নেশ্যনেল ডেস্ক, ২৬ জুন: দিল্লী আবকাৰী নীতিৰ গোচৰত দিল্লীৰ মুখ্যমন্ত্ৰী অৰবিন্দ কেজৰিৱালক বুধবাৰে চি বি আয়ে গ্ৰেপ্তাৰ কৰে । তদন্তকাৰী সংস্থাই বুধবাৰে তেওঁক ৰাউজ এভিনিউ আদালতত (বিচাৰ আদালত) হাজিৰ কৰিছিল আৰু আদালতৰ অনুমতি সাপেক্ষে চিবিআয়ে তেওঁক গ্ৰেপ্তাৰ কৰে । আদালতে কেজৰিৱালক তিনিদিনৰ বাবে ৰিমাণ্ডত প্ৰেৰণ কৰে । ২৯ জুনৰ সন্ধিয়া ৭ বজাৰ পূৰ্বে তেওঁক পুনৰ আদালতত হাজিৰ কৰিব লাগিব । অৱশ্যে চি বি আইয়ে কেজৰিৱালক ৫ দিনৰ জিম্মাত বিচাৰিছিল ।
BIG EXPOSE ‼️
— Aam Aadmi Party Delhi (@AAPDelhi) June 25, 2024
BJP की केंद्र सरकार और CBI की @ArvindKejriwal जी के ख़िलाफ़ बड़ी साज़िश 🚨
अरविंद केजरीवाल जी को सुप्रीम कोर्ट से जमानत मिलने की पूरी संभावना है। इससे पहले केंद्र की BJP सरकार ने CBI के साथ मिलकर केजरीवाल जी के ख़िलाफ़ झूठा मुक़दमा तैयार करके उन्हें गिरफ़्तार… pic.twitter.com/8JhOsZZApt
শুনানিৰ সময়ত কেজৰিৱালে আদালতত কয়, "মই আৰু মনীষ ছিছ’দিয়া দুয়োজনেই নিৰ্দোষী । আমি কেতিয়াও দোষ মনীষৰ ওপৰত জাপি দিয়া নাই ।" এই কেলেংকাৰীৰ সমগ্ৰ দোষ কেজৰিৱালে মনীষ ছিছ’দিয়াৰ ওপৰত জাপি দিছে বুলি চিবিআইয়ে আদালতত কোৱাৰ সময়তে মুখ্যমন্ত্ৰীগৰাকীয়ে এই বক্তব্য প্ৰদান কৰে । ইয়াৰ পূৰ্বে আদালতৰ কক্ষতে শুনানিৰ সময়ত কেজৰিৱালৰ স্বাস্থ্যৰ অৱনতি ঘটিছিল । তেওঁৰ ব্লাড ছুগাৰৰ মাত্ৰা হ্ৰাস পায় । তেওঁক লগে লগে আন এটা কোঠালৈ লৈ যোৱা হয় ।
Delhi Excise Case: CBI examines Arvind Kejriwal in Tihar, gets permission for his production before court today, may arrest also
— ANI Digital (@ani_digital) June 25, 2024
Read @ANI Story | https://t.co/YPjbuv77oY#ArvindKejriwal #CBI #DelhiExcisePolicyCase pic.twitter.com/cB83ZkKtNP
উল্লেখ্য যে, আবকাৰী নীতি গোচৰত প্ৰৱৰ্তন সঞ্চালকালয়ে ২১ মাৰ্চত দিল্লীৰ মুখ্যমন্ত্ৰী অৰবিন্দ কেজৰিৱালক গ্ৰেপ্তাৰ কৰি তিহাৰ জেললৈ প্ৰেৰণ কৰিছিল ৷ ইয়াৰ পাচতেই মঙলবাৰৰ নিশা চিবিআয়ে তিহাৰ জেলত উপস্থিত হৈ তেওঁক জেৰা চলায় আৰু আবকাৰী নীতি কেলেংকাৰী গোচৰত তেওঁৰ বক্তব্য লিপিবদ্ধ কৰে ।
লগতে পঢ়ক: সুৰা নীতি কেলেংকাৰীৰ গোচৰত কেজৰিৱালক গ্ৰেপ্তাৰৰ সম্ভাৱনা চিবিআইৰ - DELHI LIQUOR SCAM CASE
জেলৰ পৰা ওলাই আহিব নোৱাৰিব কেজৰিৱাল :
