সৌন্দৰ্য ম্লান কৰাত মুখত থকা ক'লা দাগে কি ভূমিকা গ্ৰহণ কৰে, তাক হয়তো পুনৰ কোৱাৰ প্ৰয়োজন নাই ৷ সকলোয়ে, বিশেষকৈ মহিলাসকলে এনে দাগৰ পৰা পৰিত্ৰাণ লাভ কৰিবলৈ বজাৰত উপলব্ধ বহু নামী-দামী সামগ্ৰী ব্যৱহাৰ কৰে যদিও সুফল লাভ নকৰে ৷ কিন্তু কেতবোৰ ঘৰুৱা প্ৰতিকাৰৰ সহায় লৈ আপুনি এই সমস্যাৰ পৰা পৰিত্ৰাণ লাভ কৰিব পাৰে ৷ হয়, তলত উল্লেখ কৰা প্ৰতিকাৰৰ সহায়ত আপুনি যিমানেই পুৰণা দাগ নহওঁক কিয়, সেয়া আঁতৰাব পাৰিব ৷
নেমুৰ ৰস
নেমুৰ ৰসত ভিটামিন চি থাকে, যিয়ে ছালৰ দাগ হ্ৰাস কৰাত সহায় কৰিব পাৰে ৷ সেয়েহে, প্ৰতি নিশা আপোনাৰ মুখত নেমুৰ ৰস লগাব আৰু পুৱা ধুই পেলাব ৷
হালধি-দৈ
হালধিৰ বেক্টেৰিয়া-ৰোধী গুণাগুণ আছে, যি ছালৰ দাগ হ্ৰাস কৰাত সহায়ক ৷ এক চাহ চামুচ গৰুৰ গাখীৰৰে তৈয়াৰ কৰা দৈত এক চাহ চামুচ হালধি মিহলি কৰক আৰু ইয়াক ১৫-২০ মিনিটৰ বাবে আপোনাৰ মুখত লগাব ৷নিৰ্দিষ্ট সময়ৰ পিছত পৰিস্কাৰ পানীৰে মুখখন ধুই পেলাব ৷
এল'ভেৰা- মৌ
এল'ভেৰাৰ ৰসত এণ্টিঅক্সিডেণ্ট থাকে, যিয়ে ছাল পৰিস্কাৰ কৰাত সহায় কৰিব পাৰে ৷ এল'ভেৰাৰ সৰু টুকুৰা এটাত অকনমান মৌ লৈ মুখত লাহে লাহে সানিব ৷ ১০-১৫ মিনিটৰ পিছত মুখখন ভালদৰে ধুই পেলাব ৷
গোলাপ জল
গোলাপ জল যথেষ্ট গুণ সম্পন্ন ৷ যিয়ে ছালক শীতলতা প্ৰদান কৰে ৷ আপুনি গোলাপ জল প্ৰতি নিশা কপাহত তিয়াই মুখত লগাই থৈ পুৱা ধুই পেলাব ৷
নাৰিকল তেল
নাৰিকল তেলত থকা ভিটামিন ইয়ে ছালৰ ৰং উন্নত কৰে ৷ ৰাতি শুবলৈ যোৱাৰ আগতে ইয়াক আপোনাৰ মুখত প্ৰয়োগ কৰিব আৰু পুৱা ধুই পেলাব ৷
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ ৷ এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে ৷ আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো ৷ কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ৷
