নিউজ ডেস্ক, ১২ এপ্ৰিল : বৃহস্পতিবাৰে মালিৰ জুন্টাই ৰাজনৈতিক দল আৰু সংঘৰ কাৰ্যকলাপৰ বিষয়ে সংবাদ মাধ্যমক বাতৰি প্ৰকাশ কৰাত নিষেধাজ্ঞা আৰোপ কৰে । দেশখনৰ শাসকসকলে গ্ৰহণ কৰা শেহতীয়া নিষেধাজ্ঞামূলক পদক্ষেপ সম্পৰ্কে ছ’চিয়েল মিডিয়াত এখন জাননী প্ৰকাশ কৰিছে । এই আদেশ টেলিভিছন, ৰেডিঅ’, অনলাইন আৰু ছপা বাতৰি কাকতকে ধৰি সকলো ধৰণৰ সংবাদ মাধ্যমৰ ক্ষেত্ৰত প্ৰযোজ্য । বুধবাৰে ৰাজনৈতিক দলৰ সকলো কাৰ্যকলাপ পৰৱৰ্তী জাননী নিদিয়ালৈকে নিষিদ্ধ কৰাৰ পিছতে এই সিদ্ধান্ত লোৱা হৈছে ।
২০২০ চনৰ পৰা মালি দুটা অভ্যুত্থানৰ সন্মুখীন হৈছে ৷ যাৰ ফলত শেহতীয়া বছৰবোৰত পশ্চিম আৰু মধ্য আফ্ৰিকাত ৰাজনৈতিক অস্থিৰতাৰ ঢৌ বিয়পি পৰিছে । ৰাজনৈতিক সমস্যাৰ লগতে আল কায়দা আৰু ইছলামিক ষ্টেট গোটৰ সৈতে জড়িত সন্ত্ৰাসবাদীৰ বিদ্ৰোহৰ তীব্ৰতাও বৃদ্ধি পাইছে ।
বৃহস্পতিবাৰৰ এই নিৰ্দেশ যোগাযোগৰ বাবে উচ্চ কৰ্তৃপক্ষই জাৰি কৰিছে । নিষেধাজ্ঞাৰ পৰিসৰ বা কাৰ্যক্ষেত্ৰত কেনেকৈ প্ৰয়োগ কৰা হ’ব সেই বিষয়ে তৎক্ষণাত স্পষ্ট হোৱা নাছিল । ৰাজনীতিৰ লগত ওতঃপ্ৰোতভাৱে জড়িত অৰ্থনীতিৰ দৰে বিষয়ত সাংবাদিকক এতিয়াও বাতৰি প্ৰকাশ কৰিবলৈ দিয়া হ’ব নেকি আৰু তেওঁলোকৰ কাম-কাজ কোনে নিৰীক্ষণ কৰিব সেয়াও জানিব পৰা হোৱা নাছিল ।
মালিৰ সাংবাদিকসকলক প্ৰতিনিধিত্ব কৰা সংগঠনটোৱে ইয়াৰ উত্তৰত অস্বাভাৱিক কঠোৰভাৱে খণ্ডন কৰে । মেইছন ডি লে প্ৰেছ বা প্ৰেছ হাউছ নামেৰে পৰিচিত এই গোটটোৱে এই নিৰ্দেশ নাকচ কৰা বুলি উল্লেখ কৰি সাংবাদিকসকলক দেশৰ ৰাজনীতিৰ বাতৰি দি থাকিবলৈ আহ্বান জনায় । ইয়াৰ উপৰিও সাংবাদিকসকলক ইয়াৰ বিৰুদ্ধে থিয় দিবলৈ, ঐক্যবদ্ধ হৈ থাকিবলৈ আৰু নাগৰিকৰ তথ্য লাভৰ অধিকাৰ ৰক্ষাৰ বাবে সংগঠিত হ’বলৈ আহ্বান জনায় ।
বৃহস্পতিবাৰে সন্ধিয়া প্ৰকাশিত এক বিবৃতিত মালিৰ ৰাষ্ট্ৰীয় মানৱ অধিকাৰ আয়োগেও এই সিদ্ধান্তক লৈ দুখ আৰু গভীৰ উদ্বেগ প্ৰকাশ কৰে । ইয়াত জুন্টাক সকীয়াই দিয়া হৈছে যে এই সিদ্ধান্ত ক্ষতিকাৰক বুলি প্ৰমাণিত হ’ব পাৰে । সামাজিক পৰিৱেশ শান্ত কৰাৰ পৰিৱৰ্তে মৌলিক অধিকাৰ আৰু স্বাধীনতাৰ ওপৰত এই নিষেধাজ্ঞাই সম্ভাৱনাময়ভাৱে অশান্তি আৰু উত্তেজনাৰ সৃষ্টি কৰিব পাৰে, যাৰ প্ৰয়োজন দেশখনত নাই বুলিও কোৱা হৈছে ।
