নতুন দিল্লী : প্ৰাক্তন প্ৰধানমন্ত্ৰী মনমোহন সিঙৰ স্মাৰক সম্পৰ্কীয় বিতৰ্কই এতিয়াও শাম কটা নাই । কিন্তু তাৰ মাজতে ভাৰতীয় জনতা পাৰ্টীয়ে সোমবাৰে বিৰোধী দল কংগ্ৰেছ তথা নেতা ৰাহুল গান্ধীক তীব্ৰ আক্ৰমণ কৰে । ৰাষ্ট্ৰই প্ৰাক্তন প্ৰধানমন্ত্ৰী মনমোহন সিঙৰ মৃত্যুত শোক প্ৰকাশ কৰি থকাৰ সময়তে ৰাহুল গান্ধীয়ে অসংবেদনশীল আচৰণৰ অভিযোগ তুলি এই আক্ৰমণ কৰে ।
বিজেপি নেতা অমিত মালৱীয়ই মনমোহন সিঙৰ মৃত্যুক ৰাহুল গান্ধীয়ে তেওঁৰ ৰাজনীতিৰ হাতিয়াৰ কৰি লোৱাৰ অভিযোগ উত্থাপন কৰে ।
মালৱীয়ই X পোষ্টত লিখিছে, "যিসময়ত দেশে প্ৰাক্তন প্ৰধানমন্ত্ৰী ড০ মনমোহন সিঙৰ মৃত্যুত শোক প্ৰকাশ কৰি আছে, সেই সময়তে ৰাহুল গান্ধীয়ে নতুন বছৰ উদযাপন কৰিবলৈ ভিয়েটনামলৈ উৰা মাৰিছে । ৰাহুল গান্ধীয়ে ড০ সিঙৰ মৃত্যুক ৰাজনীতিকৰণ কৰিছে আৰু নিজৰ সুবিধা অনুযায়ী ৰাজনীতিৰ বাবে ইয়াৰ লাভ উঠাইছে, কিন্তু তেওঁৰ প্ৰতি ৰাহুলৰ অৱজ্ঞা উলাই কৰিব নোৱাৰি । গান্ধী আৰু কংগ্ৰেছে শিখসকলক ঘৃণা কৰে । কেতিয়াও নাপাহৰিব যে ইন্দিৰা গান্ধীয়ে দৰবাৰ চাহিবক অপবিত্র কৰিছিল ।"
While the country is mourning Prime Minister Dr Manmohan Singh’s demise, Rahul Gandhi has flown to Vietnam to ring in the New Year.
— Amit Malviya (@amitmalviya) December 30, 2024
Rahul Gandhi politicised and exploited Dr Singh’s death for his expedient politics but his contempt for him is unmissable.
The Gandhis and the…
ইফালে, কংগ্ৰেছৰ সাংসদ মণিকাম ঠাকুৰে ইয়াৰ প্ৰতিক্ৰিয়া আৰম্ভ কৰিছে । তেওঁ ইয়াক 'সংঘ'ৰ দ্বাৰা 'ডাইভাৰ্ছন পলিটিকছ' বুলি অভিহিত কৰিছে ।
ঠাকুৰে X পোষ্টত লিখিছে, "সংঘীয়সকলে কেতিয়া এই 'টেক ডাইভাৰ্চন' ৰাজনীতি বন্ধ কৰিব ? মোদীয়ে যিদৰে ড০ চাহেবক যমুনাৰ পাৰত অন্ত্যেষ্টিক্ৰিয়াৰ স্থান দিবলৈ অস্বীকাৰ কৰিছিল আৰু যিদৰে তেওঁৰ মন্ত্ৰীসকলে ড০ চাহেবৰ পৰিয়ালক একাষৰীয়া কৰিছিল সেয়া লজ্জাজনক । যদি সন্মানীয় গান্ধীয়ে ব্যক্তিগতভাৱে ভ্ৰমণ কৰিছে, তেনেহ'লে ইয়াত আপোনালোকৰ কিয় গা জ্বলিছে ? নতুন বছৰটোত সুস্থ মানসিকতা লওক ।"
When will the Sanghis stop this ‘Take Diversion’ politics?
— Manickam Tagore .B🇮🇳மாணிக்கம் தாகூர்.ப (@manickamtagore) December 30, 2024
The way Modi denied Dr. Saheb a place for cremation on the Yamuna banks and how his ministers cornered Dr. Saheb’s family is shameful.
If Mr Gandhi travel privately, why does it bother you?
