ওজন কমাব বিচাৰে নেকি ? কিন্তু ব্ৰেকফাষ্ট ত্য়াগ কৰাটো ইয়াৰ সমাধান নহয়! বৰঞ্চ স্বাস্থ্যসন্মত ব্ৰেকফাষ্টে আপোনাৰ চৰ্বি কম কৰাত সহায় কৰিব পাৰে ৷ দৰাচলতে স্বাস্থ্যসন্মত আৰু পুষ্টিকৰ ব্ৰেকফাষ্টে আপোনাক গোটেই দিনটো শক্তি প্ৰদান কৰাই নহয় বৰঞ্চ আপোনাৰ ওজন কমোৱাটো সহায় কৰিব পাৰে ৷ ইয়াৰ ফলত আপোনাৰ পেটটো দীৰ্ঘময়লৈকে ভৰাই ৰখাত সহায় কৰে আৰু আপুনি অস্বাস্থ্যকৰ বস্তু খোৱাৰ পৰা বিৰত থাকে ৷
পুৱাৰ ব্ৰেকফাষ্টৰ এনে ৫টা বিকল্পৰ বিষয়ে আমাক জনাওক যিবোৰ সুস্বাদু হোৱাৰ উপৰিও ওজন কমাবলৈও সহায় কৰিব পাৰে-
অটচ
অটচত প্ৰচুৰ পৰিমাণে আঁহ আৰু প্ৰ’টিন থাকে, যাৰ ফলত আপুনি দীৰ্ঘ সময়লৈকে সন্তুষ্ট হৈ থাকে ৷ ইয়াৰ উপৰিও ইয়াত কেলৰি কম থাকে ৷ পাৰিলে অটচ গাখীৰ বা দৈৰ লগত মিহলাই খাব পাৰে ৷ লগতে আপোনাৰ ৰুচি অনুসৰি বাদাম, বীজ আৰু ফল-মূল আদি দিব পাৰে ৷
ডালিয়া
ডালিয়া এবিধ পুষ্টিকৰ আৰু সহজে হজম হোৱা খাদ্য ৷ ই প্ৰ’টিন আৰু আঁহযুক্ত আৰু সোনকালে হজম হয় ৷ শাক-পাচলিৰ সৈতে ডালিয়া মিহলাই খাব পাৰে বা দৈ দিও খাব পাৰে ৷
ফল-মূল
ফল হৈছে আঁহ, ভিটামিন আৰু খনিজ পদাৰ্থৰ এক ভঁৰাল ৷ ব্ৰেকফাষ্টত ফল-মূল খালে পেট ভৰি থকাই নহয় বৰঞ্চ অত্যাৱশ্যকীয় পুষ্টিকৰ উপাদানো লাভ কৰিব পাৰে ৷ বিভিন্ন ফলৰ মিশ্ৰণ বনাই চালাডৰ ৰূপত খাব পাৰে বা যিকোনো এবিধ ফল খাব পাৰে ৷
কণী
কণী প্ৰ’টিনৰ এক উৎকৃষ্ট উৎস ৷ প্ৰ’টিনে দীৰ্ঘসময়লৈকে আপোনাৰ পেট পূৰ কৰি ৰাখে আৰু মাংসপেশীৰ গঠনতো সহায় কৰে ৷ কণী উতলাই, অমলেট বনাই বা স্ক্ৰাম্বল্ড বনাইও খাব পাৰে ৷
চিৰা বা পোহা
পুৱাৰ ভাগত খাবৰ বাবে চিৰা এবিধ লঘু আৰু পুষ্টিকৰ ব্ৰেকফাষ্ট ৷ ইয়াক হজম কৰাটো সহজ আৰু ইয়াত কেলৰিও কম থাকে ৷ শাক-পাচলি দি জুতি লগাই আপুনি চিৰা বনাই খাব পাৰে বা দৈ আৰু গাখীৰৰ লগতো মিহলাই খাব পাৰে ৷
এই কথাও মনত ৰাখিব
ব্ৰেকফাষ্টত মিঠা বস্তুৰ সেৱন কম কৰক ৷ ব্ৰেকফাষ্টৰ লগত চাহ বা কফি খাব পাৰে কিন্তু চেনি কম বা নিদিয়াকৈ খাব পাৰিলে ভাল ৷ সুষম খাদ্য আৰু ব্যায়ামৰ দ্বাৰা ওজন কমোৱাৰ সৰ্বোত্তম উপায় ৷ কিন্তু যিকোনো ধৰণৰ খাদ্য আৰম্ভ কৰাৰ আগতে চিকিৎসক বা পুষ্টিবিদৰ পৰামৰ্শ লোৱাটো ভাল ৷
