ইয়াৰবাডত গান শুনি ভাল পায় নেকি ? তেন্তে আপুনি ভুগিব পাৰে এই সমস্যাত - Earbuds Side Effects

Earbuds Side Effects: বৰ্তমান সময়ত ৰাজপথত, ৰে’লত, অফিচত, বাছৰ ভিতৰত সকলোতে কাণত ইয়াৰবাড পিন্ধা মানুহ দেখিবলৈ পোৱা যাব । কিন্তু সকলো সময়তে ইয়াৰবাড ব্যৱহাৰ কৰাটো আপোনাৰ কাণ তথা শৰীৰৰ বাবে ভাল নহয় । ইয়াৰ ফলত কাণৰ ক্ষতি হোৱাই নহয় বৰঞ্চ আপুনি আপোনাৰ শ্ৰৱণ ক্ষমতাও হেৰুৱাব পাৰে । যদি আপোনাৰ মনত প্ৰশ্ন আহি আছে যে ই কাণৰ কেনেকৈ ক্ষতি কৰিব পাৰে তেন্তে পঢ়ক এই সম্পূৰ্ণ প্ৰতিবেদন-

সঁচৰাচৰ দৈনন্দিন জীৱনত আমি ইয়াৰফোন খুব ব্যৱহাৰ কৰো ৷ গাড়ীত যাওতে, কাৰোবাৰ সৈতে কথা পতাৰ সময়ত ইয়াৰফোন নহ’লে বহুলোকে থাকিবই নোৱাৰে ৷ যেন লাহে লাহে ই এক অভ্যাসলৈ পৰিণত হৈছে ৷ আমাৰ মাজত এনে বহুলোক আছে যিয়ে খুব উচ্চ স্বৰত ইয়াৰফোনত গান শুনি ভাল পায় কিন্তু আপুনি জানেনে যে ইয়াৰ ফলত আপুনি চিৰদিনৰ বাবে আপোনাৰ শ্ৰৱণ শক্তি হেৰুৱাবও পাৰে ? শুনি হয়তো আচৰিত লাগিছে নহয়! কিন্তু বহু গৱেষণাত এটা প্ৰমাণিতও হৈছে যে যদি আমি খুব বেছি ভলিউম বঢ়াই গান শুনো বা কথা পাতো তেন্তে ই আমাৰ শ্ৰৱণ শক্তিক বাৰুকৈয়ে ক্ষতিগ্ৰস্ত কৰিব পাৰে ৷

ইয়াৰবাডত গান শুনি ভাল পায় নেকি ? তেন্তে আপুনি ভুগিব পাৰে এই সমস্যাত (ETV Bharat)

গৱেষণা অনুসৰি ইয়াৰফোনত উচ্চস্বৰত সংগীত শুনিলে কাণৰ চুলিৰ কোষৰ(hair cells) ক্ষতি কৰিব পাৰে যাৰ ফলত আপুনি আপোনাৰ শ্ৰৱণ ক্ষমতা চিৰদিনৰ বাবে হেৰুৱাবও পাৰে ৷ লগতে টিনিটাছৰ(Tinnitus) সমস্যাও হ’ব পাৰে ৷

টিনিটাছ হ’লে সাধাৰণতে অনবৰতে কাণত শব্দ বাজি থকা, গুঞ্জন, কাণত ক্লিক কৰা শব্দই শুনিবলৈ পোৱা যায় ।

View this post on Instagram

A post shared by Zack D. Films (@zackdfilms)

ইয়াৰফোনৰ অত্যধিক ব্যৱহাৰৰ ফলত শ্ৰৱণ ক্ষমতাৰ সমস্যা, সংক্ৰমণ আৰু কাণৰ বিষৰ সমস্যাই দেখা দিব পাৰে ৷ ইয়াৰ পৰা হাত সাৰিবলৈ আপুনি তলত উল্লেখিত কিছুমান ব্যৱস্থা আপোনাৰ বাবে ফলপ্ৰসূ হ’ব পাৰে-

