মাহেকীয়াৰ সময়ত পেটৰ বিষ স্বাভাৱিক যদিও এই বিষে বাৰুকৈয়ে যন্ত্ৰণা দিয়ে ৷ এই কেইদিনত তলপেটৰ বিষৰ লগতে মেজাজ সলনি হোৱা আৰু হতাশা অনুভৱ কৰাটোও স্বাভাৱিক ৷ কিন্তু, মাহেকীয়াৰ সময়ত সঠিক পুষ্টি গ্ৰহণ কৰি আপুনি এই সমস্যাৰ পৰা হাত সাৰি থাকিব পাৰে ৷ হয়, এই দিনকেইটাত শৰীৰটোক সক্ৰিয় তথা সুস্থ কৰি ৰাখিবলৈ আপুনি আপোনাৰ খাদ্য তালিকা সলনি কৰিব লাগিব ৷ মাহেকীয়াৰ দিনত খাদ্য তালিকাত অন্তৰ্ভূক্ত কৰিবলগীয়া খাদ্যসমূহ হৈছে-
কাঠবাদাম
আন দিনৰ লগতে মাহেকীয়াৰ দিনকেইটাটো প্ৰতিদিনে এমুঠি কাঠবাদাম খাবলৈ ল'ব ৷ কাঠবাদামৰ পৰা শৰীৰে ভিটামিন বি৬, প্ৰ'টিন, আঁহ আৰু আন বহুতো খনিজ প্ৰাপ্ত কৰে ৷ যাৰ ফলত মাহেকীয়াৰ সময়ত লাগতিয়াল পুষ্টি লাভ কৰি শৰীৰটোক সুস্থ কৰি ৰাখে ৷ ৷
নেমু বা আমলখিৰ ৰস
এই দিনকেইটাত চাহ, ঠাণ্ডা পানীয় খোৱাৰ সলনি এগিলাচ আমলখি ৰস বা নেমুৰ ৰস খাব ৷ ই শৰীৰক ভিটামিন চি প্ৰদান কৰে, যি আইৰণ আৰু খনিজ পদাৰ্থ শোষণ কৰাত অধিক সহায় কৰে ৷
দৈ বা বাটাৰমিল্ক
প্ৰতিদিনে এটা বাটি দৈ বা এগিলাচ বাটাৰমিল্কে শৰীৰৰ ভাল বেক্টেৰিয়া বৃদ্ধি কৰাত সহায় কৰে ৷ ই শৰীৰক ভিটামিন বি আৰু কেলচিয়াম প্ৰদান কৰাত সহায় কৰে, যি ঋতুস্ৰাৱৰ বিষ নিয়ন্ত্ৰণ কৰাত অধিক সহায় কৰে ৷
প্ৰতিদিনে এবিধ সতেজ ফল
আমি দৈনিক কমেও এটা সতেজ ফল খাব লাগে ৷ কল হওঁক বা মধুৰিআম হওঁক, আমি পুষ্টিগত লাভালাভ প্ৰাপ্ত কৰিবলৈ এটা ঋতুগত ফল খোৱাৰ ক্ষেত্ৰত গুৰুত্ব দিয়া উচিত ৷
খেজুৰ-ক'লা কিচমিচ
খেজুৰ বা ক'লা কিচমিচ খোৱাটোৱে ঋতুস্ৰাৱৰ বিষৰ লক্ষণবোৰ নিয়ন্ত্ৰণ কৰাত সহায় কৰে ৷ ই মাহেকীয়াৰ দিনকেইটাত শৰীৰটোক সুস্থিৰ কৰি ৰখাত সহায় কৰে ৷
ৰাগিৰ লাৰু
এই দিনকেইটাত বিস্কুট খোৱাৰ পৰিৱৰ্তে ৰাগিৰ লাড়ু খাব ৷ এটা ৰাগিৰ লাড়ুয়ে আপোনাৰ শৰীৰক লাগতিয়াল কেলচিয়াম, আইৰণ, ভিটামিন বি আৰু প্ৰ'টিনৰ দৈনিক পালি প্ৰদান কৰিব ৷ যাৰ ফলত পেটৰ বিষ হ্ৰাস আৰু শৰীৰটো সক্ৰিয় হৈ থাকিব ৷
https://www.healthline.com/health/womens-health/what-to-eat-during-period#foods-to-eat
