী দলটোৱে ধন ধাৰে ল’বলগীয়া পৰিস্থিতিৰ সৃষ্টি হোৱা কথাটোৱে ব্যাপক প্ৰতিক্ৰিয়াৰ সৃষ্টি কৰিছে ক্ৰীড়াপ্ৰেমীৰ মাজত ৷ চীনত অনুষ্ঠিত হ'বলগীয়া এছিয়ান চেম্পিয়নছ ট্ৰফী 2024 ত অংশগ্ৰহণ কৰাৰ উদ্দেশ্যে দলটোৱে ঋণ লৈ চীনলৈ যাত্ৰা কৰিছে ৷
তীব্ৰ বিত্তীয় সংকটত পাকিস্তানৰ হকী দল
পাকিস্তানৰ হকী দলটোৱে এছিয়ান চেম্পিয়নছ ট্ৰফী 2024 ত অংশগ্ৰহণ কৰিবলৈ ক্ৰয় কৰিবলগীয়া হৈছে চীন অভিমুখী বিমানৰ টিকট ৷ যাৰ বাবে দলটোৱে ঋণ লৈছে । দলটোৰ দুৰ্বল আৰ্থিক অৱস্থাৰ বিষয়ে এখন সংবাদমেলৰ জৰিয়তে ৰাজহুৱা হৈ পৰে ৷ সংবাদমেলখন সম্বোধন কৰি পাকিস্তান হকী ফেডাৰেচন(পি এইচ এফ) ৰ সভাপতি তাৰিক বুগতিয়ে শীঘ্ৰেই ধন লাভ কৰাৰ কথা সদৰী কৰিছিল ৷
বিমানৰ টিকট ক্ৰয়ৰ বাবে ল’লে ঋণ
ফ্ৰী প্ৰেছ জাৰ্ণেলৰ প্ৰতিবেদন অনুসৰি, পাকিস্তান ক্ৰীড়া পৰিষদে(পি এছ বি) শীঘ্ৰেই পাকিস্তান হকী ফেডাৰেচনক ব্যয় হোৱা সমষ্ট ধনৰাশি ঘূৰাই দিয়াৰ আশ্বাস প্ৰদান কৰিছে ৷
পি এছ বিয়ে ইয়াৰ পূৰ্বে পাকিস্তানৰ অনুৰ্ধ-18 বেছবল দলক পুঁজি যোগান ধৰিবলৈ অস্বীকাৰ কৰিছিল ৷ যাৰ বাবে হকী দলটোৱে এই পদক্ষেপ গ্ৰহণ কৰে ৷ পৰিষদে চীনত এছিয়ান চেম্পিয়নশ্বিপত অংশগ্ৰহণ কৰা দলটোক পুঁজি নিদিয়াৰ বাবে উদ্ভৱ হোৱা বিত্তীয় অসুবিধাৰ কথা উল্লেখ কৰিছিল ।
Couple of months back, the Pakistan hockey team received widespread praise from media and govt officials but the fleeting moment of attention has given way to familiar struggles, as they travel to China for Asian Champions Trophy on borrowed tickets and with three players banned. pic.twitter.com/BKf0pAVUXB
— Muneeb Farrukh (@Muneeb313_) August 28, 2024
অশেষ কষ্টৰে চীনত উপস্থিত দলটো
চীন অভিমুখে যাত্ৰা কৰা পাকিস্তানৰ হকী দলটোৰ সমস্যা ইমানতে অন্ত পৰা নাছিল ৷ ধন ধাৰে লৈ চীনলৈ যাত্ৰা কৰিবলগীয়া হোৱা দলটোৱে বেইজিঙৰ পৰা তেওঁলোকৰ বিমান বাতিল হোৱাৰ পিছত গন্তব্যস্থানত উপনীত হোৱাৰ বাবে 300 কিল’মিটাৰ পৰ্যন্ত পথযোগে যাত্ৰা কৰে ৷ এসময়ত বিশ্ব হকীৰ অন্যতম শ্ৰেষ্ঠ দল হিচাপে বিবেচিত হোৱা পাকিস্তানে শেহতীয়া কেইবছৰমানত তেওঁলোকৰ প্ৰদৰ্শনৰ দ্বাৰা সকলোকে হতাশ কৰিছে ।
উল্লেখ্য যে, 8 ছেপ্টেম্বৰৰ পৰা আৰম্ভ হ'ব এছিয়ান চেম্পিয়নছ ট্ৰফী 2024 । প্ৰতিযোগিতাখনৰ ফাইনেল মেচ অনুষ্ঠিত হ'ব 17 ছেপ্টেম্বৰত ।