ঈশ্বৰক নৈবেদ্য আগবঢ়োৱাটো আমাৰ ধৰ্মীয় পৰম্পৰা ৷ বিশ্বাস অনুসৰি, যদি ভক্তই আগবঢ়োৱা ভোগত ইশ্বৰ সন্তুষ্ট হয়, তেতিয়া ভক্তই খুব সোনকালে ভাল ফল লাভ কৰে ৷ সেয়েহে ভক্তসকলে উপাসনা কৰোঁতে সদায় ভগৱানৰ প্ৰিয় ভোগ আগবঢ়ায় ৷ কিন্তু বহুতেই তেওঁলোকে উপাসনা কৰা ভগৱানৰ প্ৰিয় ভোগৰ বিষয়ে জ্ঞাত নহয় ৷ পিছে আপুনি মহাদেৱৰ প্ৰিয় ভোগৰ বিষয়ে জ্ঞাতনে ? এইবাৰ মহাশিৱৰাত্ৰি ৮ মাৰ্চত পালন কৰা হ’ব ৷ এই দিনটোত আপুনি মহাদেৱক সন্তুষ্ট কৰিবলৈ কি ভোগ আগবঢ়াব, আজি জানি লওঁক-
বিশ্বাস কৰা হয় যে এই দিনটোত এটা পাত্ৰত কেশৰ, গাখীৰ, দৈ, ঘিউ, সুগন্ধি, মৌ, চন্দন মিহলি কৰি শিৱলিঙ্গক অভিষিক্ত কৰাটো অতি শুভ ৷ ইয়াৰ বাহিৰেও, মহাদেৱক আপুনি তলত উল্লেখ কৰা ভোগসমূহ আগবঢ়াই সন্তুষ্ট কৰিব পাৰে ৷
লচ্চী
ভাং মহাদেৱৰ অতি প্ৰিয় ৷ সেয়েহে মহা শিৱৰাত্ৰিত আপুনি লচ্চীত ভাং মিহলি কৰি মহাদেৱক আগবঢ়াব পাৰে ৷ এনেদৰে ভোগ আগবঢ়ালে মহাদেৱ সন্তুষ্ট হৈ ভক্তসকলক আশীৰ্বাদ দিয়ে ৷
মালপোৱা
এইটো বিশ্বাস কৰা হয় যে ভগৱান শিৱই মালপোৱা খুব ভাল পায় ৷ যদি আপুনি ঘৰত মালপোৱা তৈয়াৰ কৰে, ইয়াত অলপ ভাং মিহলি কৰিব ৷ অৱশ্যে, আপুনি ভাং অবিহনেও মহাদেৱক মালপোৱা আগবঢ়াব পাৰে ৷
হালৱা
মহাশিৱৰাত্ৰিত দিনা হালৱা আগবঢ়ালেও ভগৱান শিৱ সুখী হৈ ভক্তসকলৰ সকলো মনৰ ইচ্ছা পূৰণ কৰে ৷
ভাঙৰ লাৰু
ভগৱান শিৱক সন্তুষ্ট কৰিবলৈ আপুনি মহাশিৱৰাত্ৰিত ভাঙৰ লাৰুও নৈবেদ্য হিচাপে আগবঢ়াব পাৰে ৷ ইয়াৰ বাবে আপুনি লাৰুও সৈতে অলপ ভাং মিহলি কৰি ল'ব ৷
মাখনাৰ পায়স
আপুনি মহাশিৱৰাত্ৰিত ভোগ হিচাপে মহাদেৱক মাখনাৰ পায়সো আগবঢ়াব পাৰে ৷এই পায়সত চাউলৰ সলনি ভজা মাখনা ব্যৱহাৰ কৰিব ৷ এই পায়সৰ সোৱাদ বৃদ্ধি কৰিবলৈ আপুনি ইয়াত কেশৰ আৰু ইলাচীৰ গুৰিও ব্যৱহাৰ কৰিব পাৰে ৷
থাণ্ডাই
এই সকলোবোৰৰ বাহিৰেও ভোলানাথক ভোগ হিচাপে থাণ্ডাই আগবঢ়োৱা হয় ৷ গাখীৰ, চেনি আৰু ভাঙৰ সৈতে আপুনি থাণ্ডাইত কাঠবাদাম, কাজু বাদাম, পিস্তা, চফ গুটি, পপি গুটি, ইলাচী আৰু কেশৰ মিহলি কৰিব লাগিব ৷
লগতে পঢ়ক: Mahashivratri 2023: এইদৰে মহাশিৱৰাত্ৰিত কৰক মহাদেৱৰ আৰাধনা, জীৱন ভৰি পৰিব সুখ-সমৃদ্ধিৰে
