গুৱাহাটী, 6 ছেপ্টেম্বৰ: কাইলৈ অতি উলহ-মালহেৰে সমগ্ৰ দেশতে উদযাপন কৰা হ’ব গণেশ চতুৰ্থী । দেশৰ প্ৰান্তে প্ৰান্তে আৰাধনা কৰা হ'ব শিৱ-পাৰ্বতী তনয় গণেশক ৷ সমগ্ৰ ভাৰতৰ লগতে অসমৰ ভিন্ন স্থানতো সিদ্ধিদাতাৰ পূজাৰ ব্যাপক আয়োজন কৰা হৈছে ৷ হিন্দু ধৰ্মৰ বিশ্বাস অনুসৰি দেৱ-দেৱীসকলতকৈ আগেয়ে অৰ্থাৎ যিকোনো দেৱ-দেৱীৰ পূজাৰ আগতে প্ৰথমে বিঘ্নহৰ্তাৰ পূজা কৰা হয় । ইফালে গুৱাহাটী মহানগৰীৰ লতাশিলতো গণেশ দেৱতাক আদৰাৰ প্ৰস্তুতি ইতিমধ্যে সম্পূৰ্ণ হৈছে ৷
ইফালে, ৰাজ্যৰ ভিন্ন প্ৰান্তত এতিয়া বিঘিনি নাশক গণেশক আদৰিবলৈ প্ৰস্তুতি ইতিমধ্যে সম্পূৰ্ণ হৈছে ৷ কাইলৈ ৰাজ্য প্ৰতিটো প্ৰান্তৰ মন্দিৰ তথা ভিন্ন স্থানত গণেশৰ মন্ত্ৰোচ্চাৰনেৰে মুখৰ হৈ পৰিব । সেয়ে এনে ক্ষেত্ৰত কাইলৈৰ দিনটোত কিদৰে সিদ্ধিদাতা গণেশক পূজা অৰ্চনা কৰিব জানি লওক-
১/গণেশ চতুৰ্থীৰ দিনটোত গণেশক আৰাধনা কৰিলে সৌভাগ্য হয় । মনৰ কামনা পূৰণ হয় । গণেশ চতুৰ্থীৰ দিনটোত এপাহ ফুল দি আৰাধনা কৰিলেও মনৰ কামনা পূৰ্ণ হয় ।
২/ গণেশ চতুৰ্থীৰ দিনটোত ঘৰটো গণেশক আৰাধনা কৰিব ফল পাব পাৰে । গণেশ চতুৰ্থীৰ দিনটোত ঘৰটো যদি গণেশ পূজা কৰা হ'লে ধন সম্পদ , ঐশ্বয্য ,বিভূতি সকলোখিনিৰে নদন বদন হৈ পৰে ।
৩/ গণেশ চতুৰ্থীৰ দিনটোত গণেশ মন্দিৰলৈ গৈ অথবা ঘৰতে গণেশৰ মূৰ্তিৰ ওচৰত একান্ত মনে পূজা কৰিব পাৰে । সিদ্ধিদাতা গণেশক ভোগ হিচাপে পায়স, গণেশৰ প্ৰিয় খাদ্য বুন্দিয়া লাৰু আগবঢ়াব পাৰে । বুন্দিয়া লাৰু হৈছে মহাভোগ । এই ভোগ আগবঢ়ালে মনৰ কামনা পূৰ্ণ হয় বুলি বিশ্বাস আছে ।
৪/ গণেশ চতুৰ্থীৰ দিনটোত ছাত্ৰ-ছাত্ৰীসকলেও যদি গণেশক আৰধনা কৰে তেন্তে জ্ঞান বৃদ্ধি হয় । গণেশক আৰধনা কৰিলে সৰ্বকাৰ্য সিদ্ধি হয় ।
৫/ আজি আবেলি ৪.৩৮ বজাৰ পৰা শনিবাৰে ৩.২৩ বজালৈ গণেশ চতুৰ্থীৰ তিথি থাকিব । শনিবাৰে পুৱা ১০- ১২ বজালৈ গণেশৰ আৰধনা কৰাটো উত্তম সময় । এই সৌভাগ্য তিথিৰ ভিতৰত আপুনি গণেশক যি বিচাৰে তেওঁ সন্তুষ্ট হৈ সেই ফলেই আগবঢ়ায় ।
৬/ গণেশ চতুৰ্থীৰ দিনটো উপবাসে থাকি পূজা শেষ হোৱাৰ পিছত প্ৰসাদ খাই উপবাস ভাঙিব পাৰে । তাৰ পিছত নিৰামিষ আহাৰ গ্ৰহণ কৰিব পাৰে ।
