বিগত কেইবাটাও দশকত আমি প্ৰদূষণৰ কু-প্ৰভাৱ অনুভৱ কৰিছো ৷ দিল্লী, অসম, পশ্চিম বংগকে ধৰি ভাৰতৰ বহু চহৰৰ বায়ু প্ৰদূষিত হৈ পৰিছে, এই মেট্ৰ’ চহৰবোৰত বাস কৰাৰ অৰ্থ হ’ল আপোনাৰ হাওঁফাওঁৰ ক্ষতি ৷
বহু গৱেষণাত কোৱা হৈছে যে প্ৰদূষিত চহৰত বাস কৰাৰ বাবে বহু লোকৰ আয়ুস দিনক দিনে কম হৈ আহিছে ৷ এনে পৰিস্থিতিত আপুনি কেতিয়াবা ভাবিছেনে যে যদি আপুনি এমাহৰ বাবে বিশুদ্ধ বায়ুৰ উশাহ লয় তেন্তে ইয়াৰ ফলত আপোনাৰ স্বাস্থ্যৰ ওপৰত কেনে প্ৰভাৱ পৰিব ৷ যদি নাজানে তেন্তে এই প্ৰতিবেদনৰ জৰিয়তে জানো আহক-
ক'ৰনা কালত পৰিষ্কাৰ হৈছিল বায়ু
জনাই দিও যে, ২০২০ আৰু ২০২১ চনত যেতিয়া কৰ’না ভাইৰাছ মহামাৰীৰ বাবে লকডাউন আছিল, তেতিয়া ৰাস্তাত বহু বাহন চলা নাছিল, বহু বিমান উৰিব পৰা নাছিল, বহু কাৰখানা বন্ধ আছিল ৷ এই সময়ছোৱাত বায়ু বহু পৰিমাণে পৰিষ্কাৰ হৈ পৰিছিল, দূৰৈৰ অট্টালিকা বা পাহাৰ দেখা গৈছিল, কিন্তু এতিয়া হয়তো পুনৰ এই পৰিস্থিতি সম্ভৱ নহ’ব, গতিকে পৰিষ্কাৰ বায়ুৰ বাবে আপুনি অন্য উপায় অনুসৰণ কৰিব লাগিব ৷
পাহাৰত সময় কটাওক
যদি আপুনি পৰিষ্কাৰ বায়ুত উশাহ ল’ব বিচাৰে তেন্তে এমাহৰ বাবে পাৰিলে পাহাৰীয়া ঠাইলৈ যাওক, য’ত প্ৰদূষণ কম বা একেবাৰেই নাই ৷ য’ত মটৰ গাড়ী নচলে আৰু কাৰখানাও নাই ৷ স্বাস্থ্যৰ দৃষ্টিকোণৰ পৰা এনে ঠাই আপোনাৰ বাবে উত্তম ৷
এমাহলৈ প্ৰদূষণমুক্ত ঠাইত বসবাস কৰাৰ লাভ
১/ এই অংগবোৰ উপকৃত হ’ব
এমাহ ধৰি প্ৰদূষণমুক্ত বায়ুত উশাহ ল’লে আপোনাৰ হাওঁফাওঁ আৰু হৃদযন্ত্ৰৰ স্বাস্থ্য উন্নত হোৱাটো সম্ভৱ ৷ ইয়াৰ ফলত আপোনাৰ হাওঁফাওঁৰ কাৰ্যক্ষমতা উন্নত হ’ব, সম্ভৱ যে গধুৰ কামৰ সময়ত যি ষ্টেমিনাৰ প্ৰয়োজন হয় সেয়া আৰু অধিক উন্নত হ’ব ৷ ইয়াৰ উপৰিও হৃদৰোগৰ সম্ভাৱনাও বহু পৰিমাণে হ্ৰাস পাব ৷
২/ মানসিক স্বাস্থ্যৰ বাবে উপকাৰী
ইয়াৰ লগতে প্ৰদূষণৰ ফলত হোৱা শব্দ আৰু বায়ুমণ্ডল প্ৰদূষণ হ্ৰাসেও পৰিৱৰ্তন আনিব পাৰে ৷ শব্দ প্ৰদূষণৰ অভাৱত আপোনাৰ মানসিক স্বাস্থ্যও উন্নত হ’ব ৷ চহৰতকৈ পাহাৰীয়া ঠাইত আপুনি অধিক সকাহ অনুভৱ কৰিব ৷
