চিটাৰা ডেস্ক, 21 ছেপ্টেম্বৰ : শ্বাহৰুখ খান, কাজল আৰু ৰাণী মুখাৰ্জী অভিনীত মিউজিকেল ৰোমান্টিক ছবি ‘‘কুচ কুচ হোতা হে’’ শ্বাহৰুখ খানৰ প্ৰাৰম্ভিক কেৰিয়াৰৰ ব্লকবাষ্টাৰ ছবি । এইখন আছিল শ্বাহৰুখ খান আৰু কাজলৰ যুটিৰ 90 দশকৰ এখন ব্লকবাষ্টাৰ ছবি । ‘‘ৰাহুল আৰু অঞ্জলি’’ - এই দুটা নাম বলীউডত অমৰ ।
কুচ কুচ হোতা হে আছিল কৰণ জোহৰৰ প্ৰথম পৰিচালনামূলক ছবি । ইয়াৰ পূৰ্বে সহকাৰী পৰিচালক হিচাপে কৰণ জোহৰে শ্বাহৰুখ খানৰ সৈতে দিলৱালে দুলহনিয়া লে জায়েংগে ছবিখন নিৰ্মাণ কৰিছিল । এতিয়া কৰণ জোহৰে শ্বাহৰুখ খানৰ কুচ কুচ হোতা হেৰ সৈতে জড়িত এটা ভিডিঅ’ ছ’চিয়েল মিডিয়াত শ্বেয়াৰ কৰিছে ।
কিহৰ বাবে দুখী আছিল শ্বাহৰুখ খান ?
এই ভিডিঅ'টোত শ্বাহৰুখ খানৰ ডেকা কালৰ ৰূপটো দেখা গৈছে । শ্বাহৰুখে এই ভিডিঅ’টোত কৈছে যে কুচ কুচ হোতা হে ছবিখনত টাইট জিন্স আৰু টি-চাৰ্ট পিন্ধিবলৈ দিয়াত তেওঁৰ মনটো ভাল নাছিল আৰু তেওঁ কৰণক এই সাজ-পোছাক সলনি কৰিবলৈ কৈছিল ৷ কিন্তু কৰণে মানি লোৱা নাছিল ৷
আনহাতে শ্বাহৰুখ খানে বহুত আচহুৱা অনুভৱ কৰিছিল এই টান কাপোৰবোৰত । এই ভিডিঅ’টো শ্বেয়াৰ কৰি কৰণ জোহৰে লিখিছে, কুচ কুচ হোতা হেত শ্বাহৰুখ খানে পিন্ধা সকলো সাজ-পোছাক এতিয়াও ট্ৰেণ্ডত আছে ৷ বেল্ট বেগ, অভাৰছাইজ হুডি আৰু গ্ৰাফিটি জিন্স, হয়, লাইক্ৰা টাইটত নাই আজিও ট্ৰেণ্ড ৷ কিন্তু শ্বাহৰুখৰ অনুৰাগীয়ে এতিয়াও পিন্ধে ।
@iamsrk এ KKHH ত যি পিন্ধিছিল তাৰ বহুখিনি আজিও ফেশ্বন প্ৰাসংগিক ! বেল্ট বেগটো... অভাৰছাইজ হুডিবোৰ... গ্ৰেফিটি জিন্সটো... আৰু বহুতো ! (ঠিক আছে লাইক্ৰা টাইট টিবোৰ আজিকালি নাই কিন্তু কিছুমান দুৰ্ভগীয়া আত্মাই এতিয়াও সেইবোৰ পিন্ধে) কিন্তু ভাইয়ে সেই উজ্জ্বল টাইট কাপোৰবোৰত ইমানেই অস্বস্তিকৰ অনুভৱ কৰিছিল, তথাপিও সেইবোৰ মূল ফেশ্বনৰ দৰে উপস্থাপন কৰিছিল ! লগতে ... মনত আছে বাস্কেটবলৰ ছিকুৱেন্সটো শ্বুট কৰি থাকোতে মই ইয়াক “এটা গ’ল” বুলিয়েই কৈ থাকিলো🙈 যেতিয়ালৈকে ভাইয়ে মোক এফালে লৈ গৈ ফুচফুচাই ক’লে “এইটো এটা বাস্কেট” 😂 #স্মৃতি #৯০ৰ দশক
ছবিৰ বাজেট আৰু উপাৰ্জন
বাতৰি অনুসৰি, ‘‘কুচ কুচ হোতা হে’’ বোলছবিখনৰ মুঠ সংগ্ৰহ আছিল ভাৰতত 46.87 কোটি, বিদেশত 25.99 কোটি আৰু বিশ্বব্যাপী 91.09 কোটি টকাৰ ব্যৱসায় । ছবিখনৰ বাজেট আছিল 10 কোটি টকা । কৰণ জোহৰে 2010 চনত শ্বাহৰুখ খানৰ সৈতে মাই নেম ইজ খান বোলছবিখন নিৰ্মাণ কৰিছিল ।
14 বছৰ হ'ল, শ্বাহৰুখ আৰু কৰণে এতিয়া একেলগে কোনো ছবি নিৰ্মাণ কৰা নাই । শেহতীয়াকৈ, শ্বাহৰুখে কৰণক সুধিছিল যে তেওঁলোকে কেতিয়া একেলগে এখন চলচ্চিত্ৰ নিৰ্মাণ কৰিব ।
লগতে পঢ়ক : IIFA ৰ এটা অনুষ্ঠানত ৰাজহুৱাকৈ কৰণ জোহৰক ঠাট্টা শ্বাহৰুখৰ - SRK Karan Johar at IIFA
