কলিয়াবৰ, 1 এপ্ৰিল: " সাংবাদিকৰো মনত দুখ আছে । আপোনালোকে যিমান কাম কৰে সেই মতে মালিকপক্ষই পাৰিশ্ৰমিক নিদিয়ে " দেওবাৰে কলিয়াবৰত এনেদৰে কয় কাজিৰঙা লোকসভা সমষ্টিৰ অগপ-বিজেপিৰ প্ৰাৰ্থী কামাখ্যা প্ৰসাদ তাছাই । ইয়াৰ লগতে সমাজৰ পজিটিভ খবৰবোৰ প্ৰচাৰ কৰিবলৈ সংবাদ কৰ্মীলৈ আহ্বান জনায় মিত্ৰজোঁট প্ৰাৰ্থীগৰাকীয়ে ৷
এদিন সাংবাদিকৰ সৈতে বুম নোহোৱাকৈ মনৰ কথা পাতিবলৈ বহিব বুলি উল্লেখ কৰি কামাখ্যা প্ৰসাদ তাছাই নিৰ্বাচনী সভাৰ মাজতে সংবাদ কৰ্মীসকলক আশ্বাস দি কয়, "সাংসদ হ’লে সাংবাদিকৰ কাৰণেও ভাল পদক্ষেপ ল’ম ৷ কিন্তু কেতিয়াবা টেনশ্যন দি দিয়ে । একলাইন লিখি দিয়ে সাংবাদিকে দুই দিনলৈ টেনশ্যন ল’ব লগা হয় । নিউজত ওলাবলৈ মই ক্ৰেজী নহয় ৷ ভাল কথা ক'লে মোক নুলিয়ায় । অৱশ্যে তাক লৈ মই চিন্তিত নহয় ।"
উল্লেখ্য যে, দেওবাৰে কলিয়াবৰত কাজিৰঙা লোকসভা সমষ্টিৰ প্ৰাৰ্থী কামাখ্যা প্ৰসাদ তাছাৰ সমৰ্থনত অগপে আয়োজন কৰিছিল নিৰ্বাচনী সভাৰ ৷ এই সভাত অংশগ্ৰহণ কৰি প্ৰাৰ্থীগৰাকীয়ে অগপৰ অতুল বৰা, স্বাস্থ্য মন্ত্ৰী কেশৱ মহন্তই তাছাক ভাই-ককাইৰ দৰে মৰম কৰিছে বুলি উল্লেখ কৰাৰ লগতে অগপ-বিজেপিয়ে নিৰ্বাচনী প্ৰচাৰত যথেষ্ট সহযোগিতা আগবঢ়াইছে বুলিও সংবাদ মাধ্যমৰ আগত উল্লেখ কৰে ।
প্ৰতিকূল বতৰকো নেওচি ৰাইজে দলটোলৈ সমৰ্থন আগবঢ়াইছে বুলি দাবী কৰে তাছাই ৷ দেওবাৰৰ পুৱাৰ পৰা নিশালৈকে কলিয়াবৰৰ কেইবাটাও গাঁও পঞ্চায়তত মাৰাথন নিৰ্বাচনী প্ৰচাৰ চলায় কামাখ্যা প্ৰসাদ তাছাই ৷ এই প্ৰচাৰ কাৰ্যসূচীত তাছাক সহযোগিতা আগবঢ়ায় অগপ নেতা তথা কলিয়াবৰৰ বিধায়ক কেশৱ মহন্তই ৷
- " class="align-text-top noRightClick twitterSection" data="">
লগতে পঢ়ক: দলীয় কৰ্মীক লোকসভা নিৰ্বাচনৰ যুঁজৰ বাবে সাজু হোৱাৰ আহ্বান অজন্তা নেওগৰ - LOK SABHA ELECTIONS
