অকালতে চুলি সৰা এতিয়াৰ দিনত এটা সাধাৰণ সমস্যাত পৰিণত হৈছে । আজিকালি বেছিভাগ মানুহেই এই সমস্যাত ভূগিছে । আপোনাৰ চুলি সদায় ভাল হৈ থাকিবলৈ আৰু অকালতে সৰি নাযাবলৈ কি কি সাৱধানতা অৱলম্বন কৰিব লাগে জানি লওক ৷ আয়ুৰ্বেদিক চিকিৎসক অংকিত নামদেৱৰ পৰামৰ্শ অনুসৰি আপোনালোকলৈ আগবঢ়াইছো চুলি সদায় সুস্থ হৈ থকাৰ বাবে কি কি কথা মনত ৰাখিব লাগে ।
আগৰ দিনত চুলিৰ স্বাস্থ্যক লৈ অতি কম সংখ্যক লোকেহে চিন্তা কৰিব লগা হৈছিল যদিও আজিকালি প্ৰতি তৃতীয়জন ব্যক্তিয়ে চুলিৰ সমস্যাত ভূগিছে, বিশেষকৈ অকালতে চুলি সৰাৰ বাবে চিন্তিত হৈ পৰিছে । এতিয়াৰ সময়ত ই এক ডাঙৰ সমস্যা । বহুতে বিভিন্ন ধৰণৰ চিকিৎসা গ্ৰহণ কৰিছে, কিন্তু সেইমতে সুফল লাভ কৰা নাই ৷ বহুতে আনকি অকালতে চুলি সৰি পৰাৰ পিচত মূৰত চুলি ঘূৰাই পোৱাৰ বাবেও চিকিৎসা গ্ৰহণ কৰিছে । আয়ুৰ্বেদিক চিকিৎসক অংকিত নামদেৱৰ মতে, চুলি সৰা ৰোধ কৰিবলৈ কিছুমান সৰু সৰু কথা মনত ৰাখিব লাগে ।
বয়সৰ আগতে চুলি কিয় সৰে ?
আয়ুৰ্বেদৰ চিকিৎসক অংকিত নামদেৱে ব্যাখ্যা কৰে, ‘চুলি সৰাৰ সমস্যাটো নিজেই এক ডাঙৰ সমস্যা আৰু ইয়াৰ এক ক্ষেত্ৰও বিকশিত হৈছে যাক আমি ট্ৰেকিঅ'লজী বুলি কওঁ । ইয়াত চুলিৰ ওপৰত সম্পূৰ্ণ অধ্যয়ন কৰা হয় আৰু চুলিৰ বিভিন্ন সমস্যাৰ কাৰণ আৰু ইয়াৰ চিকিৎসাৰ এক সম্পূৰ্ণ প্ৰণালী ইয়াত আছে । সাধাৰণতে, কম বয়সতে চুলি সৰাৰ মুখ্য কাৰণ হৈছে হৰ্মোনেল ভাৰসাম্যহীনতা, দ্বিতীয়টো কাৰণ হৈছে মাইক্ৰ'নিউট্ৰিয়েণ্টৰ অভাৱ আৰু তৃতীয়টো কাৰণ হৈছে চাপ । চুলিৰ বাবে যিকোনো শ্বেম্পু ব্যৱহাৰ কৰা, অপ্ৰয়োজনীয়ভাৱে চুলিৰ চিকিৎসা কৰা, চুলিত ৰং কৰা এই সকলোবোৰেই চুলি সৰাৰ বাবে দায়ী ।’
চুলিৰ যত্ন আৰু পুষ্টি গুৰুত্বপূৰ্ণ
আয়ুৰ্বেদৰ চিকিৎসক অংকিত নামদেৱে ব্যাখ্যা কৰে, ‘চুলিৰ যত্ন লোৱাটো গুৰুত্বপূৰ্ণ আৰু চুলিক সঠিক পুষ্টি প্ৰদান কৰাটোও প্ৰয়োজনীয় । প্ৰথমে আমি বুজিব লাগিব যে কেৱল তেল প্ৰয়োগ কৰি বা শ্বেম্পু প্ৰয়োগ কৰি চুলি সৰা প্ৰতিহত কৰিব নোৱাৰি । আমি এনে এক সম্পূৰ্ণ ৰুটিন নিৰ্ধাৰণ কৰিব লাগিব যি এক আদৰ্শ ৰুটিন হ'ব লাগে, তেতিয়াহে মূৰৰ চুলি স্বাস্থ্যৱান হৈ থাকে । আপুনি আপোনাৰ শৰীৰৰ আভ্যন্তৰীণ দুৰ্বলতা দূৰ নকৰিলে কোনো ক্ৰীম, তেল, কোনো শ্বেম্পুয়ে আপোনাৰ চুলিক প্ৰাকৃতিক সৌন্দৰ্য দিব নোৱাৰে । সেয়েহে, আভ্যন্তৰীণ দুৰ্বলতা আৰু শাৰীৰিক দুৰ্বলতা সংশোধন কৰাটোও চুলিৰ চিকিৎসাৰ এক অংশ ।’
দৈনন্দিন কাম-কাজৰ লগত খাদ্যাভ্যাস সুষম কৰি ৰাখক
আয়ুৰ্বেদৰ চিকিৎসক অংকিত নামদেৱে ব্যাখ্যা কৰিছে যে সকলোৰে দৈনন্দিন ৰুটিন শুদ্ধ হ'ব লাগে ৷ ইয়াৰ লগতে সকলোৰে খাদ্যাভ্যাস সুষম হ'ব লাগে আৰু কঠোৰ ৰাসায়নিক পদাৰ্থৰ ব্যৱহাৰ কম পৰিমাণে হ’ব লাগে । একেদৰে দৈনিক মাইক্ৰ'নিউট্ৰিয়েণ্ট চুলিয়ে পাব লাগে । চুলিৰ মইশ্ব’ৰাইজিং, চুলিত তেল লগোৱা আদি কাম মাজে মাজে কৰি থাকিব লাগে । যদি আপুনি চুলিৰ কিবা চিকিৎসা লয়, তেন্তে নিশ্চয় ইয়াৰ কাৰণ থাকিব ৷ সেই কাৰণে বিশেষজ্ঞৰ পৰামৰ্শ ল’ব লাগে আৰু সেই পৰামৰ্শৰ ভিত্তিতহে চিকিৎসা কৰাব লাগে, তেতিয়াহে চুলি সৰা বন্ধ হ’ব ।’
লগতে পঢ়ক : আপোনাৰ চুলিৰ বাবে খুবেই জৰুৰী এই প্ৰ’টিন : ইয়াৰ অভাৱ হ’লে হৈ পৰিব তপা - Protein For Hair
