নিউজ ডেস্ক, 11 জুলাই: তিনিদিনীয়া ৰাছিয়া-অষ্ট্ৰিয়া ভ্ৰমণ সামৰি দিল্লী অভিমুখে ৰাওনা হ’ল প্ৰধানমন্ত্ৰী নৰেন্দ্ৰ মোদী ৷ তৃতীয়বাৰলৈ প্ৰধানমন্ত্ৰীৰ আসনত বহাৰ পিচত এয়া হৈছে নৰেন্দ্ৰ মোদীৰ প্ৰথমটো বিদেশ ভ্ৰমণ ৷ নিজৰ ভ্ৰমণৰ সামৰণি মাৰি প্ৰধানমন্ত্ৰী মোদীয়ে X হেণ্ডেলত এটা পোষ্ট শ্বেয়াৰ কৰি অষ্ট্ৰিয়াৰ চৰকাৰ, চেঞ্চেলৰ আৰু দেশখনৰ জনতাক তেওঁলোকৰ উষ্ম আদৰণি আৰু আতিথ্যৰ বাবে ধন্যবাদ জ্ঞাপন কৰে ৷ তেওঁ লগতে এই ভ্ৰমণক অতি ফলপ্ৰসূ হিচাপে অভিহিত কৰাৰ লগতে ঐতিহাসিক আখ্যা দিয়ে ৷
‘‘মোৰ অষ্ট্ৰিয়া ভ্ৰমণ ঐতিহাসিক আৰু অতি ফলপ্ৰসূ হৈছে ৷ আমাৰ দেশসমূহৰ মাজৰ বন্ধুত্বত নতুন শক্তি সংযোজন হৈছে । ভিয়েনাত থকাৰ সময়ত বিভিন্ন অনুষ্ঠানত অংশগ্ৰহণ কৰি আনন্দিত হৈছোঁ । চেঞ্চেলৰ @karlnehammer, অষ্ট্ৰিয়া চৰকাৰ আৰু জনসাধাৰণৰ আতিথ্য আৰু মৰমৰ বাবে কৃতজ্ঞতা জনাইছোঁ ৷’’ মোদীয়ে নিজৰ পোষ্টত লিখিছে ৷
My visit to Austria has been historic and immensely productive. New vigour has been added to the friendship between our nations. I am glad to have attended diverse programmes while in Vienna. Gratitude to Chancellor @karlnehammer, the Austrian Government and people for their…
— Narendra Modi (@narendramodi) July 10, 2024
ইয়াৰ পূৰ্বে প্ৰধানমন্ত্ৰী মোদীয়ে ভিয়েনাত অনুষ্ঠিত এক সামূহিক অনুষ্ঠানতো অংশগ্ৰহণ কৰি কয় যে তেওঁলোকৰ বন্ধুত্বৰ ৭৫ বছৰ সম্পূৰ্ণ হোৱাৰ ঐতিহাসিক অনুষ্ঠানত দীঘলীয়া অপেক্ষাৰ অন্ত পৰিছে ৷ তদুপৰি, ৪১ বছৰৰ ব্যৱধানৰ অন্তত এজন ভাৰতীয় প্ৰধানমন্ত্ৰীয়ে অষ্ট্ৰিয়া ভ্ৰমণ কৰাৰ বাবে ই এক ঐতিহাসিক মুহূৰ্ত বুলি স্বীকাৰ কৰি উষ্ম আদৰণিৰ বাবেও তেওঁ কৃতজ্ঞতা আৰু আনন্দ প্ৰকাশ কৰে । এটা সামূহিক অনুষ্ঠানৰ মঞ্চত উপস্থিত হোৱাৰ লগে লগে মানুহে তেওঁক ‘মোদী মোদী’ ধ্বনিৰে আদৰণি জনায় ।
ইফালে বৈদেশিক পৰিক্ৰমা মন্ত্ৰালয়ৰ মুখপাত্ৰ ৰণধীৰ জয়ছোৱালেও X ত এটা পোষ্ট শ্বেয়াৰ কৰি কয় যে প্ৰধানমন্ত্ৰী মোদীয়ে ভিয়েনাত ভাৰতীয়সকলৰ সৈতে মত বিনিময় কৰিছিল । প্ৰবাসী ভাৰতীয়সকলে প্ৰধানমন্ত্ৰী মোদীক উষ্ম আদৰণি জনায় আৰু এই অনুষ্ঠানত ভাৰত আৰু ইয়াৰ প্ৰবাসীসকলৰ মাজত শক্তিশালী সংযোগ প্ৰদৰ্শন কৰা হয় ।
"প্ৰবাসীসকলৰ সৈতে গভীৰ বন্ধন গঢ়ি উঠিছে । আজি ভিয়েনাত প্ৰবাসী ভাৰতীয়সকলৰ সৈতে প্ৰধানমন্ত্ৰী @narendramodi য়ে মত বিনিময় কৰে । প্ৰবাসীসকলে প্ৰধানমন্ত্ৰীক অতি আনন্দৰে উষ্ম আদৰণি জনায় ।" ৰণধীৰ জয়ছোৱালে পোষ্টটোত লিখে ৷
Forging deeper bonds with the diaspora.
