স্প’ৰ্টছ ডেস্ক: এটা দ্বৈত হেটট্ৰিক, যাৰ অৰ্থ হৈছে 4 টা বলত 4 টা উইকেট দখল ৷ ক্ৰিকেটত এক বিৰল কৃতিত্ব হিচাপে গণ্য কৰা হয় এনেবোৰ অভিলেখ ।
অৱশ্যে সোমবাৰে অনুষ্ঠিত আই চি চি পুৰুষৰ টি-20 বিশ্বকাপৰ উপ-আঞ্চলিক আমেৰিকা কোৱালিফায়াৰৰ এখন খেলত আৰ্জেণ্টিনাৰ হাৰ্নান ফেনেলে এই বিৰল কৃতিত্ব অৰ্জন কৰা পৰিলক্ষিত হয় । 36 বছৰীয়া ফেনেল টি-20 ক্ৰিকেটত দুবাৰকৈ হেটট্ৰিক অৰ্জনকাৰী ষষ্ঠগৰাকী বলাৰত পৰিগণিত হয় ।
আৰ্জেণ্টিনাৰ হাৰ্নান ফেনেলৰ ইতিহাস
কেমেন দ্বীপপুঞ্জৰ বিৰুদ্ধে অনুষ্ঠিত খেলখনত আকৰ্ষণীয় পৰিসংখ্যাৰে (5/14) ফেনেলে দখল কৰে ট্ৰয় টেইলৰ, এলিষ্টেয়াৰ ইফিল, ৰ’নাল্ড ইউবেংকছ আৰু আলেচেন্দ্ৰো মৰিছৰ উইকেট ৷ ফেনেল হৈছে টি-20 ক্ৰিকেটত দ্বৈত হেটট্ৰিক অৰ্জন কৰা ষষ্ঠগৰাকী বলাৰ ৷
A double hat-trick and a five-wicket haul!
— ICC (@ICC) December 16, 2024
A day to remember for Hernan Fennell in Americas #T20WorldCup qualifying 🇦🇷
More 👉 https://t.co/zIjpcvA2AB pic.twitter.com/Lja2JQDOcF
এই তালিকাত থকা আন আন ক্ৰিকেটাৰসকল হৈছে ক্ৰমে- আফগানিস্তানৰ ৰাশ্বিদ খান, শ্ৰীলংকাৰ লাচিত মালিংগা, আয়াৰলেণ্ডৰ কাৰ্টিছ কাম্ফাৰ, ৱেষ্ট ইণ্ডিজৰ জেচন হোল্ডাৰ আৰু লেচোথোৰ ৱাছিম য়াকুবাৰ ৷
টি-20 আন্তঃৰাষ্ট্ৰীয় ক্ৰিকেটত দ্বৈত হেট্ৰিক অৰ্জন কৰা বলাৰসকল:
| ক্ৰমিক নং | খেলুৱৈৰ নাম | বিপক্ষ/বৰ্ষ |
| 1. | ৰাশ্বিদ খান (আফগানিস্তান) | আয়াৰলেণ্ড, 2019 |
| 2. | লাচিত মালিংগা (শ্ৰীলংকা) | নিউজিলেণ্ড, 2019 |
| 3. | কাৰ্টিছ কাম্ফাৰ (আয়াৰলেণ্ড) | নেদাৰলেণ্ড, 2021 |
| 4. | জেচন হোল্ডাৰ (ৱেষ্ট ইণ্ডিজ) | ইংলেণ্ড, 2022 |
| 5. | ৱাছিম য়াকুবাৰ (লেচোথো) | মালী, 2024 |
| 6. | হৰ্নান ফেনেল (আৰ্জেণ্টিনা) | কেমেন দ্বীপপুঞ্জ, 2024 |
ফেনেলৰ দ্বিতীয়টো হেটট্ৰিক লাভ
2021 চনত এণ্টিগুৱাত পানামাৰ বিৰুদ্ধে পূৰ্বে হেটট্ৰিক অৰ্জন কৰা ফেনেলৰ এয়া টি-20 ক্ৰিকেটত দ্বিতীয়টো হেটট্ৰিক ৷ যিটো আই চি চি পুৰুষৰ টি-20 বিশ্বকাপৰ আমেৰিকা ৰিজিয়ন কোৱালিফায়াৰ ইভেণ্টৰ অংশ আছিল । টি-20 ত ক্ৰিকেটাৰগৰাকীৰ নামত কেইবাটাও হেটট্ৰিক থকাৰ লগতে ফেনেল টি-20 ক্ৰিকেটত একাধিক হেটট্ৰিক অৰ্জন কৰা ষষ্ঠগৰাকী বলাৰত পৰিগণিত হয় ।
একাধিক হেটট্ৰিক অৰ্জন কৰা বলাৰসকল
মাল্টাৰ ৱাছিম আব্বাছ, অষ্ট্ৰেলিয়াৰ পেট কামিন্স, ছাৰ্বিয়াৰ মাৰ্ক পাভলভিচ, নিউজিলেণ্ডৰ টিম চাউথী আৰু শ্ৰীলংকাৰ লাচিত মালিংগা হৈছে ক্ৰিকেটৰ সৰ্বাধিক চুটি ফৰ্মেট টি-20 ত এটাতকৈ অধিক হেটট্ৰিক অৰ্জনকাৰী অন্যান্য কেইগৰাকীমান বলাৰ ।
Argentina bowler Hernan Fennell became the sixth bowler to take a double hat-trick in a men’s T20I during his side’s ICC Men’s T20 World Cup Sub Regional Americas Qualifier clash against the Cayman Islands in Buenos Aires on Sunday. pic.twitter.com/dSczBG8Lvs
— Vinod Bro (@VinodBro13648) December 16, 2024
খেলখনৰ পৰিস্থিতি
খেলখনত প্ৰথমে বেটিং কৰি কেমেন দ্বীপপুঞ্জই মুঠ 116 ৰাণ সংগ্ৰহ কৰে । চেমুৱেল ফষ্টাৰে 41 ৰাণৰ ইনিংছটো আছিল দলটোৰ সৰ্বাধিক ব্যক্তিগত ৰাণৰ ইনিংছ ৷ প্ৰত্যুত্তৰত আৰ্জেণ্টিনাৰ দলটোৱে মাত্ৰ 94 ৰাণহে সংগ্ৰহ কৰে ৷ বিপক্ষৰ দলটোৰ হৈ কনয় ৰাইটে 3 টা উইকেট দখল কৰে । খেলখনত ফেনেলৰ বিধ্বংসী স্পেল অথলে যোৱাৰ লগতে কেমেন দ্বীপপুঞ্জই মেচখনত 22 ৰাণত জয়লাভ কৰে ৷
লগতে পঢ়ক: 423 ৰাণৰ বৃহৎ ব্যৱধানৰে নিউজিলেণ্ডৰ বিৰুদ্ধে পৰাস্ত ইংলেণ্ড
