বয়স বৃদ্ধিৰ লগে লগে চুলি সৰাটো তেনেই সাধাৰণ কথা ৷ ইয়াৰ কাৰণ হ’ব পাৰে পুষ্টিকৰ উপাদানৰ অভাৱ আৰু সঠিক খাদ্য প্ৰণালীৰ অভাৱ ৷ এটা নিৰ্দিষ্ট বয়সৰ পিচত আমাৰ শৰীৰে চুলিৰ বাবে প্ৰয়োজনীয় পুষ্টিকৰ উপাদানসমূহ সঠিকভাৱে যোগান ধৰিব নোৱাৰে, যাৰ বাবে চুলি নিৰ্জীৱ হৈ পৰে, শুকান হৈ পৰে আৰু চিঙিবলৈ আৰম্ভ কৰে ৷ যদি আপুনিও আপোনাৰ চুলিখিনি দীৰ্ঘদিনলৈকে ঘন কৰি ৰাখিব বিচাৰে তেন্তে প্ৰ’টিনে আপোনাক সহায় কৰিব পাৰে ৷ চুলিত ব্যৱহাৰ কৰা প্ৰ’টিনযুক্ত সামগ্ৰী বা খাদ্যত সঠিক পৰিমাণৰ প্ৰ’টিন থাকিলে আপুনি চুলি সৰাৰ পৰা ৰক্ষা কৰিব পাৰে ৷
ঘন চুলিৰ বাবে প্ৰ’টিন উপকাৰী
অত্যধিক চাপ, অন্যান্য সমস্যা, ষ্ট্ৰেইটনিং বা ৰাসায়নিক ট্ৰিটমেণ্টৰ বাবে চুলি দুৰ্বল হৈ পৰে ৷ এনে পৰিস্থিতিত প্ৰ’টিন সমৃদ্ধ খাদ্য খালে চুলি মজবুত, চিকচিকিয়া আৰু ঘন হ’ব পাৰে ৷ চুলিৰ বিশেষজ্ঞসকলৰ মতে চুলিৰ প্ৰাকৃতিক প্ৰ’টিনবোৰ এবাৰ ধ্বংস হৈ গ’লে তাক পুনৰ উৎপাদন কৰিব নোৱাৰি ৷ অৱশ্যে কৃত্ৰিম আৰু প্ৰ’টিন সমৃদ্ধ খাদ্যৰ দ্বাৰা ইয়াৰ অভাৱ দূৰ কৰিব পাৰি ৷ চুলিত প্ৰ’টিন যোগ কৰিলে চুলিৰ গুৰিবোৰক পুষ্টি দিব পাৰি ৷
চুলিত প্ৰ’টিন যোগান ধৰিবলৈ কি খাব লাগে ?
১) বীন
মাহজাতীয় শস্য বা বীন হৈছে উদ্ভিদভিত্তিক প্ৰ’টিনৰ এক উৎকৃষ্ট উৎস, যিটো চুলিৰ বৃদ্ধিৰ বাবে অতিকৈ গুৰুত্বপূৰ্ণ ৷ সাগৰীয় খাদ্যৰ দৰে বীনতো জিংক প্ৰচুৰ পৰিমাণে থাকে, যিয়ে চুলিৰ বৃদ্ধি আৰু মেৰামতিৰ বাবে সহায়ক ৷ এনচিবিআইৰ অধ্যয়ন অনুসৰি ১০০ গ্ৰাম ক’লা বীন দৈনিক ৭% পৰ্যন্ত জিংকৰ প্ৰয়োজনীয়তা পূৰণ কৰিব পাৰে ৷ ইয়াৰ উপৰিও চুলিৰ বাবে প্ৰয়োজনীয় পুষ্টিকৰ উপাদান যেনে আইৰণ, বায়’টিন আৰু ফ’লেট আদিও বীনৰ পৰা পোৱা যায় ৷
২) কণী
কণীত প্ৰ’টিন আৰু বায়’টিন প্ৰচুৰ পৰিমাণে পোৱা যায় ৷ কেৱল এই দুটা পুষ্টিকৰ উপাদানেহে চুলিৰ বৃদ্ধিৰ বাবে ভাল হ’ব পাৰে ৷ চুলি ডাঠ আৰু ধুনীয়া কৰিবলৈ আপুনি খাদ্য তালিকাত কণী অন্তৰ্ভুক্ত কৰিব পাৰে ৷
বেছিভাগ চুলিৰ গুৰি প্ৰ’টিনৰ দ্বাৰা গঠিত ৷ আনহাতে কেৰাটিন উৎপাদনৰ বাবে বায়’টিনৰ প্ৰয়োজন হয় ৷ এই কাৰণেই চুলিৰ বাবে খাদ্যত প্ৰ’টিন আৰু বায়টিন যোগ কৰাটো জৰুৰী ৷ জিংক আৰু চেলেনিয়ামকে ধৰি চুলিৰ বাবে প্ৰয়োজনীয় পুষ্টিকৰ উপাদানবোৰ কণীত পোৱা যায় ৷
৩) মাংস
মাংসতো পুষ্টিকৰ উপাদান পোৱা যায়, যিয়ে চুলিৰ বৃদ্ধিত সহায়ক হ’ব পাৰে ৷ মাংসত বহু পৰিমাণে প্ৰ’টিন পোৱা যায়, যাৰ ফলত চুলিৰ গুৰি শক্তিশালী হয় ৷ ১০০ গ্ৰাম সিজোৱা মাংসৰ পৰা ২৯ গ্ৰাম প্ৰ’টিন পোৱা যায় ৷
লগতে পঢ়ক: বাৰিষাত চুলি আৰু ছালৰ যতন কেনেদৰে ল’ব লাগে জানেনে ? - Monsoon Hair and Skin Care
