চিটাৰা ডেস্ক, ২২ জানুৱাৰী: আজি পূৰণ হ’ল বহু বছৰ পুৰণি সপোন ৷ যিটো ক্ষণৰ বাবে বছৰ বছৰ ধৰি ৰাম ভক্তসকলে অপেক্ষা কৰি আছিল, অৱশেষত অন্ত পৰিল সেই অপেক্ষাৰ ৷ অযোধ্যাত উদ্বোধন হ’ল ৰাম মন্দিৰ ৷ এই ঐতিহাসিক ক্ষণৰ সাক্ষী হ’ল বলীউডৰ পৰা দক্ষিণলৈকে বহু চেলিব্ৰিটি ৷ লগতে এই ঐতিহাসিক ক্ষণৰ সাক্ষী হয় গায়ক চনু নিগম । কেৱল এই ক্ষণৰ সাক্ষী হোৱাই নহয়, নিজৰ কণ্ঠৰে আৰু অধিক ভক্তিময় কৰি তুলিছিল মন্দিৰৰ চৌপাশ ৷ এই অনুষ্ঠানত চনু নিগমে ৰাম ভজন পৰিৱেশন কৰিছিল । ছ’চিয়েল মিডিয়াত ভাইৰেল হৈ পৰিছে চনুৰ বহু ভিডিঅ’। ইফালে চনুৰ আন এটা ভিডিঅ’ পোহৰলৈ আহিছে, য’ত কণ্ঠশিল্পীগৰাকীক আৱেগিক হৈ পৰা দেখা গৈছে ।
চকুলো বৈ আহিল চনু নিগমৰ
আচলতে ৰাম মন্দিৰ নিৰ্মাণত চনু নিগম ইমানেই সুখী যে তেওঁ আৱেগিক হৈ পৰে । সংবাদ মাধ্যমৰ সৈতে কথা পাতি থাকোঁতে চনু নিগমৰ আনন্দৰ চকুলো বৈ আহে । এ এন আইৰ সৈতে কথা পাতি থাকোঁতে চনুৰ চকুলো বৈ আহে । সংবাদ মাধ্যমে কিয় কান্দিছে বুলি সোধাত চনুৱে ঘূৰি আহি সাংবাদিকক সুধিলে – আপুনি কিয় কান্দিছে? চনুৱে আৰু কয় – এতিয়া ক’বলগীয়া একো নাই, মাত্ৰ এইবোৰ (চকুলো)হে ক’বলৈ আছে ।
এই অনুষ্ঠানৰ বাবে চনু নিগমে পৰিধান কৰিছিল বগা ৰঙৰ সাজ-পোছাক । কপালত তিলক লগাই ব্ৰাউন শ্বেড পৰিধান কৰিছিল । সুৰীয়া কণ্ঠত ভজন গাই ভক্তগণক আপ্লুত কৰি তোলে চনুৱে ।
-
#WATCH | Ayodhya, Uttar Pradesh | Singer Sonu Nigam gets emotional; says, "...Abhi kuch bolne ko hai nahi, bas yahi (tears) bolne ko hai."#RamTemplePranPratishtha pic.twitter.com/6yoZ4s8APy
— ANI (@ANI) January 22, 2024 " class="align-text-top noRightClick twitterSection" data="
">#WATCH | Ayodhya, Uttar Pradesh | Singer Sonu Nigam gets emotional; says, "...Abhi kuch bolne ko hai nahi, bas yahi (tears) bolne ko hai."#RamTemplePranPratishtha pic.twitter.com/6yoZ4s8APy
— ANI (@ANI) January 22, 2024#WATCH | Ayodhya, Uttar Pradesh | Singer Sonu Nigam gets emotional; says, "...Abhi kuch bolne ko hai nahi, bas yahi (tears) bolne ko hai."#RamTemplePranPratishtha pic.twitter.com/6yoZ4s8APy
— ANI (@ANI) January 22, 2024
উল্লেখ্য যে, বলীউডৰ বহু ডাঙৰ ডাঙৰ তাৰকাই এই অনুষ্ঠানত অংশগ্ৰহণ কৰিছে । অমিতাভ বচ্চন, আলিয়া ভাট, ৰণবীৰ কাপুৰ, ৰোহিত শেট্টী, অভিষেক বচ্চন, কেটৰিণা কাইফ, বিকি কৌশল, মাধুৰী দীক্ষিত, আয়ুষ্মান খুৰানা, কংগনা ৰনৌত, ৰজনীকান্ত, ৰাম চৰণ, অনুপম খেৰ, শৈলেশ লোধা আদি বহু ডাঙৰ তাৰকাক দেখা গৈছিল । প্ৰাণ প্ৰতিষ্ঠা অনুষ্ঠানত টিভিৰ ৰাম অৰুণ গোভিল আৰু সীতা দীপিকা চিখলিয়াইও অংশগ্ৰহণ কৰিছিল ।
আনহাতে যিসকল তাৰকা এই অনুষ্ঠানৰ অংশ হ’ব নোৱাৰিলে তেওঁলোকে ছ’চিয়েল মিডিয়াত পোষ্টৰ জৰিয়তে অভিনন্দন জ্ঞাপন কৰিছে ।
লগতে পঢ়ক: ভিডিঅ’ মেছেজৰ জৰিয়তে অক্ষয়-টাইগাৰে জনালে শুভেচ্ছা