বুধবাৰেও সংবাদ মাধ্যমৰ ওপৰত এই ক্লেম্পডাউন সংঘটিত হয়, যেতিয়া জন্টাই ৰাজহুৱা শৃংখলা ৰক্ষাৰ প্ৰয়োজনীয়তাৰ কথা উল্লেখ কৰি ৰাজনৈতিক দলসমূহে পৰৱৰ্তী জাননী নিদিয়ালৈকে সকলো কাৰ্যকলাপ স্থগিত ৰখাৰ নিৰ্দেশ দিয়ে । পবিত্ৰ ৰমজান মাহৰ অন্ত পৰাৰ দিনটোত জনসাধাৰণে ঈদ উল-ফিটৰ উদযাপন কৰাৰ সময়তে ৰাজ্যিক টেলিভিছনত এই খবৰটো সম্প্ৰচাৰিত হয় য’ত পৰ্যবেক্ষক মুছলমানসকলে ৰাতিপুৱাৰ পৰা গধূলিলৈকে ৰোজা পালন কৰে ।
বিশ্লেষকসকলে কয় যে এই পদক্ষেপ ৰাজনৈতিক ব্যক্তি, নাগৰিক সমাজ আৰু ছাত্ৰ-ছাত্ৰীৰ বিৰুদ্ধে হোৱা প্ৰতিক্ৰিয়াৰ সম্ভাৱনা আছে, যিসকলে প্ৰতিশ্ৰুতি অনুসৰি দেশখনক গণতান্ত্ৰিক শাসনলৈ ঘূৰাই অনাত জুন্টাই হতাশা প্ৰকাশ কৰিছে ।
মৰক্কোৰ থিংক টেংক পলিচি চেণ্টাৰ ফৰ দ্য নিউ চাউথৰ ৰিডা লিয়ামৌৰীয়ে দ্য এছ’চিয়েটেড প্ৰেছক জনোৱা মতে, যোৱা সপ্তাহকেইটাত ৰাজনৈতিক দল আৰু ব্যক্তিসকলৰ হেঁচা বৃদ্ধি পাইছে । প্ৰথমবাৰৰ বাবে জনসাধাৰণ আৰু ৰাজনীতিবিদসকলে ৰাজহুৱাভাৱে জুন্টা নেতাসকলক সমালোচনা কৰি গুৰুত্বহীনতাৰ অভিযোগ উত্থাপন কৰিছে ।
২০২১ চনত দ্বিতীয়টো অভ্যুত্থানৰ পিছত দায়িত্ব লোৱা কৰ্ণেল আছিমি গইতাই ২০২৪ চনৰ আৰম্ভণিতে দেশখনক গণতন্ত্ৰলৈ ঘূৰাই অনাৰ প্ৰতিশ্ৰুতি দিছিল । কিন্তু ছেপ্টেম্বৰ মাহত জুন্টাই ২০২৪ চনৰ ফেব্ৰুৱাৰী মাহত অনুষ্ঠিত হ’বলগীয়া নিৰ্বাচন অনিৰ্দিষ্টকাললৈ বাতিল কৰিছিল আৰু অধিক কাৰিকৰী প্ৰস্তুতিৰ প্ৰয়োজনীয়তাৰ কথা উল্লেখ কৰিছিল ।
নিৰ্বাচিত চৰকাৰখনক পদচ্যুত কৰাৰ পিছত ২০১২ চনত উদ্ভৱ হোৱা বিদ্ৰোহৰ অন্ত পেলোৱাৰ প্ৰতিশ্ৰুতি দিছে জুন্টাই । দশকজুৰি সহায়ৰ অভাৱৰ বাবে ক্ৰমাৎ হতাশাৰ মাজতে ফ্ৰান্সৰ সৈতে সামৰিক সম্পৰ্ক বিচ্ছিন্ন কৰি তাৰ পৰিৱৰ্তে নিৰাপত্তা সমৰ্থনৰ বাবে ৱেগনাৰ গোটৰ ভাড়াতীয়া ৰাছিয়াৰ ঠিকাদাৰৰ ওচৰলৈ যায়। কিন্তু বিশ্লেষকসকলে কয় যে হিংসা আৰু অধিক ভয়াৱহ হৈ পৰিছে ।
ৰাজনৈতিক কাম-কাজ নিষিদ্ধকৰণক লৈ আমেৰিকাই গভীৰ উদ্বিগ্নতা প্ৰকাশ কৰিছে । ৱাশ্বিংটনত সাংবাদিকৰ আগত বিদেশ বিভাগৰ মুখপাত্ৰ মেথিউ মিলাৰে কয় যে মুক্ত সমাজৰ বাবে মত প্ৰকাশৰ স্বাধীনতা আৰু সংগঠনৰ স্বাধীনতা অতি গুৰুত্বপূৰ্ণ ।
লগতে পঢ়ক: পাকিস্তানৰ প্ৰধানমন্ত্ৰী শ্বেহবাজ শ্বৰীফলৈ ৰাষ্ট্ৰপতি জো বাইডেনৰ ইতিবাচক বাৰ্তা - US Pak Ties
