চিটাৰা ডেস্ক, ২৭ ফেব্ৰুৱাৰী : ২০২২ চনৰ ২৯ মে’ত পঞ্জাৱৰ জনপ্ৰিয় গায়ক সিদ্ধু মুছেৱালাক হত্যা কৰা হৈছিল । মানছাৰ জৱাহৰ গাঁৱত জনপ্ৰিয় গায়ক তথা ৰেপাৰ শুভদীপ সিং সিদ্ধু ওৰফে সিদ্ধু মুছেৱালাক গুলীয়াই হত্যা কৰা হৈছিল । সিদ্ধু মুছেৱালা আছিল মাক-দেউতাকৰ একমাত্ৰ সন্তান ।
কণ্ঠশিল্পীগৰাকীৰ মৃত্যুৰ খবৰে পৰিয়ালৰ লগতে অনুৰাগীক স্তম্ভিত কৰি তুলিছিল । এতিয়া বহুদিনৰ মূৰত সিদ্ধু মুছেৱালাৰ ঘৰত আকৌ এবাৰ আহিছে সুখৰ বতৰা ৷ প্ৰয়াত গায়ক সিদ্ধু মুছেৱালাৰ মাতৃ চৰণ কৌৰ অতি সোনকালে মাতৃ হ’বলৈ গৈ আছে । হয়, গায়ক তথা ৰেপাৰ সিদ্ধু মুছেৱালাৰ ঘৰত আহিব এগৰাকী কণমানি আলহী ৷ এতিয়া এই খবৰে সুখী কৰি তুলিছে অনুৰাগীক ৷ সিদ্ধু মুছেৱালাৰ মাতৃ চৰণ কৌৰৰ গৰ্ভৱতী হোৱাৰ খবৰ নিশ্চিত কৰিছে কণ্ঠশিল্পীৰ ককাক চামকৌৰ সিং সিদ্ধুৱে ।
তেওঁ কয় যে পৰিয়ালৰ প্ৰতিজন সদস্যই কেৱল প্ৰাৰ্থনা কৰি আছে যে বলকৌৰ সিং সিদ্ধুৰ ঘৰলৈ আকৌ এবাৰ সুখ ঘূৰি আহে । সিদ্ধু মুছেৱালাৰ ককাকে ভগৱানক ধন্যবাদ জনাই কয় যে তেওঁৰ পৰিয়ালটোৱে আকৌ এবাৰ হাঁহিবলৈ কাৰণ বিচাৰি পাইছে ।
কেতিয়া দ্বিতীয় সন্তান জন্ম দিব সিদ্ধু মুছেৱালাৰ মাতৃয়ে ?
খবৰ অনুসৰি মাৰ্চ মাহত সিদ্ধু মুছেৱালাৰ মাতৃয়ে সন্তান জন্ম দিব । কোৱা হৈছে যে সিদ্ধু মুছেৱালাৰ পিতৃ-মাতৃয়ে নিৰাপত্তাজনিত কাৰণত কোনো ধৰণৰ গৰ্ভাৱস্থাৰ বাতৰিৰ কথা ক’বলৈ অস্বীকাৰ কৰিছে ।
উল্লেখ্য যে, কণ্ঠশিল্পীগৰাকীৰ মৃত্যুৰ পিচতো সিদ্ধু মুছেৱালাৰ পৰিয়ালে তেওঁৰ ছ’চিয়েল মিডিয়া একাউণ্ট সক্ৰিয় কৰি ৰাখিছে, য’ত তেওঁৰ পূৰ্বৰ গীত আৰু কেতিয়াবা ফটো শ্বেয়াৰ কৰি থাকে ।
লগতে পঢ়ক: বিমানবন্দৰত অনুৰাগীৰ প্ৰতি দেখা গ’ল ছলমান খানৰ মৰম, চাওক ফটো
