চিটাৰা ডেস্ক, 15 জুলাই : বি-টাউনৰ শেহতীয়া দম্পতী সোণাক্ষী সিনহা আৰু জাহীৰ ইকবালক দেওবাৰে নিশা মুম্বাই বিমানবন্দৰত দেখা গৈছিল । এতিয়া সোণাক্ষীয়ে তেওঁলোকৰ ভ্ৰমণস্থলীৰ পৰা এখন ছবি শ্বেয়াৰ কৰিছে ।
২৩ জুনত বিয়া হোৱাৰ পিচৰে পৰা নৱ-বিবাহিত সোণাক্ষী সিন্হা আৰু জাহীৰ ইকবালে বাতৰিৰ শিৰোনাম দখল কৰি আহিছে । অনন্ত আম্বানী আৰু ৰাধিকা মাৰ্চেণ্টৰ বিয়াত পৰম্পৰাগত সাজ-পোছাকেৰে লাইমলাইটলৈ অহাৰ পিচত দেওবাৰে মুম্বাই বিমানবন্দৰত দেখা গৈছিল তেওঁলোকক । বিয়াৰ পিচত যুটিটোৰ বিদেশ ভ্ৰমণক লৈ কৌতূহল বাঢ়িছে অনুৰাগীৰ মাজত ।
ছ’চিয়েল মিডিয়াত দেওবাৰৰ গভীৰ নিশাৰ মুম্বাই বিমানবন্দৰৰ পৰা এটা ভিডিঅ’ বিয়পি পৰে য’ত বলীউডৰ দম্পতী সোণাক্ষী আৰু জাহীৰক দেখা যায় । ভিডিঅ’টোত সোণা আৰু জাহীৰক চেকাৰ চাৰ্ট পিন্ধি টুইনিং কৰি গাড়ীৰ পৰা ওলাই অহা দেখা গৈছে । ধূসৰ ৰঙৰ গাত লিপিট খাই থকা মিডি স্কাৰ্ট পিন্ধা সোণাক্ষীক আকৰ্ষণীয় ৰূপত দেখা গৈছিল ৷
লগতে পঢ়ক : জাহীৰ কোনটো শ্ৰেণীত পৰে- গ্ৰীণ ফ্লেগ নে ৰেড ফ্লেগ ? - sonakshi praises zaheer
আনহাতে ইকবালে ক’লা পেণ্ট আৰু সোণাৰ সৈতে একেই ধৰণৰে চাৰ্ট পিন্ধি আৰামদায়ক লুকটো ফুটাই তোলে । টাৰ্মিনেলৰ ভিতৰলৈ যোৱাৰ আগতে দুয়োজনে হাঁহি মাৰি বিমানবন্দৰত থিয় হৈ থকা শ্বাটাৰবাগৰ বাবে প’জ দিয়ে । ভিডিঅ’টো বিয়পি পৰাৰ পিচত অনুৰাগীসকলে তেওঁলোকৰ গন্তব্যস্থানৰ বিষয়ে আলোচনা কৰিবলৈ লাগি গ’ল ।
অৱশ্যে, দাবাং অভিনেত্ৰীগৰাকীয়ে আজি তেওঁৰ ইনষ্টাগ্ৰাম হেণ্ডেলৰ জৰিয়তে তেওঁলোকৰ ভ্ৰমণ পৰিকল্পনা প্ৰকাশ কৰিছে । ইনষ্টাগ্ৰামত সিন্হাই ফিলিপাইনছৰ পৰা এখন ফটো শ্বেয়াৰ কৰি লিখিছে, "হনিমুন ৰাউণ্ড ২ ফিলিপাইনছ । এতিয়া কেৱল @iamzahero ইয়ালৈ আহি পোৱাৰ বাবে অপেক্ষা কৰি আছোঁ, কিয়নো আমি পৃথক বিমান ল’বলগীয়া হ’ল ।"
ইনষ্টাগ্ৰাম ষ্টৰীয়ে প্ৰকাশ কৰিছে যে অভিনেত্ৰীগৰাকী ফিলিপাইনছত আছে আৰু স্বামী জাহীৰে তেওঁক যোগদান কৰালৈ অপেক্ষা কৰি আছে । জাহীৰ আৰু সোণাক্ষীয়ে তেওঁলোকৰ ঘনিষ্ঠ বন্ধু আৰু পৰিয়ালৰ সদস্যসকলৰ উপস্থিতিত এক অন্তৰংগ অনুষ্ঠানত বিবাহ পাশত আৱদ্ধ হয় ।
২০২৪ চনত বিবাহপাশত আৱদ্ধ হোৱাৰ পূৰ্বে জাহীৰ আৰু সোণাক্ষীয়ে ৭ বছৰ ধৰি ডেট কৰিছিল । ছলমান খানৰ জৰিয়তে তেওঁলোক সংস্পৰ্শলৈ আহিছিল । দুয়োজনে প্ৰথমবাৰৰ বাবে এটা সংগীত এলবামত একেলগে কাম কৰিছিল ৷ পিচলৈ তেওঁলোকে ডাবল এক্সএল ছবিত অভিনয় কৰে ।
লগতে পঢ়ক : ৰোমাণ্টিক ছানচেটৰ সৈতে সোণাক্ষী-জাহীৰৰ হনিমুন : ফ’টো ভাইৰেল - Sonakshi Sinha Zaheer Iqbal
