বহুতে নিজৰ আৱেগ নিয়ন্ত্ৰণ কৰিব নোৱাৰে ৷ এয়া এনে এক মানসিক অৱস্থা য’ত মেজাজৰ পৰিৱৰ্তন ঘটে ৷ বাইপোলাৰ ডিছঅৰ্ডাৰৰ ক্ষেত্ৰতো এনে হোৱা দেখা যায় ৷ এই সময়ছোৱাত ব্যক্তিগৰাকীৰ মেজাজ দুটা বিপৰীত অৱস্থালৈ সলনি হৈ পৰে ৷
শেহতীয়াকৈ পাঞ্জাবী গায়িকা তথা ৰেপাৰ হানী সিঙৰ মানসিক স্বাস্থ্যৰ সৈতে জড়িত বিষয়সমূহে যথেষ্ট চৰ্চা আকৰ্ষণ কৰিছে ৷ এটি সাক্ষাৎকাৰৰ সময়ত তেওঁ নিজৰ স্বাস্থ্যৰ লগত জড়িত বহু কথাই জানিবলৈ দিয়ে যে কেনেকৈ তেওঁ বাইপোলাৰ ডিছঅৰ্ডাৰত ভুগি আছিল আৰু তেওঁ বহু বছৰ ধৰি এই ৰোগৰ সৈতে যুঁজি আছিল ৷ এনে পৰিস্থিতিত এই ৰোগৰ বিষয়ে জনাটো অতিকৈ প্ৰয়োজনীয় ৷
বাইপোলাৰ ডিছঅৰ্ডাৰ মানে কি ?
বাইপোলাৰ ডিছঅৰ্ডাৰ হৈছে এনে এক প্ৰকাৰৰ মানসিক বিকাৰ, য’ত ব্যক্তিৰ মেজাজৰ উঠা-নমা ঘটে ৷ এই ৰোগত কেতিয়াবা এজন ব্যক্তিয়ে অতি উত্তেজিত আৰু শক্তিশালী অনুভৱ কৰে আৰু কেতিয়াবা বিষণ্ণতালৈ যায় ৷ এই দুটা অৱস্থাক উন্মাদনা আৰু বিষণ্ণতা বোলা হয় ৷
উন্মাদনা: উন্মাদনাৰ অৱস্থাত এজন ব্যক্তিয়ে অধিক উত্তেজিত, শক্তিশালী আৰু অতি আত্মবিশ্বাসী অনুভৱ কৰে ৷ তেওঁ কমকৈ টোপনি যায়, অধিক কথা কয় আৰু প্ৰায়ে দুঃসাহসিক কাম কৰিবলৈ আৰম্ভ কৰে ৷
হতাশা: হতাশাৰ অৱস্থাত ব্যক্তিয়ে দুখ, হতাশা, অস্থিৰতা আৰু অৱসাদ অনুভৱ কৰে ৷ তেওঁৰ একো কৰিবলৈ মন নাযায় আৰু প্ৰায়ে অকলে থকাটোৱেই বেছি পছন্দ কৰে ৷
বাইপোলাৰ ডিছঅৰ্ডাৰৰ বাবে
যদি পৰিয়ালত বাইপোলাৰ ডিছঅৰ্ডাৰৰ ইতিহাস থাকে তেন্তে কোনো ব্যক্তিৰ এই ৰোগ হোৱাৰ সম্ভাৱনা বাঢ়ি যায় ৷
মগজুৰ কিছুমান ৰাসায়নিক পদাৰ্থৰ ভাৰসাম্যহীনতাৰ বাবেও এই ৰোগ হ’ব পাৰে ৷ মানসিক চাপ, অনিয়মিত টোপনি, আৰু কিছুমান বিশেষ ধৰণৰ ঔষধেও বাইপোলাৰ ডিছঅৰ্ডাৰৰ সূচনা কৰিব পাৰে ৷
বাইপোলাৰ ডিছঅৰ্ডাৰৰ লক্ষণ
- মেজাজৰ উঠা-নমা
- শক্তিৰ মাত্ৰাৰ পৰিৱৰ্তন
- টোপনিৰ অভ্যাসৰ পৰিৱৰ্তন
- ভোকৰ পৰিৱৰ্তন
- চিন্তাত নিমগ্ন হোৱা
- অস্বাভাৱিক চিন্তা বা বিশ্বাস
- শাৰীৰিক আৰু মানসিক কাৰ্যকলাপ বৃদ্ধি
- টোপনিৰ অভাৱ
- অসাৱধানতাৰে বাহন চলোৱা
- নিজক অতিমাত্ৰা মহত্ব দিয়া
- খিংখিঙীয়া হৈ পৰে
- অন্য মনস্ক হোৱা
- নিজকে আঘাত দিয়া
- খুব খৰকৈ কথা কোৱা
প্ৰতিৰোধমূলক ব্যৱস্থা
- দৈনিক ব্যায়াম বা যোগাসন কৰক
- ধ্যান বা গভীৰ উশাহ লোৱাৰ অভ্যাস কৰক
- খাদ্য আৰু শোৱাৰ সময়সূচী মানি চলক
- আপোনাৰ মেজাজৰ উত্থান-পতন বুজিবলৈ চেষ্টা কৰক
- মানসিক চাপ নিয়ন্ত্ৰণ কৰিবলৈ শিকক
- ধূমপান, চিগাৰেট বা সুৰাপান পৰিহাৰ কৰক
- স্বাস্থ্যকৰ খাদ্য গ্ৰহণ কৰক
- প্ৰতিদিনে পৰ্যাপ্ত পৰিমানৰ টোপনি
- মনোৰোগ বিশেষজ্ঞৰ সৈতে যোগাযোগ কৰক
