কলপাতত খাদ্য পৰিবেশন কৰাটো ভাৰতত বহু বছৰ ধৰি প্ৰচলিত হৈ আহিছে ৷ আজিও দক্ষিণ ভাৰতৰ ভিন্ন স্থানত কলপাতত খাদ্য পৰিৱেশন কৰা হয় লগতে বহুলোকেও কলপাতত খাবলৈ পচন্দ কৰে, তেওঁলোকৰ বাবে এয়া এক পৰম্পৰা ৰক্ষা কৰাৰ দৰেই ৷ দক্ষিণ ভাৰতীয় লোকে বাচন-বৰ্তনৰ সলনি দীৰ্ঘ সময়ৰ পৰা কলপাতত খাদ্য পৰিবেশন কৰি আহিছে ৷ কিন্তু আপুনি জানেনে যে কলপাতত থৈ খাদ্য খোৱাটোও স্বাস্থ্যৰ বাবে উপকাৰী বুলি বিবেচিত হৈ আহিছে ৷ বহু ধৰণৰ ৰোগৰ পৰা হাত সাৰিবলৈও এই পদ্ধতি সহায়ক ৷ তেন্তে আহক আজি কলপাতত খাদ্য খোৱাৰ উপকাৰিতাসমূহৰ বিষয়ে জানি লওক-
কলপাতত খাদ্য খোৱাৰ উপকাৰিতা
ডায়েবেটিছ প্ৰতিৰোধ কৰে
কলপাতৰ বহুতো গুণ আছে, যিয়ে ৰক্তশৰ্কৰাৰ মাত্ৰা নিয়ন্ত্ৰণ কৰাত সহায় কৰিব পাৰে ৷ ইয়াৰ উপৰিও কলপাতে ডায়েবেটিছ নিয়ন্ত্ৰণ কৰাৰ লগতে ইয়াৰ সম্ভাৱনাও হ্ৰাস কৰিব পাৰে ৷
হজম শক্তি উন্নত কৰা
কলপাতত হজম শক্তি নিয়ন্ত্ৰণ আৰু ভাইৰাছ নিয়ন্ত্ৰণ কৰাৰ গুণ আছে, যাৰ ফলত আপোনাৰ পাচনতন্ত্ৰ সুস্থ হৈ থাকে ৷
ওজন নিয়ন্ত্ৰণত ৰখাত সহায় কৰে
কলপাতত ভিটামিন বি, চি আৰু আঁহ থাকে, যিয়ে ওজন নিয়ন্ত্ৰণত সহায় কৰিব পাৰে ৷ ইয়াৰ উপৰিও ই ভোক নিয়ন্ত্ৰণত সহায় কৰিব পাৰে ৷ ওজন কমাব বিচৰা লোকৰ বাবে কলপাতত খাদ্য খোৱাটো অতি উপকাৰী হ’ব পাৰে ৷
ভিটামিন আৰু খনিজ পদাৰ্থৰ ভাল উৎস
কলপাতত ভাল পৰিমাণৰ ভিটামিন আৰু খনিজ পদাৰ্থ যেনে ভিটামিন চি, এ, কেলচিয়াম আৰু পটাছিয়াম থাকে ৷ এই সকলোবোৰ পুষ্টিকৰ উপাদান স্বাস্থ্যৰ বাবে অতি উত্তম বুলি গণ্য কৰা হয় ৷
