গ্ৰীষ্মকাল অহাৰ লগে লগে বহু লোকেই কুঁহিয়াৰৰ ৰস খাবলৈ ভাল পায় ৷ বৰ্তমান অসমত উৎকট গৰমৰ ফলত বহুলোকে বিভিন্ন ৰোগত ভুগিবলৈ ধৰিছে ৷ সেয়ে এই সময়ছোৱাত কুঁহিয়াৰৰ ৰসে আপোনাক যথেষ্ট সকাহ দিব পাৰে ৷
যদিও ১০০ গ্ৰাম কুঁহিয়াৰৰ ৰসত প্ৰায় ২৬৯ কেলৰি থাকে, তথাপিও ই এক স্বাস্থ্যকৰ পানীয়, কাৰণ ই আপোনাৰ শৰীৰক হাইড্ৰেট কৰি ৰখাত সহায় কৰে আৰু শৰীৰক তৎক্ষণাত শক্তি প্ৰদানৰ কাম কৰে ৷ বহু সময়ত কুঁহিয়াৰৰ ৰস খালেও ভাগৰ নাইকিয়া হয় ৷ কুঁহিয়াৰৰ ৰস খালে আৰু কি কি উপকাৰিতা পাব পাৰি পুষ্টিবিদৰ পৰাই জানি লও আহক-
কুঁহিয়াৰৰ ৰসত থকা বহুতো পুষ্টিকৰ উপাদান
বহু গৱেষণা তথা NIHৰ মতে, কুঁহিয়াৰৰ ৰসে কেন্সাৰৰ বিৰুদ্ধে যুঁজ দিয়াতো সহায় কৰে ৷ ইয়াত থকা কেলচিয়াম, মেগনেছিয়াম, পটাছিয়াম, আইৰণ আৰু মেংগানিজৰ প্ৰচুৰ উৎস ৷ এই পুষ্টিকৰ উপাদানসমূহে শৰীৰৰ কৰ্কট কোষ কম কৰে ৷
কুঁহিয়াৰৰ ৰস খোৱাৰ ৫টা আচৰিত উপকাৰিতা
- কুঁহিয়াৰৰ ৰসত আঁহ থাকে, যিয়ে শৰীৰত বৃদ্ধি পোৱা ওজন হ্ৰাস কৰাত সহায় কৰে ৷ লগতে আমাৰ শৰীৰৰ পৰা ওলোৱা সকলো বেয়া কলেষ্টেৰল কমাই দিয়ে ৷
- কুঁহিয়াৰৰ ৰসৰ সহায়ত দাঁতৰ ইনামেল আৰু দাঁত শক্তিশালী হৈ উঠে আৰু ইয়াৰ ফলত দাঁত ক্ষয় হোৱাৰ সম্ভাৱনাও কমি যায় ৷
- বৰ্তমান উৎকট গৰমে দহিছে ৰাজ্যবাসীক সেয়ে এনে সমছোৱাত এগিলাচ ঠাণ্ডা কুঁহিয়াৰৰ ৰসে তৎক্ষণাৎ শক্তি প্ৰদান কৰিব পাৰে ৷ কুঁহিয়াৰৰ ৰসে আপোনাৰ শৰীৰক শক্তি প্ৰদান কৰাই নহয়, ডিহাইড্ৰেচনৰ পৰাও ৰক্ষা কৰে ৷
- পেটৰ লগত জড়িত সমস্যাত ভুগি থকা লোকে কুঁহিয়াৰৰ ৰস খাব পাৰে, কাৰণ ই পাচনতন্ত্ৰৰ ৰসৰ নিঃসৰণ বৃদ্ধি কৰাত সহায় কৰে ৷
- যদি মহিলাসকলে নিয়মিতভাৱে কুঁহিয়াৰৰ ৰস সেৱন কৰে তেন্তে তেওঁলোকে বহু উপকাৰ লাভ কৰিব পাৰে ৷ লগতে ই প্ৰস্ৰাৱৰ সংক্ৰমণৰ সম্ভাৱনাও হ্ৰাস কৰে ৷
এই ৰোগবোৰৰ পৰাও হৈ থাকিব সুৰক্ষিত
কুঁহিয়াৰৰ ৰস হৈছে পুষ্টিকৰ উপাদান খোৱাৰ আটাইতকৈ স্বাস্থ্যসন্মত আৰু প্ৰাকৃতিক উপায় ৷ জণ্ডিচ আৰু যকৃতৰ লগত জড়িত ৰোগৰ চিকিৎসাত ইয়াক ফলপ্ৰসূ বুলি বিবেচিত কৰা হয় ৷ শৰীৰত শক্তি বজাই ৰাখিবলৈ কুঁহিয়াৰৰ ৰস খুবেই উপকাৰী ৷
কুঁহিয়াৰৰ ৰস খোৱাৰ সঠিক সময়
দুপৰীয়াৰ আগতে কুঁহিয়াৰৰ ৰস খালে স্বাস্থ্যৰ বাবে ই অতি উপকাৰী ৷ সপ্তাহৰ প্ৰতিদিনে অন্ততঃ এক গিলাচ ৰস খালে আপোনাৰ স্বাস্থ্যৰ পক্ষে খুবেই লাভদায়ক হ’ব ৷