— Randhir Jaiswal (@MEAIndia) July 10, 2024
PM @narendramodi interacted with the members of Indian community in Vienna today. The community welcomed PM with great joy and fervour.
PM highlighted the progress made by the country in the last 10 years and shared his vision for the… pic.twitter.com/pXqXmux6cn
"প্ৰধানমন্ত্ৰী বিগত ১০ বছৰত দেশত হোৱা অগ্ৰগতিৰ ওপৰত আলোকপাত কৰি ভৱিষ্যতৰ বাবে তেওঁৰ দৃষ্টিভংগী সম্পৰ্কে মত বিনিময় কৰে । ভাৰতক 'বিশ্ববন্ধু' হোৱা আৰু বিশ্বৰ প্ৰগতি আৰু মংগলৰ বাবে অৰিহণা যোগোৱাৰ বিষয়তো তেওঁ গুৰুত্ব আৰোপ কৰে । ভাৰতক শক্তিশালী কৰাত প্ৰবাসী ভাৰতীয়সকলৰ ভূমিকা তথা অংশীদাৰিত্বৰ বাবে তেওঁ ধন্যবাদ জ্ঞাপন কৰে ।" ৰণধীৰ জয়ছোৱালে পোষ্টটোত লগতে কয় ৷
লগতে পঢ়ক: অষ্ট্ৰিয়াৰ কোম্পানীসমূহক ভাৰতত বিনিয়োগ কৰিবলৈ আমন্ত্ৰণ প্ৰধানমন্ত্ৰী মোদীৰ - PM Modi Austria Visit
ইয়াৰ পিচতে অষ্ট্ৰিয়াৰ চেঞ্চেলৰ কাৰ্ল নেহামাৰে প্ৰধানমন্ত্ৰী মোদীৰ অষ্ট্ৰিয়ালৈ সফল ভ্ৰমণৰ আয়োজনৰ লগত জড়িত দলসমূহৰ প্ৰতি কৃতজ্ঞতা জ্ঞাপন কৰে । ইয়াৰ উপৰিও X এটা পোষ্টত চেঞ্চেলৰ নেহামাৰে বৈদেশিক পৰিক্ৰমা মন্ত্ৰালয়, ফেডাৰেল আৰ্মী, আৰক্ষী, প্ৰট’কল বিষয়া আৰু পৰ্দাৰ আঁৰত থকাসকলকে ধৰি সকলো ব্যক্তি, দলৰ নিষ্ঠা আৰু কঠোৰ পৰিশ্ৰমক স্বীকাৰ কৰে । তেওঁ তেওঁলোকক পেছাদাৰী পৰিকল্পনা, সংগঠন, আৰু ভ্ৰমণৰ নিষ্পাদনৰ বাবে ধন্যবাদ জনায় ।
Damit ein so großer Staatsbesuch, wie jener von @narendramodi in Österreich, funktionieren kann, sind Dutzende Mitarbeiterinnen und Mitarbeiter über Wochen intensiv beschäftigt. Hunderte weitere sind am Tag des Besuchs involviert. Vielen Dank den Teams des @MFA_Austria, des… pic.twitter.com/vgcjLZ1dFJ
— Karl Nehammer (@karlnehammer) July 10, 2024
নেহামাৰে কয় যে, "@narendramodi ৰ অষ্ট্ৰিয়া ভ্ৰমণৰ দৰে ডাঙৰ কাম কৰিবলৈ হ'লে কেইবা ডজন কৰ্মচাৰীয়ে কেইবা সপ্তাহ ধৰি তীব্ৰভাৱে ব্যস্ত হৈ থাকে । ভ্ৰমণৰ দিনটোত আৰু শ শ কৰ্মচাৰী জড়িত হৈ থাকে ।"
"@MFA_Austria , @bkagvat ৰ দলসমূহৰ লগতে ফেডাৰেল আৰ্মী, আৰক্ষী, প্ৰট'কল আৰু পেছাদাৰী পৰিকল্পনা, সাৱধানে সংগঠন আৰু নিখুঁত নিষ্পাদনৰ বাবে সহায়ৰ হাত বঢ়োৱা সকললৈ বহুত বহুত ধন্যবাদ !" তেওঁ লগতে কয় ৷
লগতে পঢ়ক: মোদীৰ ৰাছিয়া ভ্ৰমণে চিন্তাত পেলাইছে আমেৰিকাক ! - america on India Russia Ties
