কণমানিৰ জীৱনৰ সৈতে খেলিছে একাংশ বেবী ফুড কোম্পানীয়ে! এই কোম্পানীসমূহে প্ৰস্তুত কৰা বহু শিশুৰ খাদ্যত অধিক পৰিমাণৰ চেনি পোৱা গৈছে ৷ এক নতুন অধ্যয়নত প্ৰকাশ পাইছে যে আমেৰিকাত বিক্ৰী হোৱা শিশুৰ ৬০ শতাংশতকৈ অধিক খাদ্যই বিশ্ব স্বাস্থ্য সংস্থাৰ (WHO) পুষ্টিৰ মানদণ্ড পূৰণ নকৰে আৰু ইয়াৰ ফলত শিশুৰ স্বাস্থ্যৰ ওপৰত প্ৰভাৱ পৰিব পাৰে ৷ আমেৰিকাত বিক্ৰী হোৱা পেকেজড বেবী ফুড, ৰেডি টু ইট খাদ্যকে ধৰি শিশুৰ পুষ্টিৰ অভাৱ ঘটাব পাৰে আৰু ডাঙৰ হোৱাৰ লগে লগে মেদবহুলতা আৰু জীৱনশৈলীৰ কেইবাটাও ৰোগৰ আশংকাত পেলাব পাৰে ৷
অষ্ট্ৰেলিয়াৰ চিকিৎসা গৱেষণা কেন্দ্ৰ জৰ্জ ইনষ্টিটিউট ফৰ গ্ল’বেল হেল্থৰ গৱেষকসকলে ২০২৩ চনৰ মাৰ্চৰ পৰা মে’ৰ ভিতৰত আমেৰিকাৰ প্ৰধান গেলামালৰ দোকানৰ পৰা ক্ৰয় কৰা ৬৫১টা বাণিজ্যিক শিশু খাদ্য সামগ্ৰী পৰীক্ষা কৰিছিল ৷ এই সামগ্ৰীসমূহৰ মূল্যায়নৰ বাবে তেওঁলোকে ইউৰোপৰ বাবে বিশ্ব স্বাস্থ্য সংস্থাৰ আঞ্চলিক কাৰ্যালয়ে স্থাপন কৰা ২০২২ চনৰ পুষ্টি আৰু প্ৰচাৰৰ নিৰ্দেশনা ব্যৱহাৰ কৰিছিল ৷
এই সামগ্ৰীসমূহৰ অধিকাংশই WHOৰ নিৰ্দেশনাৰ অংশ হিচাপে থকা প্ৰ’টিনৰ প্ৰয়োজনীয়তা পূৰণ কৰা নাছিল (৭০ শতাংশ) আৰু ইয়াৰে প্ৰায় আধাই (৪৪ শতাংশ) মুঠ চেনিৰ সীমা অতিক্ৰম কৰিছিল ৷ এই অধ্যয়নত গৱেষকসকলে দেখিলে যে প্ৰতি ৪ টা সামগ্ৰীৰ ভিতৰত ১ টা কেলৰিৰ প্ৰয়োজনীয়তাৰ সৈতে মিল নাছিল আনহাতে ৫ টাৰ ভিতৰত ১ টা সামগ্ৰীয়ে ছডিয়ামৰ মাত্ৰা অতিক্ৰম কৰে ৷
আল্ট্ৰা প্ৰচেছড খাদ্য কি কি ?
