তেজপুৰ, 17 আগষ্ট : অসমৰ শোণিতপুৰ জিলাৰ বিভিন্ন অঞ্চলত দৃশ্যগ্ৰহণ হ’ব এখন ব্যতিক্ৰমধৰ্মী ৰাষ্ট্ৰীয় পৰ্যায়ৰ কথাছবিৰ । মূল দুটা ভাষাত নিৰ্মাণ হ’বলগীয়া এই ছবিখনৰ শ্বুটিং হ’ব ঢেকীয়াজুলি, তেজপুৰ, কাজিৰঙা, গুৱাহাটীৰ কিছু অংশত । ছবিখনৰ ক্ৰিয়েটিভ ডিৰেক্টৰ হিচাপে আছে অসমৰ এগৰাকী জ্যেষ্ঠ পৰিচালক নাৰায়ণ শীল । বিভিন্ন সময়ত অসমৰ ৰাইজক বহুকেইখন ধাৰাবাহিক-তথ্যচিত্ৰ উপহাৰ দিছে নাৰায়ণ শীলে । ছবিখনৰ কাহিনী, পৰিচালনা আৰু প্ৰযোজনা হৈছে দেবাশিস মণ্ডলৰ ৷
চাহ-বাগিচাত প্ৰচলিত ভাষা চাদ্ৰী আৰু হিন্দী ভাষাত নিৰ্মাণ হ’ব এই ছবিখন ৷ লগতে ছবিখন অসমীয়া আৰু বাংলা ভাষালৈও ডাবিং কৰা হ’ব বুলিও দুই পৰিচালকে জানিবলৈ দিয়ে ৷ ছবিখনৰ সহকাৰী পৰিচালক হিচাপে কাম কৰিছে সুপ্ৰভাত গোপে ৷ গীতৰ কথা সুবীল বাগৰ আৰু সংগীতত আছে কীৰ্তিমান ৰেড ৷
লগতে পঢ়ক : শীঘ্ৰেই আহি আছে অসমৰ পৰা নিৰ্মাণ হ’বলগীয়া হিন্দী ছবি ‘মৃগয়া’ - hindi movie Mrigayaa
‘মৃগয়া’ৰ দৃশ্যগ্ৰহণ আৰম্ভ হ’ব 30 আগষ্টৰ পৰা ৷ ছবিখনত জনপ্ৰিয় অভিনেতা বাহাৰুল ইছলামে মুখ্য চৰিত্ৰত অভিনয় কৰিব ৷ ইয়াৰ লগতে তামিল ছবি জগতৰ এজন জনপ্ৰিয় অভিনেতাকো এই ছবিখনত দেখিবলৈ পোৱা যাব ৷
প্ৰকৃতি ধ্বংস আৰু ইয়াৰ নেতিবাচক পৰিণামেই হৈছে ছবিখনৰ মূল বিষয়বস্তু ৷ ছবিখনত কিছু পৰিমাণে একশ্যনৰ দৃশ্যাংশও থাকিব বুলি জানিবলৈ দিয়ে পৰিচালকদ্বয়ে ৷ মুঠ 35 দিনৰ ভিতৰত ছবিখনৰ দৃশ্যগ্ৰহণ সম্পূৰ্ণ কৰাৰ প্ৰস্তুতি তেওঁলোকে কৰিছে ৷
অসমৰ এগৰাকী প্ৰতিভাবান উদীয়মান অভিনেত্ৰী ধ্যানী মহন হ’ব ছবিখনৰ নায়িকা ৷ প্রকৃতি আৰু গছ সংৰক্ষণৰ লগতে আদিবাসীসকলৰ অধিকাৰ মৃগয়াৰ পটভূমি ৷
লগতে পঢ়ক : দৰৱৰ নামত জনতালৈ বৰবিহ: ৰাজনীতিৰ মেৰপাকত কোটিটকীয়া ব্যৱসায় - Baharul Islam starrer web series
