বজাৰৰ ৰঙক যাব পাহৰি যেতিয়া আপুনি নিজেই প্ৰস্তুত কৰিব এই প্ৰাকৃতিক ৰং - Homemade Holi colors

Homemade Holi colors: সদায় কোৱা হয় যে ৰঙত থকা ৰাসায়নিক পদাৰ্থ আমাৰ ছাল আৰু চুলিৰ বাবে ক্ষতিকাৰক বুলি প্ৰমাণিত হ’ব পাৰে ৷ সেয়েহে প্ৰাকৃতিক ৰঙেৰে হোলী খেলা উচিত ৷ সেয়ে তলত উল্লেখিত এইসমূহ উপায়েৰে আপুনিও ঘৰতে ফুল আৰু শাক-পাচলিৰ পৰা প্ৰাকৃতিক হোলীৰ ৰং তৈয়াৰ কৰিব পাৰে ৷

ৰং অবিহনে হোলী উৎসৱ জানো সম্পূৰ্ণ ? ৰঙৰ উৎসৱ ফাকুৱাৰ আগমণৰ লগে লগে বজাৰসমূহ ভৰি পৰে নানান ৰঙেৰে ৷ কিন্তু এই ৰং আপোনাৰ ছালৰ বাবে কিমান গ্ৰহণযোগ্য ? বজাৰত উপলব্ধ ৰঙত থকা ৰাসায়নিক পদাৰ্থই মানুহৰ ছাল আৰু চুলিৰ বাবে ক্ষতিকাৰক বুলি প্ৰমাণিত হ'ব পাৰে বুলিও কোৱা হয় ৷ ইয়াৰ ফলত ছালৰ লগত জড়িত সমস্যা যেনে ৰঙা পৰা, খজুৱতি, ফুলা আৰু... ছাল শুকান হোৱাৰ দৰে সমস্যা হ’ব পাৰে আৰু চুলিও শুকান হ’ব পাৰে ৷ এনে পৰিস্থিতিত হোলী খেলাৰ আগতে ছাল আৰু চুলি সুৰক্ষিত কৰাটো অতি প্ৰয়োজনীয় ৷ কিন্তু প্ৰাকৃতিক ৰঙেৰে হোলী খেলাটোৱেই উত্তম হ’ব ৷

বজাৰৰ ৰঙক যাব পাহৰি যেতিয়া আপুনি নিজেই প্ৰস্তুত কৰিব এই প্ৰাকৃতিক ৰং

আপুনি ঘৰতে ফুল আৰু আনকি শাক-পাচলিৰ পৰাও প্ৰাকৃতিক ৰং বনাব পাৰে ৷ ইয়াৰ ফলত আপোনাৰ কোনো ক্ষতি নহ'ব ৷ লগতে ৰং আঁতৰোৱাত কোনো সমস্যা নহ'ব ৷ ঘৰতে ৰং কেনেকৈ বনাব পাৰি জানো আহক-

গোলাপ ফুলৰ পৰা ৰং

মিক্সাৰত শুকান গোলাপৰ পাহি মিহিকৈ পিহি লওক ৷ ইয়াৰ পিছত এটা বাটিত গোলাপ ফুলৰ পেষ্ট,চন্দন আৰু শুকান আটা ভালদৰে মিহলাই লওক ৷ গোলাপী ৰং হোলী খেলিবলৈ সাজু হয় ৷

হালধিৰ পৰা হালধীয়া ৰং

হালধিক ছালৰ বাবে উপকাৰী বুলি গণ্য কৰা হয় ৷ গতিকে এই হোলীত ছালৰ যত্ন ল'বলৈ ইয়াৰ পৰা ৰং বনাব নালাগে কিয় ৷ ইয়াৰ বাবে হালধি এটুকুৰা লৈ তাত চৰণীয়া আটা মিহলাই লওক ৷ এইদৰে আপুনি হালধীয়া ৰং বনাব পাৰে ৷

বজাৰৰ ৰঙক যাব পাহৰি যেতিয়া আপুনি নিজেই প্ৰস্তুত কৰিব এই প্ৰাকৃতিক ৰং

পালেঙৰ পৰা সেউজীয়া ৰং

হোলী খেলাৰ বাবে সেউজীয়া ৰং বনাবলৈ পালেং আৰু ধনীয়াৰ পাত শুকুৱাই মিক্সাৰত পিহিব লাগে ৷ ইচ্ছা থাকিলে নিম পাতো ব্যৱহাৰ কৰিব পাৰে ৷ এনেদৰে জৈৱিক সেউজীয়া ৰং আপুনি অতি সহজে প্ৰস্তুত কৰিব পাৰে ৷

নাৰ্জি ফুলৰ পৰা কমলা ৰং

ঘৰতে কমলাৰ ৰং বনাবলৈ শুকান নাৰ্জি ফুল মিক্সাৰত পিচি লওক ৷ ইচ্ছা থাকিলে কমলাৰ বাকলি ৰ’দত শুকুৱাই তাৰ পিচত পিহিও কমলা ৰং বনাব পাৰে ৷

বিটৰ পৰা ৰঙা ৰং

বেছিভাগ মানুহেই ৰঙা ৰং বৰ ভাল পায় ৷ এনে পৰিস্থিতিত ঘৰতে ৰঙা ৰং বনাবলৈ বিট ভালদৰে ধুই শুকুৱাই লোৱাৰ পিছত পিহি তাৰ পৰা ৰং বনাব পাৰে ৷

লগতে পঢ়ক: হৰম’নে আমাৰ শৰীৰত কেনেদৰে কাম কৰে ? ইয়াৰ অভাৱ বা অতিৰিক্ততা হ’ব পাৰে ক্ষতিকাৰক