কিশোৰসকলৰ বাবে শালমইনা সততে দেখা এক সমস্যা । হৰম’নৰ পৰিৱৰ্তনৰ বাবে কৈশোৰ অৱস্থাত শালমইনা হয় ৷ শালমইনা সাধাৰণতে মুখত দেখা যায় যদিও কিছু লোকৰ পিঠি, বুকু আৰু কান্ধতো ওলোৱা দেখা যায় ৷ এই শালমইনাৰ ফলত বহুত বিষ অনুভৱ কৰিবলগীয়া হয় ৷ সেইবাবে আমি আজি আপোনালোকলৈ লৈ আহিছো এনে টিপছ, যাৰ জড়িয়তে আপুনি শালমইনাৰ বিষৰ পৰা পৰিত্ৰাণ পাব পাৰিব...
মুখখন পৰিষ্কাৰ কৰি ৰাখক :
দিনত দুবাৰকৈ মুখ ধুব । ই ছালৰ তৈলাক্ততা হ্ৰাস কৰে । মৃত কোষবোৰ নোহোৱা হয় । অৱশ্যে আপোনাৰ মুখখন সঘনাই ধোৱে তেনেহ’লে, ই ভালতকৈ বেছি ক্ষতিহে কৰিব । কঠোৰ চাবোনে ছালৰ খজুৱতি কৰিব পাৰে । ডাঠ চাবোন ব্যৱহাৰ নকৰিব । টাৱেলেৰে জোৰেৰে মুখ ঘঁহিব নালাগে । কোমল টাৱেলেৰে মুখ মচিব ৷
শালমইনাবোৰ নুফুটাব :
সঘনাই মুখ স্পৰ্শ কৰিলে হাতৰ পৰা বেক্টেৰিয়া বিয়পিব পাৰে । ইতিমধ্যে আপোনাক ফুলি থকা ছালখনে অশান্তি কৰি থাকে ৷ শলমইনাবোৰ খজুৱাব অথবা টিপিব নালাগে ৷ ই বেক্টেৰিয়াক আৰু প্ৰৱেশ কৰি অধিক সংক্ৰমণ কৰিবলৈ সুবিধা কৰি দিয়ে ৷
মলম :
ফাৰ্মচীত উপলব্ধ মলমবোৰ শালমইনা হ্ৰাস কৰিবলৈ ব্যৱহাৰ কৰিব পাৰি । ইয়াৰে বেছিভাগতে বেঞ্জাইল পেৰোক্সাইড, চেলিচিলিক এচিড, গ্লাইকলিক এচিড আৰু লেক্টিক এচিড থাকে । এইবোৰে বেক্টেৰিয়া ধ্বংস কৰে । প্ৰথম অৱস্থাতেই এইসমূহ লগাব লাগে ৷ মলমৰ প্ৰতিক্ৰিয়াৰ ওপৰত নিৰ্ভৰ কৰিহে মলম ব্যৱহাৰ কৰক ৷
মেক-আপৰ প্ৰতি সাৱধান হ'ব:
ৰাতি শোৱাৰ আগত মেক আপ পৰিস্কাৰ কৰি শুৱক ৷ সম্ভৱ হ'লে তেলমুক্ত প্ৰসাধন ব্যৱহাৰ কৰিব ।
চেম্পুৰে মূৰ ধোৱক :
আপোনাৰ মূৰৰ ছালৰ তেলে আপোনাৰ কপাল স্পৰ্শ কৰিব পাৰে ফলত শালমইনা হোৱাৰ সম্ভাৱনা অধিক । কিছু শালমইনা আকাৰত ডাঙৰ হয় । গতিকে মৃদু চেম্পুৰে পৰিস্কাৰকৈ গা ধোৱক ৷ মূৰৰ ছালত তেল প্ৰয়োগ নকৰিব । ই মুখমণ্ডললৈ বিয়পি আহিব পাৰে ৷ আৰু ছালৰ ছিদ্ৰবোৰ বন্ধ কৰি দিয়ে ৷ যদি আপোনাৰ দীঘল চুলি আছে, নিশ্চিত কৰিব যে চুলি আপোনাৰ মুখত নপৰে ৷
চানবাৰ্ণ হ’বলৈ নিদিব :
সূৰ্যৰ পৰা অতি-বেঙুনীয়া ৰশ্মিৰ ফলত আপোনাৰ ছাল দহি পেলোৱাৰ লগতে ছাল ৰঙা পেলাব পাৰে ৷ শালমইনা ৰোধ কৰিবলৈ ব্যৱহাৰ কৰা কিছু ঔষধে সূৰ্যৰ তাপত অত্যাধিক প্ৰতিক্ৰিয়া কৰে । যিমান পাৰে সূৰ্যৰ তাপৰ পৰা মুখখন ঢাকি ৰাখক ৷ বিশেষকৈ পুৱা 10 বজাৰ পৰা আবেলি 4 বজাৰ ভিতৰত, অধিক সাৱধানতাৰ প্ৰয়োজন । ৰ'দত বাহিৰলৈ যাওঁতে চানস্ক্ৰীণ তথা লোশ্যন প্ৰয়োগ কৰিব ৷
খাদ্য:
চৰ্বিযুক্ত খাদ্য হ্ৰাস কৰিব লাগে । সতেজ পাচলি আৰু ফল খাব । দুগ্ধজাত সামগ্ৰী আৰু মিঠাই নাখাব ৷ সেইবোৰে ব্ৰেকআউট আৰম্ভ কৰিব পাৰে । গতিকে এই ক্ষেত্ৰত সাৱধানতাৰ প্ৰয়োজন ৷
দৈনিক ব্যায়াম:
দৈনিক ব্যায়াম কৰিলে ছালৰ লগতে শৰীৰটো স্বাস্থ্যৱান কৰি ৰখাত সহায় কৰে । ব্যায়াম কৰাৰ পিচত গা ধুবলৈ নাপাহৰিব ৷
মানসিক শান্তি :
কিছুমান অধ্যয়নে পৰামৰ্শ দিয়ে যে মানসিক চাপৰ ফলত শালমইনা হ'ব পাৰে । গতিকে মানসিক শান্তিৰ বাবে চেষ্টা কৰক । যোগ আৰু ধ্যান ইয়াৰ বাবে উপযোগী ৷
