ইণ্টাৰনেশ্যনেল ডেস্ক, ৮ জুলাই : দুদিনীয়া ৰাছিয়া ভ্ৰমণসূচীৰে সোমবাৰে মস্কোত উপস্থিত হয় প্ৰধানমন্ত্ৰী নৰেন্দ্ৰ মোদী । ৰাছিয়াৰ প্ৰথম উপ-প্ৰধানমন্ত্ৰী ডেনিছ মান্টুৰভে প্ৰধানমন্ত্ৰী মোদীক বিমানবন্দৰত আদৰণি জনায় । বিমানবন্দৰতে প্ৰধানমন্ত্ৰী মোদীক গাৰ্ড অৱ অনাৰ দিয়া হয় ।
Landed in Moscow. Looking forward to further deepening the Special and Privileged Strategic Partnership between our nations, especially in futuristic areas of cooperation. Stronger ties between our nations will greatly benefit our people. pic.twitter.com/oUE1aC00EN
— Narendra Modi (@narendramodi) July 8, 2024
প্ৰধানমন্ত্ৰী মোদী বিমানবন্দৰৰ পৰা মস্কোৰ হোটেল দ্য কাৰ্লটনত উপস্থিত হয় । ৰাছিয়াৰ প্ৰথম উপ-প্ৰধানমন্ত্ৰী ডেনিছ মান্টুৰভেও একেখন গাড়ীতে তেওঁৰ লগত বিমানবন্দৰৰ পৰা হোটেললৈ যায় । প্ৰধানমন্ত্ৰী মোদীক আদৰণি জনাবলৈ হোটেলৰ সমীপত উপস্থিত প্ৰবাসী ভাৰতীয়সকলক তেওঁ হাত জোকাৰি সম্ভাষণ জনায় আৰু মত বিনিময় কৰে ।
একে সময়তে মস্কোৰ হোটেলৰ বাহিৰত ৰাছিয়ান শিল্পীৰ দলে প্ৰধানমন্ত্ৰী মোদীক আদৰণি জনাই ভজন পৰিবেশন কৰে । হোটেলৰ বাহিৰত প্ৰধানমন্ত্ৰী মোদী আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ হাত মিলাই থকা প্ৰতিমূৰ্তি স্থাপন কৰা হৈছে ।
PM @narendramodi lands in Moscow for the 22nd India-Russia Annual Summit.
— Randhir Jaiswal (@MEAIndia) July 8, 2024
Warmly received by First Deputy PM Denis Manturov of Russia at the airport.
PM is set to hold substantive discussions with President Vladimir Putin to take forward the special partnership between the… pic.twitter.com/j8Yezuikws
ৰাছিয়াত উপস্থিত হোৱাৰ পাচত প্ৰধানমন্ত্ৰী মোদীয়ে 'X'ত পোষ্ট কৰি কয়, "মস্কোত উপস্থিত হ’লো । বিশেষকৈ সহযোগিতাৰ ক্ষেত্ৰত দুয়োখন দেশৰ মাজত বিশেষ কৌশলগত অংশীদাৰিত্ব আৰু অধিক গভীৰ হোৱাৰ সম্ভাৱনা আছে । দুয়োখন দেশৰ মাজত সুদৃঢ় সম্পৰ্কই আমাৰ জনসাধাৰণক যথেষ্ট উপকৃত কৰিব ।"
🎥 As PM @narendramodi arrives in Moscow, know what his agenda holds in store. pic.twitter.com/tirbUnTfiZ
— Randhir Jaiswal (@MEAIndia) July 8, 2024
মস্কোত অনুষ্ঠিত হ’বলগীয়া ২২ সংখ্যক ভাৰত-ৰাছিয়া সন্মিলনত মঙলবাৰে অনুষ্ঠিত হ’বলগীয়া আলোচনাৰ পূৰ্বে আজি নিশা প্ৰধানমন্ত্ৰী মোদীৰ লগত ব্যক্তিগত নৈশ আহাৰ গ্ৰহণ কৰিবলৈ সাজু হৈছে ৰাছিয়াৰ ৰাষ্ট্ৰপতি পুটিন ।
বৈদেশিক পৰিক্ৰমা মন্ত্ৰালয়ৰ মুখপাত্ৰ ৰণধীৰ জয়ছৱালে 'X'ৰ ওপৰত কয় যে, "দুয়োখন দেশৰ বিশেষ অংশীদাৰিত্ব আগুৱাই নিয়াৰ বাবে প্ৰধানমন্ত্ৰীয়ে ৰাষ্ট্ৰপতি ভ্লাদিমিৰ পুটিনৰ সৈতে গুৰুত্বপূৰ্ণ আলোচনা কৰিবলৈ সাজু হৈছে । তেওঁ ৰাছিয়াত ভাৰতীয় সম্প্ৰদায়ৰ সৈতেও মত বিনিময় কৰিব ।"
তেওঁ লগতে মোদীৰ ভ্ৰমণসূচীৰ এটা এটা ভিডিঅ’ও পোষ্ট কৰে ।
লগতে পঢ়ক: প্ৰধানমন্ত্ৰী মোদীৰ ৰাছিয়া ভ্ৰমণক লৈ ঈৰ্ষান্বিত নেকি পশ্চিমীয়া দেশসমূহ ? - PM Modi Russia visit
উল্লেখ্য যে, মস্কোৱে ইউক্ৰেইন আক্ৰমণ কৰাৰ পিচত সোমবাৰে প্ৰথমবাৰৰ বাবে প্ৰধানমন্ত্ৰী নৰেন্দ্ৰ মোদীয়ে ৰাছিয়ালৈ গৈ ৰাষ্ট্ৰপতি ভ্লাদিমিৰ পুটিনৰ সৈতে শীৰ্ষ আলোচনাত মিলিত হয় ৷ এই ভ্ৰমণৰ ভূ-ৰাজনৈতিক প্ৰেক্ষাপট আৰু সংকেত প্ৰদান কৰা বুলি ধৰা হৈছে । মস্কোত অৱতৰণ কৰাৰ কিছু সময়ৰ পাছতে মোদীয়ে কয় যে তেওঁ ভৱিষ্যতৰ ক্ষেত্ৰত দ্বিপাক্ষিক অংশীদাৰিত্ব গভীৰ কৰাৰ বাবে আগ্ৰহী আৰু ভাৰত আৰু ৰাছিয়াৰ মাজত শক্তিশালী সম্পৰ্কই “আমাৰ জনসাধাৰণক বহুখিনি উপকৃত কৰিব” ।
প্ৰধানমন্ত্ৰীয়ে তেওঁৰ প্ৰস্থান বিবৃতিত কয় যে ভাৰতে শান্তিপূৰ্ণ আৰু সুস্থিৰ অঞ্চলৰ বাবে “সহায়ক ভূমিকা” পালন কৰিব বিচাৰে ।
লগতে পঢ়ক: ৰাছিয়াৰ পিচত অষ্ট্ৰিয়ালৈ যাব প্ৰধানমন্ত্ৰী মোদী - PM Modi Austria visit
