যদি আপুনি দীপাৱলীত ঘৰতে মতিচূড় লাৰু বনাব বিচাৰে তেন্তে আমি আজি আপোনাৰ বাবে এনে এক এটা সহজ ৰেচিপি লৈ আহিছো যাৰ সহায়ত আপুনি অতি সহজে ঘৰতে মতিচূড় লাৰু বনাব পাৰে ৷ এই ৰেচিপি অনুসৰণ কৰি আপুনি মতিচূড় লাৰুক একেবাৰে বজাৰৰ দৰে বনাব পাৰে ৷ এই মতিচূড় লাৰুবোৰ ধনতেৰচ আৰু দীপাৱলীতো ভগৱানক অৰ্পণ কৰিব পাৰি ৷ লগতে যদি আপুনি বজাৰৰ মিঠাই খাবলৈ ভাল নাপায়, তেন্তে ঘৰতে মতিচূড় লাৰু বনাব পাৰে-
মতিচূড় লাৰু বনোৱাৰ উপকৰণ-
- বেচন
- কমলা বা হালধীয়া ৰং
- চেনি
- চিৰালৰ গুটি
- দেশী ঘিউ
- ইলাচিৰ গুড়ি সোৱাদ অনুসৰি
মতিচূড় লাৰু বনোৱাৰ পদ্ধতি
মতিচূড় লাৰু বনাবলৈ প্ৰথমে এটা বাটিত বেচন লৈ লওক ৷ এতিয়া ইয়াত হালধীয়া বা কমলা ৰঙৰ ৰং দিব ৷ এতিয়া তাত পানী দিব ৷ ভালদৰে মিহলাই লওক ৷ মনত ৰাখিব যে ইয়াত কোনো ধৰণৰ গোটা অংশ থাকিব নালাগে ৷ এতিয়া পাইপিং বেগ বা যদি পাইপিং বেগ নাই গাখীৰৰ পেকেটত বেটাৰখিনি ভৰাই লৈ আগটো একেবাৰে সৰুকৈ কাটি
এতিয়া কেৰাহীত ঘিউ বা তেল দি বুণ্ডিয়াৰ দ্ৰৱবোৰ লাহে লাহে দি থাকক ৷ এতিয়া ই অলপ সোণালী ৰঙৰ হ’লে এখন জালনা হেতাৰ সহায়ত ইয়াক উঠাই লওক ৷
এই ৰেচিপিত আপুনি ঘিউত বুণ্ডিয়া নভজাকৈও ঘিউৰ সোৱাদ দিব পাৰে ৷ এতিয়া ভজা বুণ্ডিয়াখিনি এফালে ৰাখক ৷ এতিয়া এখন কেৰাহীত একাপ পানী দি তাত একাপতকৈ আধা চেনি দি ইচ্ছা কৰিলে অলপ ফুড কালাৰ দি চেনিখিনি গলি যোৱালৈ ৰওক ৷ তাৰ পিচত ইয়াত বুণ্ডিয়াখিনি ঢালি ভালদৰে 6-7 মিনিট কম জুইত ভালদৰে লৰাই গেছ বন্ধ কৰি দিয়ক ৷ এতিয়া ইয়াত ইচ্ছা কৰিলে ইলাচিৰ গুড়ি আৰু চিৰালৰ বগা গুটিখিনি দি ভালদৰে মিহলাই লওক ৷ এতিয়া গৰমা গৰমে 2 চামুচ ঘিউ দি ভালদৰে মিহলাই 20-30 মিনিট ঠাণ্ডা হ’বলৈ থৈ দিয়ক ৷ এতিয়া ইয়াৰ লাৰু তৈয়াৰ কৰি পৰিৱেশন কৰক ৷
