চিটাৰা ডেস্ক, ১৪ মাৰ্চ: উৰ্ফী জাভেদৰ নাম শুনিলে নিশ্চয় সকলোৰে মনলৈ আহে উৰ্ফীৰ অদ্ভুত সাজ-পোছাক ৷ নহয় নে বাৰু ? অদ্ভুত সাজ-পোছাক আৰু ষ্টাইলৰ বাবে প্ৰায়ে শিৰোনামত থাকে উৰ্ফী । অৱশ্যে ইয়াৰ বাবে বহুবাৰ ট্ৰ’লৰ সন্মুখীনো হ’ব লগা হয় উৰ্ফী ৷ এতিয়া পুনৰ এবাৰ চৰ্চালৈ আহিছে উৰ্ফী ৷ অৱশ্যে এইবাৰ চৰ্চালৈ অহাৰ কাৰণ কিছু ব্যতিক্ৰম ৷ দৰাচলতে উৰ্ফীক লৈ এটা খবৰ আহিছে যে অতি শীঘ্ৰেই বলীউডত আত্মপ্ৰকাশ কৰিব ৷
হিন্দুস্তান টাইমছৰ প্ৰতিবেদন অনুসৰি ছ’চিয়েল মিডিয়া চেন্সেশন উৰ্ফী জাভেদে দিবাকৰ বেনাৰ্জীৰ আগন্তুক ছবি ‘এল এছ ডি ২’ৰ জৰিয়তে অভিনয়ৰ জগতখনত প্ৰৱেশ কৰিব । অৱশ্যে এই সন্দৰ্ভত উৰ্ফীয়ে এতিয়াও আনুষ্ঠানিক ঘোষণা কৰা নাই ৷ উল্লেখ্য যে, এই ছবিখনৰ বাবে দৰ্শকে বহুদিনৰ পৰা অপেক্ষা কৰি আছিল ৷ কিন্তু এতিয়া অনুৰাগীৰ অপেক্ষাৰ অন্ত পৰিব, কাৰণ ছবিখন ১৯ এপ্ৰিলত ছবিগৃহত মুক্তিৰ বাবে সাজু হৈছে ।
'এল এছ ডি ২'ৰ কাহিনী কি ?
‘এল এছ ডি ২’ এনে এখন ছবি, যি ছ’চিয়েল মিডিয়াৰ জগতখনত প্ৰেমৰ কাহিনী কঢ়িয়াই অনা দেখা যাব । এই ছবিখন হ’ব ডিজিটেল ৰূপত প্ৰেম আৰু সম্পৰ্কক চিত্ৰিত কৰা এক নাটক । অনন্য ফেশ্বন চেন্স আৰু ছ’চিয়েল মিডিয়াত উপস্থিতিৰ বাবে পৰিচিত উৰ্ফী জাভেদক এই ছবিখনত চাবলৈ অতি আকৰ্ষণীয় হ’ব কাৰণ ছবিখনৰ বিষয়বস্তু তেওঁৰ ব্যক্তিত্বৰ সৈতে হুবহু মিল আছে । ২০১০ চনত মুক্তি পোৱা ‘এল এছ ডি’ ছবিৰ ছিকুৱেল ‘এল এছ ডি ২’ ।
তুষাৰ কাপুৰ আৰু মৌনি ৰয়ক ‘এল এছ ডি ২’ ছবিখনত কেমিঅ’ চৰিত্ৰত দেখা যাব বুলি খবৰ আহিছে । বালাজী মোচন পিকচাৰ্ছ আৰু কাল্ট মুভিজৰ বেনাৰত নিৰ্মাণ হৈ থকা ছবিখনত মুখ্য অভিনেত্ৰীৰ চৰিত্ৰত নিমৃত কৌৰ আহলুৱালিয়াক দেখা যাব বুলি কোৱা হৈছিল । অভিনেত্ৰীগৰাকীয়ে ছবিখনৰ শ্বুটিং আৰম্ভ কৰিছিল । কিন্তু পিচত খবৰ আহিল যে অত্যধিক অন্তৰংগ দৃশ্যৰ বাবে অভিনেত্ৰীগৰাকীয়ে ছবিখন আধাতে এৰিবলগীয়া হ’ল ।
লগতে পঢ়ক: CAA ক লৈ দুটা ভাগত বিভক্ত হ’ল ছবিজগত, জানো আহক কোনে কোনে কৰিছে বিৰোধিতা