#WATCH | Delhi: Delhi CM and AAP National Convenor Arvind Kejriwal brought to Rouse Avenue Court. He will be produced by CBI for a hearing in the liquor policy case. pic.twitter.com/8Aokm7RNfG
— ANI (@ANI) June 26, 2024
ইয়াৰ পূৰ্বেও আবকাৰী নীতি গোচৰত চিবিআয়ে কেজৰিৱালক গ্ৰেপ্তাৰ কৰিব পাৰে বুলি জল্পনা-কল্পনা চলিছিল । ধন সৰবৰাহৰ গোচৰত উচ্চতম ন্যায়ালয়ে তেওঁৰ জামিন মঞ্জুৰ কৰিলেও এতিয়া কেজৰিৱাল জেলৰ পৰা ওলাই আহিব নোৱাৰিব ।
দিল্লী সুৰা নীতি সন্দৰ্ভত সংঘটিত হোৱা কথিত অনিয়ম সন্দৰ্ভত ২০২২ চনৰ আগষ্ট মাহত চিবিআই আৰু ইডিয়ে গোচৰ ৰুজু কৰিছিল । ইডিয়ে সুৰা নীতিৰ গোচৰত ২১ মাৰ্চত কেজৰিৱালক ঘৰৰ পৰা গ্ৰেপ্তাৰ কৰিছিল । এক এপ্ৰিলত তেওঁক তিহাৰলৈ প্ৰেৰণ কৰা হয় ।
#WATCH | Delhi CM Arvind Kejriwal's wife Sunita Kejriwal arrives at Rouse Avenue Court.
— ANI (@ANI) June 26, 2024
Delhi CM and AAP National Convenor Arvind Kejriwal is being produced here by CBI for a hearing in the liquor policy case. pic.twitter.com/lAi23b5J8L
উচ্চতম ন্যায়ালয়ে লোকসভা নিৰ্বাচনত প্ৰচাৰৰ বাবে ১০ মে’ত কেজৰিৱালক ২১ দিনৰ অন্তৱৰ্তীকালীন জামিন প্ৰদান কৰিছিল আৰু জেলৰ পৰা ওলাই আহিছিল কেজৰিৱাল । ১ জুনলৈকে প্ৰচাৰ চলোৱাৰ পাচত ২ জুনৰ সন্ধিয়া তেওঁ তিহাৰ কাৰাগাৰত আত্মসমৰ্পণ কৰে । ৩ জুলাইলৈকে তেওঁ ন্যায়িক জিম্মাত প্ৰেৰণ কৰা হৈছিল ।
লগতে পঢ়ক: কাৰাবন্দী হৈয়েই থাকিব কেজৰিৱাল : জামিন আদেশত স্থগিতাদেশ - ARVIND KEJRIWAL
এই অভিযোগ কেজৰিৱালৰ বিৰুদ্ধে :
ইডি আৰু চি বি আইৰ অভিযোগ অনুসৰি, কেজৰিৱাল আৰু আম আদমি পাৰ্টীয়ে দিল্লী আবকাৰী নীতি সন্দৰ্ভত চাউথ গ্ৰুপৰ সদস্যৰ পৰা ১০০ কোটি টকাৰ উৎকোচ লয় । ২০২২ চনত গোৱা বিধানসভা নিৰ্বাচনৰ সময়ত আম আদমি পাৰ্টীয়ে কেলেংকাৰীৰ ধনৰ এটা অংশ ব্যৱহাৰ কৰিছিল । এইদৰে আম আদমি পাৰ্টীয়ে কেজৰিৱালৰ জৰিয়তে ধন সৰবৰাহৰ অপৰাধ সংঘটিত কৰে ।
চাউথ গ্ৰুপৰ সদস্যসকল কোন ?
চাউথ গ্ৰুপত অৰবিন্দ ফাৰ্মাৰ প্ৰমোটাৰ শৰৎ ৰেড্ডী, ৱাই এছ আৰ চি পি লোকসভাৰ সাংসদ এম শ্ৰীনিবাসুলু ৰেড্ডী, তেওঁৰ পুত্ৰ ৰাঘৱ মগুন্তা আৰু কবিতা আছিল । এই গোটটোক প্ৰতিনিধিত্ব কৰিছিল অৰুণ পিল্লাই, অভিষেক বয়নপল্লী আৰু বুচিবাবুৱে । সুৰা কেলেংকাৰী গোচৰত ইতিমধ্যে তিনিওজনকে গ্ৰেপ্তাৰ কৰা হৈছে ।
লগতে পঢ়ক: জেলতেই থাকিব নে মুক্তি পাব ? কেজৰিৱালৰ জামিনক লৈ মঙলবাৰে উচ্চ ন্যায়ালয়ে দিব ৰায় - ARVIND KEJRIWAL