Get well in New year . https://t.co/PFSOTc2F7P pic.twitter.com/7E7nfHOqrr
আনহাতে, বিজেপিৰ ৰাষ্ট্ৰীয় মুখপাত্ৰ শ্বেহজাদ পুনাৱালায়ো এই বিতৰ্কটোত হস্তক্ষেপ কৰি কয় যে যিসময়ত সমগ্ৰ দেশ মনমোহন সিঙৰ বাবে শোকত আছে, সেই সময়ত ৰাহুল গান্ধীয়ে ' পাৰ্টী কৰিবলৈ ভ্ৰমণ'ৰ বাবে গৈছে ।
উল্লেখ্য যে সংবাদ মাধ্যমৰ বাতৰি অনুসৰি, বিৰোধী দলৰ নেতাগৰাকী ভিয়েটনামলৈ গৈছে । "ৰাহুল গান্ধীয়ে এল অ' পিৰ অৰ্থ বিৰোধী দলৰ নেতাৰ পৰিৱৰ্তে 'পৰ্যটন'ৰ নেতালৈ সলনি কৰিছে আৰু পাৰ্টী কৰি আছে । আজি যিসময়ত প্ৰাক্তন প্ৰধানমন্ত্ৰী মনমোহন সিঙৰ মৃত্যুত সমগ্ৰ দেশ শোকত আছে, চৰকাৰে আশা কৰা অনুসৰি সাত দিনৰ শোক ঘোষণা কৰিছে, সেই সময়ত ৰাহুল গান্ধীয়ে ভ্ৰমণৰ বাবে ৰাওনা হৈছে, পাৰ্টী কৰিবলৈ । মুম্বাইত ২৬/১১ ৰ আক্ৰমণ সংঘটিত হোৱাৰ সময়তো তেওঁ গোটেই ৰাতি পাৰ্টী কৰি আছিল ।" পুনাৱালাই কয় ।
আনহাতে, দেওবাৰে মনমোহন সিঙৰ পৰিয়ালে তেওঁৰ অস্থি তথা চিতাভস্ম সংগ্ৰহ কৰিবলৈ অহাৰ সময়ত কংগ্ৰেছ আৰু গান্ধী পৰিয়ালৰ লোকসকল অনুপস্থিত থকাৰ বাবে বিজেপিয়ে সমালোচনা কৰে । ইয়াৰ বিপৰীতে বিৰোধী দলটোৱে অৱশ্যে অন্ত্যেষ্টিক্ৰিয়াৰ সময়ত নিগমবোধ ঘাটত সু-ব্যৱস্থা নোহোৱাৰ অভিযোগ উত্থাপন কৰে ।
ইয়াৰ পূৰ্বে জ্যেষ্ঠ নেতা সুধাংশু ত্ৰিবেদীয়ে কংগ্ৰেছৰ বিৰুদ্ধে সিঙক অসন্মান কৰাৰ অভিযোগ উত্থাপন কৰিছিল । ত্ৰিবেদীৰ উপৰি বিজেপি নেতা চি আৰ কেশৱনেও দলটোৱে প্ৰাক্তন প্ৰধানমন্ত্ৰী পি ভি নৰসিংহ ৰাওক অসন্মান কৰাৰ অভিযোগ তুলি কংগ্ৰেছক আক্ৰমণ কৰে । ইফালে সমাজবাদী পাৰ্টী, বিএছপি আৰু আপে কংগ্ৰেছক সমৰ্থন কৰে । এছপিৰ মুৰব্বী অখিলেশ যাদৱে কয় যে বিএছপি সভাপতি মায়াৱতীয়ে কেন্দ্ৰীয় চৰকাৰক সিঙৰ অন্ত্যেষ্টিক্ৰিয়া আৰু স্মাৰকক লৈ কোনো ৰাজনৈতিক বিতৰ্ক পৰিহাৰ কৰিবলৈ আহ্বান জনাইছে ।
ইয়াৰ পূৰ্বে এ আই চি চিৰ X হেণ্ডেলে এক বাৰ্তাত কৈছিল, "দেশৰ প্ৰাক্তন প্ৰধানমন্ত্ৰী ড০ মনমোহন সিংজীক চৰকাৰে উপযুক্ত সন্মান দিয়া নাছিল । কিন্তু এতিয়া মনমোহন সিংজীক অপমান কৰা লোকসকলে তেওঁৰ শেষকৃত্যৰ সময়তো ঘৃণনীয় ৰাজনীতি কৰি আছে । পৰিয়ালটোৰ গোপনীয়তাক সন্মান জনাই জ্যেষ্ঠ কংগ্ৰেছ নেতাসকলে ড০ মনমোহন সিংজীৰ চিতাভস্ম সংগ্ৰহৰ বাবে পৰিয়ালটোৰ সৈতে যোৱা নাছিল । আমাৰ মৰমৰ প্ৰয়াত নেতা ছোনিয়া গান্ধীজী আৰু প্ৰিয়ংকা গান্ধী ভদ্ৰাজীয়ে অন্ত্যেষ্টিক্ৰিয়াৰ পিছত পৰিয়ালটোক তেওঁৰ বাসগৃহত গৈ সাক্ষাৎ কৰে । তেওঁলোকৰ সৈতে আলোচনা কৰাৰ পিছত অনুভৱ কৰা হৈছিল যে যিহেতু পৰিয়ালটোৱে অন্ত্যেষ্টিক্ৰিয়াৰ সময়ত কোনো গোপনীয়তা লাভ কৰা নাছিল আৰু পৰিয়ালৰ কিছু সদস্য চিতাৰ স্থানত উপস্থিত হ'ব পৰা নাছিল, সেয়েহে তেওঁলোকক ফুল সংগ্ৰহ কৰিবলৈ আৰু ভস্ম সংগ্ৰহ কৰিবলৈ কিছু গোপনীয়তা দিয়া উচিত হ'ব ।"
देश के पूर्व प्रधानमंत्री डॉ. मनमोहन सिंह जी को सरकार द्वारा उचित सम्मान नहीं दिया गया।
— Congress (@INCIndia) December 30, 2024
लेकिन अब मनमोहन सिंह जी का अपमान करने वाले लोग उनके अस्थि विसर्जन पर भी घृणित राजनीति कर रहे हैं।
परिवार की निजता का सम्मान करते हुए कांग्रेस के वरिष्ठ नेतागण डॉ. मनमोहन सिंह जी की… pic.twitter.com/6UU2cvaFvx