1. ইয়াৰফোনত উচ্চস্বৰত সংগীত শুনিলে কাণৰ ড্ৰামৰ ক্ষতি হয় আৰু লগতে শ্ৰৱণ ক্ষমতাও কমি যায় ৷ যদি আপুনি ইয়াৰফোন ব্যৱহাৰ কৰিছে তেন্তে গেজেটৰ ভলিউম মাত্ৰ ৪০ শতাংশহে ৰাখক ৷
2. যদি আপুনি ইয়াৰফোন পিন্ধি ঘণ্টাৰ পিচত ঘণ্টা কাম কৰিবলগীয়া হয় তেন্তে প্ৰতি ঘণ্টাৰ পিচত ৫-১০ মিনিট আঁতৰাই কাণ দুখনক অলপ জিৰণি দিয়ক ৷
   

   ইয়াৰবাডত গান শুনি ভাল পায় নেকি ? তেন্তে আপুনি ভুগিব পাৰে এই সমস্যাত (ETV Bharat)
3. আজিকালি ইয়াৰফোন কাণৰ গভীৰতালৈ যায়, যাৰ ফলত ইয়াক সঠিকভাৱে পৰিষ্কাৰ নকৰিলে সংক্ৰমণৰ সম্ভাৱনা বৃদ্ধি পাব পাৰে ৷ গতিকে ইয়াৰফোন ব্যৱহাৰ কৰাৰ পূৰ্বে চেনিটাইজাৰেৰে পৰিষ্কাৰ কৰিবলৈ নাপাহৰিব ৷
4. অনলাইন মিটিঙত ইয়াৰফোনৰ সলনি হেডফোন ব্যৱহাৰ কৰক ৷ ইয়াৰ ফলত আপোনাৰ কাণ দুখনে সকাহ পাব আৰু সংক্ৰমণৰ কোনো সম্ভাৱনা নাথাকে৷
5. যদি কামটো এনেকুৱা হয় যে অফিচৰ সময়ৰ পিচতো ফোনত কথা পতাটো প্ৰয়োজনীয় হয়, তেন্তে ইয়াৰফোন বা মোবাইল ফোন কাণত লৈ কথা পতাৰ সলনি মোবাইলটো স্পীকাৰত ৰাখি কথা পাতক ৷
   

   ইয়াৰবাডত গান শুনি ভাল পায় নেকি ? তেন্তে আপুনি ভুগিব পাৰে এই সমস্যাত (ETV Bharat)
6. সদায় কেৱল ভাল কোম্পানীৰ ইয়াৰফোন ব্যৱহাৰ কৰিবলৈ চেষ্টা কৰক ৷ ইয়াৰ লগতে নিশ্চিত হওক যে ইয়াৰফোনৰ আকাৰ এনেকুৱা হোৱা উচিত যাতে ইয়াক পিন্ধিলে কাণত কোনো ধৰণৰ বিষ নহয় ৷
7. ভ্ৰমণৰ সময়ত মানুহে হাল্লা-অতিপাত শব্দৰ পৰা হাত সাৰিবলৈ ইয়াৰফোনত উচ্চস্বৰত গান শুনিবলৈ আৰম্ভ কৰে ৷ ইয়াৰ ফলত বাহ্যিক শব্দৰ পৰা ৰক্ষা পৰে যদিও ইয়াৰফোনৰ জৰিয়তে ওচৰৰ শব্দই কাণৰ অধিক ক্ষতিসাধন কৰে ৷

https://www.ncbi.nlm.nih.gov/pmc/articles/PMC8772443/

লগতে পঢ়ক: Earphones Side Effects : আনৰ Earphones ব্যৱহাৰ কৰি শ্ৰৱণ শক্তি হেৰুৱালে এজন যুৱকে, আপুনিও বেলেগৰ Earphones ব্যৱহাৰ কৰে নেকি ?