এয়া সেই সমূহ খাদ্য যিবোৰত এটাতকৈ অধিক উপাদান থাকে যিবোৰ আপুনি আপোনাৰ পাকঘৰত পোৱা নাযায় ৷ ইয়াত খাদ্য সংযোজক, প্ৰিজাৰ্ভেটিভ, পায়চিইফায়াৰ, মিঠা আৰু কৃত্ৰিম ৰং আৰু সোৱাদ থাকে, যিয়ে বেবী ফুডৰ শেল্ফ লাইফ বৃদ্ধি কৰাত সহায় কৰে ৷ হাৰ্ভাৰ্ড টি এইচ চান স্কুল অৱ পাব্লিক হেল্থৰ গৱেষকসকলে দ্য বি এম জেত প্ৰকাশ কৰা এক অধ্যয়ন অনুসৰি প্ৰচেছড মাংস, চেনিযুক্ত ব্ৰেকফাষ্ট ফুড আৰু চেনিৰ দৰে আল্ট্ৰা প্ৰচেছড খাদ্যৰ অধিক সেৱনে অকাল মৃত্যুৰ সম্ভাৱনা বৃদ্ধি কৰিব পাৰে ৷
শিশুৰ ভাল খাদ্যাভ্যাস আৰু ৰুচিৰ পছন্দ বাচনি কৰাৰ বাবে শৈশৱ এটা গুৰুত্বপূৰ্ণ সময় ৷ নিউট্ৰিচন আলোচনীত প্ৰকাশিত এক গৱেষণাৰ মতে, যিসকল মাতৃয়ে গৰ্ভাৱস্থা আৰু স্তনপানৰ সময়ত স্বাস্থ্যসন্মত খাদ্য গ্ৰহণ কৰে আৰু পিচলৈ পৰিপূৰক খাদ্য গ্ৰহণৰ সময়ত এই খাদ্যসমূহ সন্তানক খাবলৈ দিয়ে, তেওঁলোকে নিজৰ সন্তান আৰু পৰিয়ালত স্বাস্থ্যসন্মত খাদ্যাভ্যাসক প্ৰসাৰিত কৰে ৷
বিশেষজ্ঞসকলে কি কয় ?
দ্য জৰ্জ ইনষ্টিটিউটৰ গৱেষক তথা নৰ্থ কেৰ’লিনা বিশ্ববিদ্যালয়ৰ পুষ্টি বিভাগৰ সহকাৰী অধ্যাপিকা ডাঃ এলিজাবেথ ডানফৰ্ডে কয় যে, প্ৰাথমিক শৈশৱ দ্ৰুত বৃদ্ধিৰ এক জটিল সময় আৰু যেতিয়া খাদ্যাভ্যাস গঠন হয় যিয়ে মেদবহুলতা, ডায়েবেটিছৰ সৃষ্টি কৰিব পাৰে, আৰু পিচৰ জীৱনত আন কিছুমান ৰোগে কেন্সাৰৰ দৰে দীৰ্ঘদিনীয়া ৰোগৰ বিকাশৰ পথ প্ৰশস্ত কৰিব পাৰে ৷
নৱজাত শিশুৰ বাবে শৰ্কৰা কিয় ইমান বিপজ্জনক?
জীৱনৰ আৰম্ভণিতে অত্যধিক চেনি সেৱনে ভৱিষ্যতে সমস্যাৰ সৃষ্টি কৰিব পাৰে ৷ যদি শিশুৱে নিজৰ গোটেই শৈশৱত চেনিযুক্ত খাদ্যয়ে খায় তেন্তে তেওঁলোকে মিঠা সোৱাদৰ প্ৰতি পছন্দ গঢ়ি তুলিব পাৰে, যিটো পিছলৈ মেদবহুলতা আৰু অন্যান্য বিপাকীয় সমস্যা যেনে টাইপ ২ ডায়েবেটিছ, উচ্চ ৰক্তচাপ আৰু হৃদৰোগৰ কাৰণ হ’ব পাৰে ৷ সেয়েহে সদায় শিশুৰ বাবে কোনো খাদ্য বজাৰৰ পৰা ক্ৰয় কৰাৰ পূৰ্বে তাত থকা সামগ্ৰীসমূহৰ সঠিক তথ্য লাভ কৰাৰ পিচতহে গ্ৰহণ কৰা উচিত ৷
