আয়ুৰ্বেদত কেশৰক যুগ যুগ ধৰি বিভিন্ন ঔষধ প্ৰস্তুত কৰিবৰ বাবে ব্যৱহাৰ কৰি অহা হৈছে ৷ বহুতে ইয়াক গাখীৰৰ লগত মিহলাই খাই ভাল পায় ৷ কিন্তু আপুনি জানেনে ইয়াৰ দ্বাৰা আমাৰ স্বাস্থ্যই বহু উপকাৰিতা লাভ কৰে ৷ তেন্তে পলম নকৰি আজি ইয়াৰ উপকাৰিতাসমূহৰ বিষয়ে জানো আহক-
কেশৰ মিহলোৱা গাখীৰৰ উপকাৰিতা
হজম শক্তি উন্নত কৰে- কেশৰ গাখীৰে পাচনতন্ত্ৰ শক্তিশালী কৰে আৰু বদহজম, কোষ্ঠকাঠিন্য আৰু পেটৰ অন্যান্য সমস্যাৰ পৰা সকাহ দিয়ে ৷
মানসিক চাপ দূৰ কৰে- কেশৰত থকা ক্ৰ’চিন নামৰ যৌগ এটাই মানসিক চাপ কমোৱাত আৰু মেজাজ উন্নত কৰাত সহায় কৰে ৷
ছালৰ বাবে উপকাৰী– কেশৰে ছালখন চিকচিকিয়া আৰু কোমল কৰি তোলাত সহায় কৰে ৷ ব্ৰণ, দাগ আৰু বলিৰেখা কমোৱাতো ই ফলপ্ৰসূ ৷
চকুৰ বাবে উপকাৰী- কেশৰে দৃষ্টিশক্তি উন্নত কৰাত সহায় কৰে আৰু চকুৰ ছানি পৰাৰ দৰে সমস্যাৰ পৰা ৰক্ষা কৰে ৷
হৃদৰোগ– কেশৰ হৃদস্বাস্থ্যৰ বাবেও উপকাৰী ৷ ই ৰক্তচাপ নিয়ন্ত্ৰণত সহায় কৰে আৰু হৃদযন্ত্ৰক শক্তিশালী কৰে ৷
ইমিউনিটি বুষ্টাৰ– কেশৰে ৰোগ প্ৰতিৰোধ ক্ষমতা শক্তিশালী কৰে আৰু শৰীৰক সংক্ৰমণৰ পৰা ৰক্ষা কৰে ৷
টোপনি উন্নত কৰে- কেশৰ গাখীৰৰ সৈতে মিহলাই খালে ভাল টোপনি অহাত সহায় কৰে আৰু অনিদ্ৰাৰ পৰা সকাহ দিয়ে ৷
কেশৰ গাখীৰ কেনেকৈ বনাব ?
কেশৰ গাখীৰ বনোৱাটো অতি সহজ ৷ কেইটামান কেশৰৰ সূতা গৰম গাখীৰত ৰাতিটো তিয়াই পুৱা পান কৰিব পাৰে ৷ ইচ্ছা কৰিলে তাত অলপ মৌও দিব পাৰে ৷
সাৱধানতা
- গৰ্ভৱতী মহিলা আৰু দুগ্ধপান কৰাই থকা মহিলাসকলে কেশৰ খোৱাৰ আগতে চিকিৎসকৰ পৰামৰ্শ লোৱাটো জৰুৰী ৷
- অতিমাত্ৰা কেশৰ সেৱন কৰিলে ছালত দাগ পৰিব পাৰে ৷
- যদি আপোনাৰ কোনো ধৰণৰ এলাৰ্জী আছে তেন্তে কেশৰ খোৱাৰ আগতে চিকিৎসকৰ পৰামৰ্শ লওক ৷
অন্য গুৰুত্বপূৰ্ণ তথ্য
- কেশৰ যথেষ্ট ব্যয়বহুল, গতিকে ইয়াক কম পৰিমাণেহে ব্যৱহাৰ কৰক ৷
- কেশৰ সদায় বায়ু সোমাব নোৱৰা পাত্ৰত বন্ধ কৰি ৰাখিব লাগে ৷
- কেশৰ মোহাৰিও ব্যৱহাৰ কৰিব পাৰি ৷
